السلام عليكم بنات هذى مشكله رفيجتى ابى لها حل والله تعبت معاها هى صغيرة ومتزوجه شايب ويطلقها ويعذبها ويخونها جدام عينها وعليها منه بنت وحده ؟ وهى صغيرة وحرمها كل شي حتى التعليم والطلعات والروحات وراحت لاهلها تبجى وتعبانه حيييل واخذت بنتها وماقامت تاكل ولاتنام وقالت شنو اسوي مابى ارجع له وابى ارجع له محتارة حييل لانه يبي يتزوج عليها انتوا عطونا رايكم شنو تسوى وكل وحدة تقول رايها شتسوى ؟؟؟؟؟؟ والله ندعيلها اللى ترد تكفوون بسررعه
اخلي الشايب العايب عند اهلة وطلب الطلاق عمت عينة يامال ايدة شقول والبنت مردها لامها اربيها احسن تربية لاعاد اقشر وشايب والبنت ماينخاف عليها مردها لامها وربي مانصحت هالنصيحة الا وانا لايعة جبدي من الي قيتة ومع اني ماايد الطلاق الا بحالة الخيانة والطق شلون اامن بنتي علية وهوا يخون قدمي تكبر عند ابو فاشل عساة ياخذ مليون وحدة بس اروح عند اهلي اشرفلي ولبنتي وحقها يوصلها غصبا عنة انتي من وين اي دولة
هلا حبوبة مشكورة على ردج على الاقل عبرتينا كويتيه ياقلبي بس تصدقين يضربها اللين تفقد الوعى ويخونها بفراشها ولايحب يشوفها بس يقول قعدى اهتمى فينى وخلينى اخونج وانتى بروح وهو بروح تقول حقوقها مايعطيها اياها <<<<<< يعنى مايلمسها
هلا تقدر ترفع علي دعوة انا يضربها بتقرير طبي وراح يودونا ورى الشمس وتقدر ترفع قضية تعدد الزوجات ونا يضرب ومقصر وخاين بالفراش وتلعن خيرة بالمحاكم وراح ينصفون حقها مايضيع لها حق وغصب عنة يمشي معاش وخدامة وسيارة اذا تبي ومعاش البنت وترفع دعوة طلاق للضرر وراح ينصفونها والله مااقعد دقيقة عنده بدل الشايب الف شاب يطق ومقصر بكل شي ليش ماخذسيلانية ترى اهيا كويتية ولها حقوقها كاملة بسالج شلون اهلها يعني لها مكان واهلها حليوين لان نص الاهل قطيعة نار الزوج ولا نار الاهل
اى حلويين اهلها ورحبوا فيها بس فى مشاكل اكييد فى كل بيت وقاعده بس تقول ينكسر خاطرى لاشفت بنتى بدون ابوو والله تبجي تكسر الخاطر تعبت معاها اهى تقول تتطلق والا تقعد عنده نفس الطووفه
من صجها هذي وصليلها كلامي اذا الاهل زينين شتنطر ترى ابوها ردي ومايشرفني بنتي تعيش عند ابو ردي ادري الطلاق مو زين وقري مواضيعي ماايد الطلاق وعمري ماقلت تطلقي بتعدل في وماراح يتعدل بوطبيع مايغير طبعة ويخون والصفات الشينة في ماخاف من ربا بيخاف من زوجتا والله انا اطلب الخلع ماانطرة يطلقني اعيش معاه بالحرام ربج مايرضى والاهل مايرضون وهيا ماراح ترضى تدرين ليش لانا هاجرها بالفراش وخاين بفراشها ومقصر ويطق شخلا بعد والله لتطلق وعيش حياتي شدعوا بيدري عن البنت ولا امها نفس الطوف والبنت صغيرة تقدر تسيطر عليها وتربيها عدل ولا انها تشوف ضيم الابو والمشاكل وتختل عقليا اهني بتقول كلا منج يايما الي صبرتي علي دام البنت ماتفهم البنت غير الصبي البنت اكثر الوقت مع امها خل تعيش بين اوادم ومو بعيد عنا يطق بنتا الي متعود على الطق خلاص تاخذ ايدة وشي عادي تضيع عمرها وشبابها وحياة بنتها وتدف عمرها وهوا عايش ماهميتي ونتي الي تموتين من الحرة والامراض ومادرى عنج البنت تبي فرقا ابوها لاتردلة وخل يسوي الي يبي المحاكم تاخذ حقي منك واعلى مافي خيلك اركبا
