بسم الله الرحمن الرحيم السلام عليكم ورحمة الله وبركاته أحببت ان أسرد عليكم هذه القصه من باب النفع والفائدة كان فيه حرمه شاكه بزوجه انه يخونها . وراحت بحثت بالامر وطلع شكها في محله والرجل فعــلا يخونها انهارت بكت فكرت بالطلاق ، لكـن عندها اطفال و ايضا زوجها شريك لها بالاسهم . خافت تتطلق منه وياخذ عيالها وفلوسها وتقعد لا بلح الشام ولا عنب اليمن اتصلت على محامي و قالت له عن سالفتها وان زوجها يخونها .. .إلخ قال لها المحامي :هل يعلم زوجك انك تعرفين عن خيانته .. هل واجهــتيه ؟ قالت : لا قال : انتبــــــــــــهي .. لا يدري انك عارفه بموضوع الخيانة وتصرفي طبيعي تدرين وش هو سلاحك ؟؟؟ سلاحك هو ان زوجك يحسبك مغفله ! يحسبك ماتدرين وش صاير وقال لها المحامي . اجمعي ادله على خيانة زوجك ، بدون مايدري عنك ولا يحس الزوجه : ادله يعني كيف .. هل مثلا اصوره مع عشيقته وهم بغرفة الفندق ؟ المحامي : ههههه لا صعبه . لكــن تقدرين تاخذين له صوره وهو يدخل معها بالشقة ، او صوره لهم بـ اي مكان عام او شوفي اوراق زوجك والحوالات البنكية والارصدة . أكيد بتلقين دليل اذا لقيتي اي شي اتصلي علي يوم طلع الزوج من البيت . راحت الزوجه للمكتب حقه . وفتشت بالاوراق لقت ورقه من معرض سيارات . وشاري سيارة بي ام دبليو اخر موديل وكاتبها بـ اسم صديقته ولقت صك شاري شقة وبرضو كاتبها باسم صديقته اتصلت على المحامي وقالت له عن الاوراق اللي لقتها قال المحامي : الاوراق خذيها وصوريها .. بتحتاجينها ..ورجعي كل شي مكانه ، علشان مايحس انك تنبــشين بـ اوراقه وقال لها انتي اللحين عرفتي اسم صديقة زوجك + عرفتي مكان الشقه اللي هي ساكنه فيها . هذي نقطتين تقدرين تستفيدين منها سوت الحرمه مثل ماوصاها المحامي صورت الاوراق وخبت الصور عندها وذاك اليوم تلبس زوجها وتكشخ . قال ابطلع عندي شغل ضروري .. قالت : الله يحفظك طلع زوجها من هــنا . طلعت هي وراه و وراه لين راح شقة صديقته .. واخذت له كذا صوره وهو مع صديقته عند باب العماره وصور بالشقة وقفت شوي بالشارع .. الا وتشوف زوجها مع دريشة احدى الغرف المطله على الشارع (له وجه يطل مع الدريشه هههه) وتطمر الحرمه وتروح العماره المقابله لـ العماره الموجود فيها زوجها وتصعد للسطــح . حق العمارة وكان معها كاميرا فيديو .. قدرت تصور زوجها وهو بوضع مخل للادب .( طبعا الكامير من النوع الاحترافي عالي الدقه ) اللحين خلاص جمعت ادله كااااااااااااااااافيه و وافيه اتصلت على المحامي وعلمته بـ كل اللي صار قال خلاص اللحين تقدرين تطلبين الطلاق وذاك اليوم الرجل جالس بوظيفته ومستانس وصلته ورقة من محكمة فتحها اثاريه زوجته طالبه الطلاق ومعينه المحامي الفلاني يدافع عنها و و ومطلوب منه اليوم يروح مع زوجته عند مكتب المحامي . لعل المحامي يصلح بينهم او ييسر الله امرا جاء زوجها للمحامي وجت الزوجه معه وقال الزوج :ليش تبغــيني اطلقك . انا ماسويت شي و و و قالت : انت تخوني ضحك الزوج وقال :: معك دليل . قالت : لا (تبغى تهدي الوضع لين يجي موعد المحكمة ) قال الزوج للمحامي : ماعليش هذي تخربط بس شافتــني مشغول عنها هاليومين وحســبتني رايح لحرمه غيرها ... المهم قال المحامي : فيه لكم جلسة عند المحكمه لان الزوجه طالبه الطلاق فعلا من المحكمه اذا جاء موعد جلستكم قل كل اللي عندك راح الرجل وهو كله ثقه بنفسه .. ويحسب ان زوجته مــغفـــله وماتدري عن شي ، وضعيفه . خلال هالفترة باعت الزوجه اسهمــها اللي بالبنك وشرت لها شقه صغينونه . جاء موعد الجلسه عند المحكمه سئل القاضي الزوجه عن سبب طلب الطلاق قالت انه يخونني قال معك دليل على خيانته قالت نعم هنا زوجها بغى يوقف قلبه . وش الدليل اللي مع الزوجه ؟؟؟ قال القاضي ماهو دليلك طلعت لهم نسخة من صورة الإيصال حق شراء السيارة قال القاضي لزوجها :وش هالاوراق . قال الزوج ، هذي السياره كنت شاريها ناوي اعطيها زوجتي هديه لكن زوجتي عصبيه وتسببت لي بمشكله والغيت فكرة اني اهديها السيارة وبعت هذي السيارة لـ فلانه الفلان ( صديقته ) قال القاضي :طيب يا الزوجه عندك دليل ثاني قالت الزوجه : نعم عندي .. وتطلع الزوجه صور لزوجها مع صديقته و قالت ان عندي تسجيل فيديو لهم بوضع مخل قال القاضي للزوج : وش ردك على أدلتها .. الزوج : ساااااااااااااكت ولا قال ولا كلمه . متفاجئ ان زوجته سوت كذا قالت الزوجه : ايضاء اطلب حضانة اطفالي تكون عندي .. ما اقدر اخلي اطفالي يتربون عند رجل خائن وفعلا ربحت الزوجه القضية بـ ذكائها واخذت اولادها وفلوسها وتوته توته انتهت الحتوته القصة حقيقة لكن حصلت لامراه غير عربية نقاط : =اذا دريتي عن زوجك انه يخطأ بـ اي شي . اسكـــــــــــــتي و خليك كانك ماتدرين .. ودبري امورك وصلحي الحال = لا تــتهمين احد الا اذا كان عندك دليل = الطلاق هو اخر الحلول = احيانا تحدث بينك وبين زوجك مشكله .. وتتضايقين وتسود الدنيا بوجهك لكن هالمشكله تكــتشفــين مع الأيام انها أصلحت زوجك وخلته يمشي سيــــــدة ( ماتدرين وين خيرة أمرك ) =اذا افشيتي أسرار زوجك ، او كنتي من النوع الي دايم تتكلم قال زوجي ،جاب زوجي ، راح زوجي ... إلخ فلا تأمني مكره .. (إن افشيتي له سره ، فلا تأمني مكره ) = شاوري اهل العلم والحكم في امورك الخاصه الصعبه = تعلمي ، اقرائي ، ترى سلاح الحرمه بهالزمن هو العلم . منقوول لعيونكم وسلام ْْاللهم إني أسألك الأنس بقربكْْْ
مشكورة ومااا قصرتي . . . هالقضايا تلاقينها في الغرب خصوصا انهم يتعبون لغاية ما تكون الحضااانة لصالح احد فيهم . . .
والله قصه مفيده حيييييييييييل بس المشكله الطفاقه اللي فينا والقهر مانقدر نسكت ان شفنا شي على طول نتهاوش مانحطها بقلبنا
الي لفت انتباهي غربية ماتوقعت الذكاء من امراء شرقية اعرف وحدة سوت سالفة والفت سالفة وكتشفت انا زوجها يخونها ويممممممممموت عليها البنية بيضا ملكة جمال ورشيقة انصدمت انا يخونها بس الطريقة عطت بدون 50 دينار عشان تكلم زوجها ونقال وكلا مسجل خلال اسبوع وهوا رايح فيها مستانس على اساس انها بنت الفلاني وعندها شقة ووووووو رد وواجهتة وفعلا ماخافت وكل شي مسجل وطالبة الطلاق اهوا صعق لو انا مكانها ماسويها بس اهيا واثقة ماراح يطلق الغبي مصخرة والله ضحكت ضحك لما صادتة وواجهتة الحين سيارتة لها ومعاش كل شهر والبطايق بجيبها ولي بس تبي سوت هذا الفلم عشان الي تبي يوصل لها قبل معارض عن السياقة والمعاش ووو الحين تم وهوا حمار كرم السامع بس اهيا شخصيتها قوية وهوا على قد حالة مسكين يبي الستر ويبيها ماخذها عشق عمى بعينهم مايسد عينهم الا التراب
يسلمو على القصة المفيدة والنصايح الحلوة0000 تجارب الناس دروس لغيرهم00 بصراحة انا مع عدم المواجهة بالبداية لازم الواحد يصبر ويتاكد00 الله يهدينا جميعا مشكوووووووووورة
يسلمو صراحة خوووووش قصص روعة يعطيكم العافية أنا أعرف وحدة قريييبة مني حيييل وزوجها بعد يقربلي أمس كلمتني وحدة وقالت شفتي فلان والله كاهو جدامي إغازل ورقم بنات وأنا شايفة عنده تلفون ثاني خاشة عن زوجتة غير إني مرة سمعتة يتكلم مع وحدة والله يابنات زوجتة صعبانة حيييييل علي جميلة وجسم روعه وإسلوب راقي وكشخة ودي أقولها تدير بالها أو تواجهه وما أدري شسوي نصحوووووني تكفون
عفياااا عليهااا والله بس احناا من وين نجيب الصبر على طووول بجي وشلنا قشنا ةرحنا عند اهلنا هههههههههه هذي لانهاا مو عربيه وغربيه شووف تصرفهاا وذكاااء محاميهاااا .. لاهنتي خيتوووو ع القصه
خوش قصة يعطيج العافية والله يعيينه عليهم يبيلهــــــــــــــــــــــــم قـــــــــــــــــــــــــــــــــــــــــــــــــــــلـــــــــــــــــــــــــــــــــــــــب ما يتعب
