الأم بطبيعة الحال تميل للإبن أكثر من الإبنة بمعنى مع الولد أكثر من مع البنت .... ولهذا فإن زواج الإبن يسبب نوع من أنواع الغيرة لدى أم الزوج ... فهي تشعر بأنها ربت وسهرت وتعبت حتى أصبح رجلاً فتأتي إمرأة لا تعلم ألأم عنها شيئاً وتخطفه منها . الأم لا تحتمل هذا وفي نفس الوقت لا تظهر هذا الإحساس إلا لإبنها عندما تريد أن تحرضه على زوجته لأنها أختلفت معها في رأي أو لأن الزوجة شخصيتها قوية وتربت على أنها لا تطيع أحداً فهي ألآن ترفض الرضوخ لمطالب ام الزوج عندها أم الزوج تحرض أبنها ضد الزوجة . وتبدأ غيرة أم الزوج من الزوجة تظهر من خلال منافسة الزوجة في ( ألأزياء ووضع المكياج وخاصة قص الشعر والتسريحه ) وهذا يتضح خاصة ً عندما تشعر الزوجة بأن كل ماتفعله هي تفعله أيضاً أم زوجها . كثير من الزوجات يعانين من هذه المشكلة وتحدث في معظم البيوت وخاصة إذا كان الزوج ساكن مع أهله ( أمه وأبوه ) فتكون أم الزوج قريبة من الزوجة وتتابعها بنظراتها وتلاحظ تصرفاتها بدقة . والسؤال هنا وبكل صراحه من منكن يعاني هذه المشكله ؟؟؟ وما هي طريقتها واسلوبها بالتعامل مع تلك الغيرة؟؟؟
الحمدلله خالتي مو من هالنووع .. وترى في بعض الحريم يتعمدوون يثيرون خالاتهم يعني رحنا وسويناا ووداني وجابلي ليش تقولين كل هالاشيااء هذا شي خااص بينج وبين زوجج .. ومافيهاا شي اذا مره من المراات اخذوها معاهم مطعم طلعه هي تستاانس لان مثل مالزوجه لهاا حق حتى الام لهاا اكبر الحقوووووق .. وهذا تعقيبي يعني كل شي يرجع للزوجه بأيدهاا تقدر تهدي الاموور وتجعل الخااله قريبه منهاااا ..
السلام عليكم كلام سليم يعطيج العافيه فعلا في غيرة بين الام وزوجة الابن ........... انا خالتي مزاجيه الله يهديها مرة زينه ومرة.......... اول زواجي كانت ماتنام الا لما يرد زوجي البيت وتسأله وين كنت وتدش علي تسألني متى نام جم الساعة؟ عنده دوام والا لا؟ ليش اليوم دشداشته صفرا؟ قلت لون الخامه جذي!! والله اني اصبر واعاملها نفس امي بس الله يهديها مرة كنا بعزيمة كبيرة جان تقولي جدام الحريم كلهم وكان موضوعنا عن النمل جان تقول نفس مطبخ فلانه(تقصدني) كللللللللله نمل!! عاد والله العظيم ان نمله وحدة مافي اصلا مطبخي جديد من كثر القهر مارديت وصعدت فوق ابجي فشلتني اكيد الكل صدقها للعلم زوجي ولدها الوحيد من بين 4 بنات..
المستبده لا تزعلين بس بصراحه انتي خبله ليش ما رديتي على كلامها قلعتج يا ام النمل انا بسميج من الحين ام النمل عشان تجوزين من سوالف الاكل بنفسج وتعرفين تاخذين حقج لو بكلمه
ههههههههههه والله ضحكتيني سارونه من صجج ارد عليها شقول اقول انتي جذابه ؟ انا ترا كنت حيل دلوعة اي كلمة تبجيني ما اتحمل بس فعلا بديت اتغير والله الدنيا علمتني الطيب = خبل اصلا قمت ارد عليها بس مو بصراخ وقلة ادب لا والله ارد عليها رد مقنع واسكتها ليما صارت تفكر الف مرة فبل لاتقط نغزاتها...
اي جذي **ن يالمستبده مايصير بعد تجذب وتسكتين ولاتجذبينهاا بس هم ماتسكتين وعلى قولتج حتى انا اكتشفت ان الطيب خبل في زماناا هذاا بس صدقيني ان ضااع عند العبد مايضيع شي عند الله .. والله يعينج عليهاا لانه وحيدهااا بعد يعني متعلقه فيه اكثر ..
شوفي حبيبتي مهما كانت امه تغير او انه ناشفه معاي بتحملها يختي لاتلومينها بيوم وليله يتغير كل شيء وتصيرين انت الكل بالكل عنده اكيد بتغير الله يرحم حالهم وانت بكره ان شاء الله اذا عيالش تزوجو راح اتحسين نفس احساسها ولاتنسين انش اخذتي منها قطعه غاااااااااااااااااليه وصدقيني اي شيء تسويه احتسبيه عند الله ولش كل الطيب والكرامه والله يسخرهن لنا هن وياعيالهم ((ازواجنا)) وتسلمين عالموضوع الحلو
هلا وغلا هلمشكله هذي اعاني منها بس خالتي لها اسلوب موطبيعي وموكبيره بالعمر دايما جدام زوجي انها شايلتني فووووق راسي بس لمن نقعد بروحنا تقط علي حجي ونقزات من تحت لي تحت ومابي ارد عليها موخوف ولا احترام لها بس مابي يوم من الايام تصير مشاكل بينا وبيحطون الغلط علي لان اهي راح يعذرونها ام وتغار علي ولدها مني بس انا بيحطون عيوب الدنيا فيني والمصيبه انها من الاهل وعشرتها كانت عسل بس تزوجت ولدها انقلبت علي لدرجه انه تدخل قطاوتها لي الصاله اللي قاعده فيها واموووووت خوف من القطاوره اصرخ ولا جنها تسمع حرام حماي الصغير طلعم وبعدها ماقمت انزل الا مع زوجي واطلع مع زوجي ولا اقعد الا وياه مابي مشاكل ولمن حملت ماشالله اكلها كله دارسين وسوالف وبلاوي اللي تنظف الرحم ماقمت اكل من اكلها بالمره كله مااشتهي مابي اقول لزوجي لان هلسوالف راح تدمر حياتي معاه