لاتبجي ولا شي وهيا من الحين تقرر مو تنطر 10 سنين وتقرر تاخذ القرار الصح وهذا القرار الصح الله والابو الي تبج علية بيتزوج مادرى عنج شاري وناستا على حسابج انتي وماهميتي وصليلها كلامي اي شي انا حاضرة وربي اعرف وحدة ماتت مقهورة من زوجها تعدل في مايتعدل يشرب ونفعها ماتت وتزوج ابد احساس مافي وهيا مرا دينة وحبوبة ماتت 44 عمرها سكر ضغط وامراض جابها لها ويجيب المرض شخذت منا غير الموت فكها منا
الله المستعان قلت لها والله الحين بس تقول احبه وتخاااف تخليه يصير فيه شي فوق اللى يسويه لها هم خايفه عليه وهو بيتزوج وبيحرها تقووول هل تدز مسج له تقول طلقنى وتعدد له شنو سوت بالطيب معاه والا ماتدز ؟
لا حيبتي لاتدز مسج خل تنطر اتفة موقف وتروح لهلها وهني تفجر الي فيها خلها عندة الحين وعادي بس خل دور الزلة علية اذا عند اهلها لاتفاتحة بشي وبس تسكر الجهاز وخلاص عافك الخاطر خاف اهيا تحبة وصابرا علية قوليلها مشاعرج خليها بصوب وحياتج بصوب والمفروض من اول مرا يمد ايدة تعلمة قدرة والله ماارد الا برضوة
هى عند اهلها لفظ عليها الطلاق وطاقها طق بغت تموت وايح يخطب عليها قبل امس هااااا شرايش شتسوي تستمر معاه والا لا.؟ هل يستاهل حبها وتعبها وصبرها والا لا
السلام عليكم اختي هذي البنت غريبه ولا مو صاحيه تعرفين ليش؟؟؟؟؟؟ تقول انها تغار عليه وما تبيه يتزوج عليها وبتموت اذا تزوج ؟؟؟؟؟؟ طيب هو يخونها في بيتها وعلى فراشها بالحرام هذي مو اولى تغار على دينها الا ينتهكه هالحقير؟؟؟ هذا مو اهانه لكرامتها ؟؟؟ الزواج على الاقل تحصين وما يغضب رب العالمين لكن هذا شخص مو صاحي يبي يتزوج عشان يذلها ويردها وتصير خدامه اول شي اذا رجعنا للشرع حرام عليها تعيش مع رجل زاني وهاجرها ويجوز لها الطلاق واذا هي تخاف ربها تتركه لانه ما يسوى نعال والله بيعوضها ويعوض بنتها واذا رجعنا للقانون من حقها تطلب الطلاق بسبة الضرب والهجر بدون سبب هي شابه ومحتاجه رجل يعاملها باحسان ولطف وحنان اقول احنا صبرنا على شباب مدلعينا وياويله اذا كلم وحده ونتدلع وهم نتشرط عليهم واهي شايب يتشرط عليها ويذلها؟؟؟؟؟؟ ترى ما يستاهل تعيشين معاه عشان نفسج لا يجيب لج الامراض وتجيبين منه بعد جهال يمكن يمرضون ولا بكره يموت ويتركج ارمله صغيره ولا تهنيتي بحياتج 0000 دوسي على قلبج عشان ترضين ربج لان العيشه معاه حرام شايب وزاني ؟؟؟ استغفر الله
