تعالو نسولف عن كتب الطبـــخ

الموضوع مبين من العنوان

مثل ما تعرفون ان كتب الطبخ منتشرة بكثرة بالاسواق والمكتبات

وفي منها الزين والمضبوط وفي منها اللي وجوده مثل عدمه

فحبيت اعرف الكتب اللي مجربينها البنات وتكون مضبووطه بالمقادير واهم شي تكون سهلة الاعداد

وخل يكون هالموضوع مثل الموسوعه حق البنوتات اللي توهم بالمطبخ

انا عن نفسي احب وايد كتب المطاحن
ان ييتي من ناحية المقادير فهي كده

واذا التطبيق سهوولة

والطعم يهبل

اضيف بعد كتاب عوافي وااايد حلووو ومقاديره شعبيه هههههههه

بالقلاص <<< اهم شي

ومن فترة حصلت كتاب نخبة الاطباق وما عجبني

صراحة كل الاكلات اللي فيه موجودة بالنت يعني ما ضاف لي شي يديد

وفي عندي كمية كبيرة من كتب الطبخ ان شالله لي عودة واتكلم فيها

بس القى تشجيعكم وارائكم خواتي​

سلام عليكم

حبيت اقول انه كتاب الطبخ لــ نادية الاربش وايد حلو
و الاكلات الصراحة حلـــــــــــــوة وايد
وماشاءالله عليها فنانة

و شكرا على طرح الموضوع إلا حبيت اسال عن كتاب طبخ مطاحن مال هالسنة اليديد اشلونه

و مشكــــــــورة اختي

اب اب اشدعوة ليش ما في تفاعل زعلتونى منكم

مشكوره اختي على الموضوع الحلوو والمفيد


شوفي انا بالنسبه لي مااستعمل بصراحه اي كتاب طبخ اخذ من النت

بالنسبه لكلمه عن كتاب النخبه لانه اغلب البنات ياخذون الاطباق من الكتاب وينزلوونهم يعني البنات الي في النت اهم الي ماخذين الطريقه من الكتاب

انا بالنسبه لي جربت كتاب اطباق النخبه وعيبني وايد وفي كتاب اسمه الطبخ الميسر الجزء الاول
لفاطمه محمد حلو بس الجزء الثاني ما عيبني مثل الجزء الاول
سمعت يا جماعه عن كتاب يمدحونه بالمنتديات اسمه هيل وزعفران حد عنده فكره عن هالكتاب
أتمنى تفيدنا اللي شرته وطبقت أكلاته

كتاب اطباقي من افكاري جميع الاجزاء حلو

يعطيكم العافيه بنات ابي اسأل عن كتاب منال العالم حلو ولا مو حلو بصراحه انا جربت بس كتاب المطاحن

فيه كتاب الام ريما حلو اما كتاب منال مو نفس الي تطبخه على قناة ابو ظبي بس احسن شي ادخلي على موقعها وتلقين كل شي

حلو كتاب مارثا اللي ع قناه فتافيت تطلع فيه اشياء جديده ومفيده