خيانت الرجل السلام عليكم ورحمه الله وبركاته شلونكم كويتيات حبيت اكتب لكم قصه خيانت زوجي لي ومع منو مع صديقته بالجامعه قبل زواجنا ب 3 سنين ومازال تربطه علاقه فيها مع العلم شفت صورتها عاديه وانا ما امدح عمري الكل يعتبرني ملكه جمال واللي يقهر ما في يوم بحياته دخل علي بهديه وهو مغرق الاردنيه هدايا وغير الكلام البذيء اللي ما اتجرء اقول شيء منه قدامه وهي تدزه شنو تنصحوني يبنات وانا عندي عيال لا وبيكمل بعد دراسته بنفس الديره وعندها :sad_smile:
الله يعينج بس دام السالفه ممكن اتطور >> على قولتج بيدرس هناك >> لااااااااااااااااااااااازم تكلمينه و ماتسكتين و الله يهديه لج و يصلحه يارب و يبعد عنكم بنات الحرام
الله يعينج صراحه يع*** صراحه والله يهديه ويسخره لج ان شاءالله مجرد نزوه لا تنسين بينكم عيال بس في شغلات لازم تتفاهمون عليها الرجال اللي ما يحترم زوجته معناها ما يبيها...
حسبيالله على هالزمن الخياانه صاارت مياانه لاتعليق بس الله يهديه انا بهالمواضيع قلبي ركيك ماعرف اتصرف بس الله يهدي سره يااارب و يوخره عن بنت ابليس
ياحبيبتي الله يعينج ويبعد بنت ابليس عن زوجج انزين دام يحبها ليش ماتزوجها اتوقع انشالله مايحبها حب حقيقي وانها نزوة ليش ماتتفاهمين وياه يا اهي يا انتي وعيالج (بس لاتخلينه لها ابد ولاتفكرين بس هدديه)
الله يهديه ويسخره لج .. بس مايصير تسكتين وعااارفه بهذا كله وسااكته عفيااا عليج والله لازم تتكلمين وياااه وتوقفينه عند حده مو تسكتين وبعدين تقولين ياليتني متكلمه .. ماادري شنو اقولج بس لازم تلقين حل والخيااانه ترى مو امر عاادي وادعي ان ربي يهديه ويسخره لج .. ............................ ينقل للقسم المناسب
انا اعرف ؤحده نفس سالفتج بس ماسكتت راحت مع زؤجها ؤخلت عيالها عند امها ؤخؤاتها ؤقعدت عنده الله يهديه لج يارب .. ؤيفرج همج اللهم امين يارب العالمين ..
ربي يعينج يالغلااا انا لاشفت شي ع زوجي سيده اقوله واقول اذا انت تعرف تخووون انا بعد اعرف واذا ميت عليها اخليك دامنا تونا باول طريق يمووت لان اعلمه انتي ولا شي عندي وبعد جم بوم احسه تغير حيييل للاحسن بس ترا واحد عن واحد غير انتي شوفي زوجي وشنو نقطت ضعفه
حبيبتي أتركي كل الكلام اللي فوق وركزي بالكلام اللي بقله لعله علاج بمشكلتك معنها بسيطه حبيبتي تقولين انك احلا واحلا واحلا ..... الخ ومن هذا الكلام أقدر أقول ماألومه لما يبتعد عنك ... شوفي ياعمري الرجل يحب زوجته تكون مطيعه والحلا اللي تفضلتي فيه ليس بالجمال بل بالقلب وطيبة الروح حاولو بكل الطرق تكوني وحده ثانيه يعني يوم جديد كل الامور التي معتاده عليه بالسابق أتركيها وأبدي كالتالي 1 _ لاتضغطين عليه بالحنات ولاتفرضين عليه شئ مهما يكون يعني لاتحنين وتقولين اخذ هذي معاك ود فستاني والا ودني والا .. الخ الحنين أمتنعي عنه وهذا صعب علينا لانها غريزه بداخلنا 2 - لما يدخل والا لما يطلع حاولي الابتسامه مرسومه دوم بالوجه ومعاها كلمتين حلوين ياعمري ياحياتي ...... الخ 3 - مظهرك وهذا اهم شئ يكون ناعم وفتان يعني بالفارسي والتركي والعربي والهندي لما يشوفك كأنه داخل ببيت آخر وحاولي تستمرين بالحف بأنحاء الجسم وخاصة المناطق الدبلوماسيه يكون الاهتمام فيه اكثر والا انت من النوع طف الليت وخطني بالبطانيه ... اذا هذا نوعك عزالله ماألومه !!!! 