معلمات التربية الفنية (( اجتماع طارئ))

السلام عليكم ..........
بنات انا معلمة تربية فنية وابي معلمات الفنية يسوون لي مقارنة بين تدريس الفنية للمرحلة الابتدائية والمرحلة المتوسطة والثانوية وكل وحده تقول شنو مزايا المرحلة اللي اهي فيها وشنو المساوئ
خلينا نستفيد من كل وحده من البنات اللي في المنتدى :wink_smile:

افااااااااا يالفنية ولا مشاركة ؟؟؟؟؟؟؟؟؟؟
انزين خليني ابدا بنفسي انا معلمة ابتدائي بس بنين
وانتوا تعرفون شنو يعني بنين , يعني المفروض يصرفون لنا بدل بلاعيم و تلف اعصاب , يعني احنا نعرف ان اغلبية ادارات البنين تكون ممتازة ومتساهلين بس طبعا شطانة الصبيان تغطي على هالشي
وطبعا بحكم اني درست سنتين البنين لاحظت انه الصبيان يكونون اول كورس هاديين شوي بس اخر السنة اللهم يا كافي ودج تخلينهم بالمرسم وتنحاشين و اعمالهم دايما ناقصة لازم تكملينها لما تخلص لانه الصبي ماله خلق طبعا عكس البنات وطبعا اذا كانت خبرتنا عن الطبيعة او عن الاسماك لازم يشطحون ويرسمون سيارات افهمهم يا امي خبرتنا عن الطبيعة مصر يرسم سيارات لا و ((جيتي )) بعد .... وما اقدر اوصف لكم المرسم بعد الخبرة اللي تكون فيها الوان وخامات كثييرة تقووول كان في قطو عافر بالاغراض بالمرسم ومنحاش وطبعا تعالي دوري ع العمالة يا مسوين اضراب يا مريضة وما تلقين الا سندريللا اللي هي انا ابدا انظف ساحة المعركة ..........
هذي ماساتي مع الصبيان اهئ اهئ اهئ

انشالله معلمات التربية الفنية,,,




البناات ماايقصرون,,,,,

حبيبتي هالشي يعتمد عليج انتي كمدرسه

انا بكلمج من ناحيه الانتاج
انتاج طلبه الابتدائي متعب لان يعتمدد اكثر شي عليج انتي تكملين رسوماتهم وشغلهم يعني 25%على الطالب و75%عليج

بالنسبه للمتوسط 50% عليج و50%عليهم ومنهجهم حلو نحاس وطباعه وغيره

اما الثانوي الانتاج 25%عليج و75% عليهم


اتمنى اني افدتج لو بالقليل

^
^
^
^
انا مع اللي فوقي

هلا حبوبة
ان معلمة تربية فنية
اول تعيني كان بالابتدائي بنات وبصراح تعب
وبعدين نقلتني الموجهه للمتوسط وذللك بسبب
ان مستواي عالي اولشي كنت متضايقه من نقلي بس بعدين
ارتحت والتعامل مع المتوسط احسن من الابتدائي لانهم حوسه وبعدين ماكو انتاج عدل ويضيعون عليج المواد والمتوسط تعتمدين عليهم وبعدين صار دوام الابتدائي مثل وقت المتوسط امتحانات وبالنسبة لثانوي عندي صديقتي كلش ماتمدح الشغل
واتمنى اكون وضحت لج الموضوع
تحياتي​

مشكورة اختي ((عجوز نشيطة))
صراحة افدتيني يالغالية

السلا م عليكم اخواتي المعلمات اختكم معلمه سعوديه طبعااحنا الابتدائي يعطونا ندرس اي منهج والسنه دوري امسك اقتصاد منزلي وودي اكون مميزه وطبعا مافي مثل معلمات الكويت :thumbs_up::thumbs_up::thumbs_up:فارجومساعدتي بافكار للطبخ وافكار للخياطه وترتيب الغرفه الخاصه بالتدبير المنزلي فديت الشيخات لاتخلوني

بالضبط يبتي حالتي ماشالله عليج ونفس سنوات الخبرة بعد ههههههههههههه والله انج صاجه بس الفرق الادارة عندي لعينه رحنا وطي هههههه بس ناقله انشالله الله المستعان

هلا وغلا اختي ام لطيفة
يعني طلعنا نفس الحاله
الله يعين