السلام عليكم ورحمة الله وبركاته اشلونكم بنات ........ بنات بليز انصحوني مادري شسوي احس اني ضايعه قبل :red_smile:كم يوم تحدد عرسي انشأالله بعد ست شهور من دريت وانا ضايع ومومصدقه احس اني مصدومه والموضع صار جد :75_75:مع ان من زمان ملجه بس ما ادري ليششششششش خايفه فانصحوني متى ابداء اجهز انا اقول ابداء الحين احسن شوي شوي وانا ماعندي احد يساعدني وحيدة امي .........فال**ده اول شئ ابدء بشنو وبعدين شنو وانا عرسي بالشتاء يعني لازم ااخراللبس شوي وشرايكم بالخبر ودي اروح اشتري اعبي فساتين ساعات والذهب الحين مرررررررتفع نارررنارررنارررواعوذ بالله من النار وافلوسي بصراحه ماراح اتكفي ..... ووووشكرا
أولا لااااااااااازم تقسمين المهر وهذي أحسن وأوفر طريقه جم مهرج وانا اساعدج بإذن الله خبره جهزت لاخواتي وحده العام وحده هالسنه.... ماشاااااااااء الله كل شيء اشترته وكل شيء موجود حتى الشغلات البسيطه لاني حطيت جدول الذهب جم والنفنوف كم طبعا على حسب تفصاااااال او تأجير الحجوزات نفنوف ثاني يوم بدل الطلاااااااايع القمصاااااااان النفانيف القصيره والتنانير والبجايم شغل الغررررررررررررررررفه ...علشان يكون جهااااازج جامع شامل..
الله يوفقك ويتمم لك على خير اول شي اول شي اول شي حبوووبه اذا انتي اخذتي المهر تصدقي منه ولو بقليل قبل ما تبدين بالتجهيز بعدهاااا اهتمي ببشرتك وكاامل جسمك وربي مااا ينفع شهر او شهرين للبشرة والله ما يكفي هذا غييير انوو تصير احياانااا نتائج ع***ه انا اكثر من مرة صااار فيني بقع سوودا من اثر الليزر ومااا رااحت الا بالويل والحين طاالع بوجهي بعد الجلسه الاخييييرة لاني اسوي حمامات بخااار بكثرة الفترة الاخيييرة ولحد الحين مااا راااحت وهذا الخطأ الوحيييد تقريباااا اللي صاادفني
مشكورين حبايبي والله يوم شفت ردودكم استانستتتتتت.......انا مهري 7000وبليز حبيبتي قوليلي اوال بدي بشنو وبعدين شنو ياحياتي بتعبج معاي اسمحيلي ياليت اتسويلي جدول مع الاسعر وادعيلج انشأالله...........
عادي يمدي بشهر تخلصين كل شغلج الله يوفقج اهم شي الخياط اي شي خياط دخلي ورتاحي تبين نصيحة في اماكن يبيعون العطور الاصلية بدون كرتون تصير بنص القيمة واصللللللللللللية مصير الكرتون بتقطينة وجهزي لاسبوعين لان مردج بتروحين السوق يعني لاتكثرين بالجهاز الذهب مو لع نار شوفي المستعمل عارضة شبكتي مطلي وكانها ذهب عند الاربش سوي مطلي لاتشترين ذهب سعرة حلو لان مع الايام ماراح تلبسين ذهب كلا اكسسوارات مالتي مالت طلوعتي وربي سويتها ولبستها مرتين بس مليت منها شوفيها بالمستعمل بالصورة انصحج روحي الخبر للساعات والعبي والنعال يهبلون وودي افيدج بس دخت بنام لي رجعه
اولا لازم تحجزين الصالون حق اول ليله ... علشان ترتاحين ...ادفعي العربون وخشي الباقي حق الصالون .. 2/ 1200حق نفنوف الليل وهاالمبلغ من ضمنه المسكه والحلق والساعه والخاتم حق أول ليله وحااااااااولي مايكون النفنوف غالي على الاقل يفذلج فلوس لان نفنوف العرس كله ربع ساعه خساره تقطين الفلوس كله عليه اختي فصلنا لها تفصال بجده ماكلف علينا واجد النفنوف لنا وبسعر تأجيره من الكويت بصراحه الكويت مافيه شي مميز وغالي على الفاضي ..ليتني مصورته يمكن يعجبج لاني راح نأجره ماصار له اسبوعين توماعرضناه .. 