4 - وكل ماغضب حاولي بالهداوه تشاركينه بالكلام ويكون طريقة التهدي وليس تبادل الشتايم .. الرجل مايحب ترادده حتئ لو انه غلطان ... خليك منزله راسك ولاتقولين حاضر وحاضر وحاضر هذي الطريقه تستفزه اكثر قولي حاضر واللي تامر فيه يابوفلام يابعلي يافحلي ,,,, مع اشتك بهذي الكلمه لانها هالايام مختفيه عند الازواج شهر شهرين وبعد محاولات يالله يجيك واذا تنزل الله لايوريك ثواني ويخلص !!! 5 - حاولي تستدرجينه لبيت اهلك واطلبي منه ينزل من سيارته وتروحين وتاخذين مفتاح سيارة ابوك اهم شئ يكون سوبرمان والا جمس والا جيب طبعا شغليه وقولي له ياحياتي افتح غطأ السياره ولما تشوفيني قدام السياره هنااااااااااااااااااااااااا دووووووووووووسي البنزيل وهذي تفتكين من الخيانه وعندي لك عريس وربي مايطلع من البيت كلها مجابلك وشغال ليل ونهار ......مايحل لي كان اخذته.... سلام
حبيبتي بلا تكملة دراسة بلا بطيخ خليه يقعد عندج ويجابل عياله احسن لأنه اذا سافر الأردن راح تسحرة الأردنيه اللي ماعندها دين ولا تخاف ربها وراح يلحقها مثل الخروف وذيك الساعه غصب عنه يتزوجها ويمكن بعد اذا طلبت منه يطلقج راح يسويها لأنه مو بوعيه . الحقي على رجلج وواجهيه بالموضوع من الحين قبل تكبر السالفه والله يكون بعونج والله
يحياتي مشكورين على ردودكم الحلوه اليوم بفاتحه بالموضوع واوافيكم بالتطورات والله يهديه ويسخره لي ولعياله يا رب
هلا والله حبيبتي كيفي والله بدون مبالغه كل اللي قلتيه اسويه وزود شنو دلع وتغيير لوك واسلوب حلو وما اعرف الزعل دايم حاظر وتحت امرك وهدايه اوناسه بس الرياجيل ما يبين بعينهم شيء لو تولعين بنفسج عشانهم الله يهديهم بس
حبيبتي سمعي نصيحتي اولا : دائم اهو ماقالك يعني حاسب حسابك وخايف من رد فعلك وهذا مؤشر حلو ثانيا : في بعض الرياييل يحبون اللي تقول كلام مو نظيف ومومحترم على سبيل الغشمرة وفي السرير يشتمها ويسبها بالعياذ بالله يا بنت ال.... بالساقطة( وما اقدر ابين الكلمة بالعامية اكيد تعرفينها) وعلى فكرة هذا مو تقليل من شأنك هذا تنفيس عن رغبات مدفونة عنده بس للأسف مايقدر يقول هالكلام أو يسمعه منك لأنك تعاملينه كانسانه محترمة ماتربيتي على هذا الكلام لكن حبيبتي الصح ان هاذي المعاملة ماتفرق بين تعاملك مع زوجك ومع الرياييل اللي تشوفينهم بالدوام نفس الطريقة (أقصد بالكلام والألفاظ) شوفي ستري على بيتك واحتوي زوجك ولا تفتشين وراه ولا تعطينه فرصة انه تصيدينه ويعترفلك ، غيري من طريقتك واسلوبك باغشمرة واضحك واثناء الجنس قولي له انا احس