صدقتى انا قلت لها جذى نفس كلامج وهى الله يهديها ؟؟؟ الحين عند اهلها وقاعد يتصل عليها بس ماترد لانه يبيها على قولتج خدامه ويبي يتزوج عليها حسبي الله ونعم الوكيل ظلمها معاه
حبيبتي خل تقرا الردود يمكن ترتاح شوي اللهم اجرها في مصيبتها وخلفها خيرا منة اذا تطلقت خل تقول الحديث بستمرار وربج يرزقها بواحد يعوضها عنة
البنات ماقصروا بالرد لكن افضل حل لها الطلاق واذا على انها تقول بنتها تعيش بدون اب هذا موعذر اسمحي لي ياكثر الي عاشوا وتربوا عادي وامهم وابوهم منفصلين ومافيهم الا العافيه حبيبتي قولي لها هذا كبير بالسن وبعد يخون ويبي يتزوج عليج وانتي بعدج صغيره تطلقي وعيشي حياتج اريح لج ربي بنتج وانتي مرتاحه لا الله ولا رسوله يرضون بوضعهاالله كتب الطلاق لحالتها ربي يعينها انا هذا رايي ولاتفكر بحل ثاني لانه قعدته عنده بتدمر حياتها وصحتها وبعدين بتدمر حياة بنتها لانها بتربي بنتها في بيت كله طق ومشاكل وخيانه وفوق هذا بيتزوج عليها
والله للحين عند اهلها ولاتاكل ولا تنااااااااام وكله تبجي والله كسرت خاطرى قمت ابجي لاشفتها جذي ولاقلت لها شنو قررتى تقوووووووول انا اااااااحبه وبنفس الوووقت مابى اعيش عنده مدري شفيها جنها مسحورة قلت لها دامج ماقصرتي خليه يولى تقول منو بيهتم فيه ومنو بيغديه ومنو بيعطيه دواة تخيلوا تفكر جذى فوق ماهو ظالمها وخاينها ويبي يتزوج عليها قهرتنى النت تعبااانه حييييييييييييل اتوقع بتموت بعد ااااااااياام اللى نفس حالتها مايعيش
هلا حبيبتي والله زعلتيني حيل عليها قولي لها لبدنك عليك حق (اعتقد صح المقوله)... صدقيني الرجال مايهمه غير نفسه والمراه بطبعها حساسه وتفكر بقلبها وعاطفتها يعني خليها تفكر لحظه بعقلها وتشوف هل يستاهل حبها ؟؟ ولوعاشت معه بيكون لها راحه او طق واهانه وخيانه؟؟؟ ومن كلامج تقولين مومقصره معه ..... انا تعبت وفوق تعبي قهرتني المهم انتي خليها تدخل المنتدى عندنا وتقول شنو بخاطرها ساعات لما تكتبين شنو قاهرج تلقين حل وبنفس الوقت تحسين براحه ..... وليش ماتاكل ولاتشرب عشان رجال ولايسوى صراحه انا عندي مبدء بالحياة ماتوقف الدنيا عشان رجال وقولي لها معلومه الرجال مايحب المراه الضعيفه ابداااااا موقصدي يعني تصير عضلات وتطق ولسان طويل لا تصير القوى بشخصيتها ورايها ..... والله لوصدته وكلمته بجديه شوي وعلمته قدره بيتغير معها واذا ماتغير بحفظ الله ماماتوا الحريم بدون رجال ياكثرهم عايشين على الاقل بكرامتهم هذا رايي ولا اقدر اقولج اكثر .... ربي يقويها ويساعدها
دراريع عليا .... هدي من روعك واي قضايا تتكلمين عنها انت عارفه ضروف تعيشها الان وبعد الطلاق اختي صاحب الموضوع بالاول انتم او صاحبتك من اي بلد !! علشان اقدر اقولك المساعده بدون مشاكل بس ببعض الدول