3/ الذهب خليه أخر شي بس خشي له 2000 حاولي تشترين لو طقم حلو لان الذهي غالي 4/الدراريع والبدل 1000التقسيم كالتالي 6دراعات نظااااااام بدل فخامه على نعومه وذرابه هذولي الفخمات حقات الطلايع والعزومات ..لانج عروس وراح تنعزمين واجد..وعشره بحدود 15 12 20 5/اذا لج روحه للسعوديه نصيحه وعن خبره اشتري الشنط والنعال والساعات والبجابم اوفر واحلى وارخص بس الدراريع عندكم احلى وحتى قمصان النوم من السعوديه بس خوذي حقت اول وثاني يوم من الكويت وكم وحده مميزه لان الرجال مايعرفون الغالي من الرخيص بالقمصان العطور صج يعرفون الماركات بس الملابس لاااااا الساعات 4 كافي فضي وذهبي وسودا وعسلي اومن درجات البني لانهم يمشون مع كذا لون.. القمصان 4طوال حق الايام الاربعه الاولى وال10قصار وحركات لاتكررين الالوان العطور 200كافي اثنين على عود والباقي فرنسي اشتري مجموعتين وحده ماركة والثانيه انصحج فيها وعن تجربه مجموعة الكرز اليااااااااااباني من بودي شب عطر ولوشن و**ده ومعطر جسم الخلطات روحي للماجد اللي بالسعوديه وقت التخفيض تأخذين بنص السعر خوذي منه خلطة 4،،5،،7عن تجربه مني ومن خواتي وخوذي زيت فواحة العاذريه شي ورخيص رهيبه وجسمي رقم 1 اول ماتبدين اشتري البجايم والقمصان وروب الحمام والمشوط ومجفف الشعر واستشوار والملابس الداخليه والستيانات حتى من الحين تقدرين تشترينهن لانهم مالهم موضه اشتري لج ديباج حلو تغيير لان بعض العوايل بس يحطون واحد فيمكن توهقين اشتريلج بنطلونين واحد منهم جنز واشتري 6 هاينجاااااات علا الوان زاهيه علشان التبديل والبخور اثنين فخمات كمبودي والقرشي الملكي واربعه وسط مثل الروقي والحرمين .....مسك القرشي المكعبات ومسك الطهاره شنط اليد 6/ 7 كافي اسود ابيض بيج رملي رمادي ملونه فضيه الملافع والعبي عبايه مسكره وحده حق الطلعات العاديه وحده حق المناسبات يعني 3عبي الملافع على حسب نسيت نفنوف المسائيه ..تعبت ابطلع وان شاء الله اكمل اللي ناسيته...
ياحياتي يا قصر التوت والله احرجتيني بطيبتج والله ويوفقج وين ماتروحين ان شاء الله اسمحيلي حبيبتي عندي كم سوال شرايج اشتري البدله البيضاء من جدة او الخبر والدمام لان الكويت غالي حيل وحرام وانا ماراح ادخل الصاله امي موراضيه والمعرس اصلا ماراح يدخل فما ودي اشتري غالي وانا مارح ادخل وانا ان شاء الله بروح الخبراشتري خام واعبي وجناط وشوي عطور اللي موجوده عندنا وابي خبرتكم بالخبر ........وكم احط حق البجايم والمكياج
حبووبه انا تقريبا خلصت تجهيز مع ذاالك الا ما يطلع شي مووو نقص لا بسبب التنسيق تشطيباات الجهااز تههههههههههلك حيييل او يمكن انا كييذا خوااتي يقوولوون انتي لييش كييذا ذاابحه عمرك الا كل شي بالسنتيميتر والله اهم شي بشرتك وجسمك لو تجري جري بالجهاز والشراااا وتنسي البشرة ما راح تستفيدي لما احسب و اشووف انوو اكثر فلوسي راحت على جسمي ماا اتحسف والحمد لله راااضيه على لوون بشرتي طلعت بنتيجه مووو فلووس ع الفااضي = = = = = = = = = = = = = = = كنت مسويه جدول تقريبا وهذا اللي هلكني لاني تزمت فيه انتي اي شي يعجبك خذيه تصدقي من كثر ما يقولو لا تكرري الوان قمصاان النوم صرت مركزة على هالكلمه لدرجه الحين اشووف كل قمصااني الوان ساادة ما في مشجر الا وااحد بس !!!!! لكن الحمد لله ماا كثرت ===================== واذا تبين تزيين التجهيز ترى يبي مييزانيه انا اكثر من 100 دينار بس رااحت للتزيين