ساعات انك ودك تقولي يا بنت ... وحبيبي قول انا ماعندي مانع بالعكس استمتع معاك ... واذا هم اهو يحب انك تشتمينه مافي مانع بس تعالي بالتدريج ثالثا: من اسلوب صاحبته الحقير والواطي تعرفين انه يحب هالسوالف رابعا: لاتدخلين معاه في استجوابات وتحقيق طنشي وابتسمي ودايما شغلي مسرلاحيات ومواقف كوميدية مثل الكاميرا الخفية وضحكي وعلقي عليها وخلك دايما جذيه مو يوم أويومين بس خامسا: صيحة اليهال وطلباتهم خليها في النهار وبطرقة حلوة ودلع سادسا : الدعاء الدعاء الدعاء عليك بالدعاء له بالهداية والصلاح وان يبعد عنه بنات الحرام واخيرا حبيبتي في أشرطة عند صلاح الراشد يبين كيفية التعامل مع المشاكل ولاتهدمين بيتك بايدك انتي حسبالك المطلقة مرتاحة لاوالله بالعكس
لا لا لا لاتواجهينة ترا ماينفع صدقيني بتنقلب السالفة ضدج بيقول تتجسسين علي وكلام واجد اتركي هالموضوع عنج ادري يقهر وادري انج مدلعتة صدقيني اذا فتحتي قلبة بتلقين حبج كبير شوفي لا تتوقعين انة مو حاس بالي تسوينة معاه ترا في انواع من الرجاجيل يكونون كتومين واحد منهم زوجي ماجاملني بالي اسوية بس مرة كنت ازعلانة سالني اشفيج قتلة انت ماتحس فيني انا سويت كل شي وانت ماتبالي قالي منو الي قالج اني ماابالي بالعكس كالشي اتسوينة احس فية هذا نص الاجابة على كلامج اما بخصوص الخيانة كل رجال يخون وفي حريم يقولولج زوجي مايخوني بس الصج يخونها بس هي للحين ماكشفتة حمدي ربج انج دريتي وهذي فرصتج كسبيها لا تخسرينها وسوي الي اقولج عنة سوي نفسج ماعرفتي وستري علية بينج وبين نفسج وحاولي تقعدين مع نفسج يمكن تكونين مقصرة بشي صغير مو مبين بعيونج لاكن مبين بعيونة سألية شنو حاب وسوية والله يهديلج زوجج ويهدي زوجي معاه يارب
صدقيني احسن حل اهو انج تلجئين لربج ..الله اذا حب عبده حبب الناس فيه اقرى قرآن اخير الليل واطلبي ربج وروحي لزوجج وقوليله انج بتسافرين معاه انتي وعيالج اذا صغار مو مشكله واذا بالمدرسه عادي يدؤسون مناك بمدارسهم ..لا تخلين ريلج يضيع من ايدج لا تخلينها تاخذه.. وايد وايد وايد ريياييل يخونون بس لازم المره تكسب زوجها وما تخليه يضيع من ايدها ... وشوفي نفسج بشنو مقصره معاه..ابجي عنده قوليله انا احس انك تخوني وسألي عن السبب وقوليله انج مسامحته وانج بتحاولين تنسين هالشي لاننج تحبينه حييل وما تقدرين تستغنين عنه والله يحنن قلبه عليج وينساها انشالله الله يفرج همج ويحل مشكلتج
لما تشوفين مصيبتج تهون عليج مصيبت غيرج مريت بتجربة خيانة بس نفسج لا الله يعينج ويصبرج بس الساكت عن الحق شيطان اخرس لاتسكتين لة ناقشية بالموضوع ولا سوي اي شي ثاني ترا عندج عيال منة كلمية قولي ليش تسوي فيني جذي شنو سويت ليش تزوجني مدام كنت تحبها لية ماتزوجتها قبل وليش رجعتلها من الاساس قولي جية ياأنا ياية ترا عند عيال خاف ربك من هالكلام يمكن يحس يخف على دمة شوي الرجاااااال مااالهم امان مالج الا الدعاء والصلاة اخر الليل
