السلام حبيباتي ابدش بالموضوع باختصار انا زوجي يسهر ومايرجع الا على الساعه ثلاث ونص ومرات ثنتين ونص تعبت وانا اكلمه بهالموضوع خصوصا وانا بشقه بروحي ما اشوفه الا مرتين او ثلاث مرات باليوم قبل النوم وبعد الاكل بشوي ويدخل الشقه جنه داخل فندق تعبت منه ومن سهره , ليلي اقعده بروحي لما كان عندي دوام كان يتحجج بدوامي واني انام بهالفتره وانا ما ارقد الا لما تعبت من سهره وانا باجازه وما تغير مع اني اسوي للي يبي عشان يرتاح واهوا يمدح فيني واذا بخاطره شي ما يقصر يقول بس يقول هذا طبعي وما اقدراغيره انا تعبت نفسيا بالنهار نايم وبالليل بطلع برى واغلب وقتي بروحي احس قلبي شايل عليه ومرات اقول بقعد بيت اهلي وماراح اردله شتنصحوني فيه ... صج محتاجه لنصيحه ...ومالي خلق اتهاوش معاه صج تعبت .
حبيبتي الله يهدي سركم إنشاء الله بس دام مومقصر معاج بشي صدقيني السهر ماراح غير شي من حبة لج أنا أخوي جذي يسهر لي الفجر مرة كلمتة قال والله شسوي ربعي مايتجمعون إلا من 12 ورى بعد مايخلصون مشاويرهم ومشاوير حريمهم وهني تحلى القعدة بس والله إنة يمووووت في زوجتة وأنت يمكن زوجج من هالنوع يمكن ربعه كبار بالسن أو متزوجين صار لهم أكثر من 6 سنين
الله يعينج والله ابتلشنا بهالدواوين حاولي تكلمينه بقعدة هاديه وقوليله من ناحية الحب اني احبك وما اتحمل بعدك عني ولاتنامين وتخلينه قعدي ليما يرد لان اذا عرف انج تنامين خذا راحته اكثر واكثر والله ادري ان بعضهم ماينفع وياهم بس مالج الا الصبر
هلا اختي . . . قوليله انج بشقة وتخااافين واطلبي منه بهدوء انه ما يتأخر . . . ومعلش صبري باجر ربي يرزقج بالذرية ان شاء الله وبتنشغلين وياه البيبي . . .
أختـــي قوليله عادي روووح بس مو كــل الأيــام .. وانا وحده أخــاف طول الوقت قاعده بروحي بالشقه .. مالــه داعي تروحين بيت أهلـج .. والله يوفقكم
حبيبت قلبي خليه بس صيري شاطرة مثل اختج كانت مثلج وقالت لي صار من يطول عنها تبعت رساله له بالمبايل اشتقت لك قلبي لاتغيب عني محتاجتك يمي اطول عليا ولا من هاى السوالف الي تشغل البال ولو شاطرة تخليه يرجع يوميا امبشر الج جربيها ومارح تخسرين وان قلج كافي رسايل قولي له من تتركنى اخاف ومرات اشتاق لك وكل مرة حجه شكل كيد الحريم بلوة الله لايواريج هههههههههههه وان شاء الله يتغير وتبشريني
اتفقي معاه انه يقسم وقته قوليله مومشكله اسهر مع ربعك عادي بس شرايك نقسم وقتنا يعني يوم لج ويوم لربعه لما يخلص الاسبوع وخليه يحب البيت جربي سويله يوم او عشا رومانسي وحطي فيه شغلات حلوه وشموع وبالون وحركات رومانسيه
الله يعيينج يا حيااتي والله ان اخووي مع مرته جذي الله يعينها حبيبتي ويصبرهاا بس صج انا كنت داايم احط نفسي مكاااهاا اقول ماصارت شنو هالسهر الخااايس حتى المرا والله انها اطفشت واهي نفسج بعد بشقه وتخاااف حيل برووحهااا بس شتسوي المسكينه حااولت فيه مراا يجي 2ونص يعنيمبجر ومراات 3 الله يعينكم ويصبركم بس هذا اللي اقدر اقوووله بس حبيبتي ديرباالج تروحين بيت اهلج ترى بعض الريجييل تحلالهم حيااااة العزاابيه ويحنوون لها حيل ..
أقولج أختي ما فايده كان غيرج اشطر ياما سوينا وجهزنا وسهرنا وتكلمنا وصحنا وزعلنا لو شنو سويتي ما راح يتغير اغلب الزوجات تعاني من سهر ازوجهم خارج البيت لين الساعه 3 صباحا
حبوووبة انا زوجي جذي كت اتذااابح معاااه ذبح مذاابح وكنت ايي انام بيتنا و لما يرد ما يلقاني كنت اقوولة توك فقدتني يلا روح حق ربعك هذي بأول أيام بعدين شسويت قمت اشتري افلام و أقعد قزرها اشوووف افلام لييما يرد بس احس ان بيرد أروح احط راسي و انام صرت عادي يومين ما اشوووفة لما اهوة مل يقول احس اني مو متزوج ترى الرياااال من نفسه و الحين مع البيبي ويييه صاار يرد بسرعه مايسهر برة بس يرد ملهوووف ان شالله لا ربج رزقج بالبيبي بتشوووفين شلون يتغير والله يحفظة لج حمدي ربج يسهر مع ربعه مو بشي 2 حمدي ربج بس
انا مثل حالتج بالظبط بس الفرق عندي ياهل هم ماكو فايده اصلن احس يستانس مع ربعه اكثر مني بس شسوي عاادي قمت اطنش يعني كل ما يقولي بروح اقوله اووكي فا اهوا بدى يلاحظ ان صار شي عاادي عندي قام بالتدريج يرد مبجر مادري عشاني ولا عشان البيبي لوول بس ترا عاادي راح تتعودين