الله يوفقج ويتمم عليج يارب ويسهل امووورج اول شي لاتحاتين التجهيز لان راح تتعب نفسيتج عالفاضي والحمدلله اكبر شغله انتي ارتحتي منها اللي هي بدله العرس اخذيلج بدله راقيه وبعدين لاتنسين الدعاء كثري من الدعاء ان الله يبارك لج في مهرج ويتمم عليج فرحتج ويسخرج زوجج ويجعله قره عينج ويجعلج قره عينه وان يجملج فيه عينه ويجمله فيه عينج اللهم امين و ابدي من الحين اخذي الاشياء اللي ماتروح موضتهم مثل ماقالو البنات يعني انا اول ماجهزت خذيت القمصان والانداوير وبجايم وسوالف الشقه يعني انتي دخلي النت وحوسي بهالمواضيع يعني عندج تجمع عرايس شهر 10 و11 و12 هذا الموضوع اغلب الاشياء كتبنا فيه وانتي بعد دخلي واقري تجارب البنات عشان تستفيدين والله انا عن نفسي حيل استفدت من المنتدى واي سؤال انا حاضره والله يوفقنا ويتمم علينا فرحتنا
شوفي حبيبتي بما انج ماراح تدخلين الصاله ولو انج اختي اروح للخبر وازخ لي نفنوف لان الرجااااال ليلة الدخله كل شي حلو صدقيني ماراح يسألج بكم ومن وين شريتيه حنا يالحريم عندنا هالنقنقه..أختي فصلت بس الجاهز اللي بجده ماشفتهم نصيحه بلا طقة مشوار روحي شارع السويكت بالدمام يمدحونه حق نفانيف العرايس انا ماشفته... بس من كلامي صديقاتي .. عندج مجمع فينيسا بالخبر الدور الثاني كله شنط واحذيه ويمدحون المارينا مول والهرم بلازا حق البجايم المكياج 250كافي بحيث تشترين 3كريمات أساس واحد للسهرات والثاني للزيارات والثالث الاستعمال اليومي وثلاث بودرات مسكره عدد2 من أفضل نوعيه كحل قلم جاف نوعين يمدحون جفنشي وسمايلنج بالاضافه إلى الكحل الازرق والأخضر كحل سائل عدد2 الارواج خوذي أحمر ووردي ومشمشي وبيج ورماني ولحمي وبرتقالي بني بنفسجي والمحددات على الارواج تاتو حواجب عدد2 لمعة شارمل روحي عروس البحر عندهم شغلات حلوه المناكير أحمر وردي برتقالي بني مشمشي لحمي بنفسجي شفاف مزيل للصبغ خافي عيوب اضاءة تحت الحاجب مجموعة فراشي أحمر خدود والشدو خوذي من مكياج حلو والبجايم 70دينار كافي اثنين مميزات والباقي بحدود 3 أو 4 دنانير يعني 30دينار فيهم بجامتين حلوات والأربعين الباقي فيه 8 بجايم بحدود 3 /4/5/6 تفاوت اسعاهم
أدري راح تقولين قليل بس راح اقولج على شغله <<<< السوق موطاير >>>> الروج نستعمله سنه مايخلص ثالث اذا موثاني اسبوع ركضه على السوق....
والله توووته مااا قصرت معاااج ربي يوفقج ان شاااء الله واذا على الصدمااات رااح تنصدميين كثير قاالووا لي مارااح يكفي المهر مااا صدقت بس انا جمعت فلوووس من ملكتي لحد العطله تقريبااا 10 آلاف ريااال غيير المهر و روااتبي كوووولهااااا رااااحت ومااا ظل شي يعني بحدود الــ 100 الف رياااال صرفتهااااا واذا على الاغراااض رااح تحتااجين كثير مو بس الاساااس و بتحسين انهااااا مهمه وحلوة وغيييير العاادة مثل انا اشتريت منااكير اسود و بني داكن و ابيض وكحلي علشااان النقش على الاظاافر موو بس الواان عااديه مثل هذي شووفي تراهااا سهله بالحيييييييييييل وكمااان شريت جواارب او شبه جوااارب لقمصاان النوووم اللي تجي مغطيه بس الاصاابع بداانتيل ومثبت فيهاااا ربطاات ساتان او اللي تجي شبك بس على السااق موو كاامل ويجي عليه شوارفسكي
ماشاء الله البنات ماقصروا الله يوفقك يارب يمديك تقضين شوفي بالاول كم ميزانيتك وقسمي مهرك اشتري الذهب بالاول الله يسعدك ويه*** يارب
انا نفسج بس انا موبعد ست شهور بعد 9 شهور بس مادري متئ ابدي تجهيز وانا بعد وحيدة امي والباجي صبيان ب مادري متئ اجهز
