يسعدلي صبااااااحكم بنوتاااات ابله ماقصرتي يالغاليه اي حلووو السدر بس يعل جبدج بالسبوح دابر املااا مااتحمل ريحته تبط الراس :frown: انزين هالحبوب يكثرون شعر الوجه ويمتنون والا لا ؟؟؟ ويعطييج الف عافيه :wink_smile:
والله انا مادري اذا يكثرون شعر الوجه او لا لان انا اساسا شعر وجهي وااااجد فما عندي فكره اذا يكثرون شعر الوجه بس اهم مكتوب عليهم للعظام والاظافر والشعر والبشره بصرااااحه اظافري تقوت والمتن يمكن تزيدين كيلو الى 3 بس لانه مكمل غذائي واي شي انا حاااااااضره
قعره يسلموووووووووووو اي والله صاجه العناية يبيلها وقت مو من يوم وليله تبين تصيرين بيضا ونظيفه العنايه يبيلها عنايه<<<هههههههههه فككوها
لوول وانا وياكم مادري متى عرسي وقاعده اضيع مهري على اشياء مالها داعي على عرسي بكون صارفه المهر كله لووووول بالنسبه لي انا ليلحين ما سويت شي
انصحكم ياعرايس لايطوفج اتيليه دار الفخامه بالسالميه شارع البلاجات الدور الاول 94441193 مقابل شوبيز وبورجر كنج انا عن نفسي اخذت منهم بدلة عرسي وبدله حق ثاني يوم وخذيت بدل استبال وصممولي جم دراعه وخواتي خذو منهم بدل حق عرسي وعرس اخوي اللي بشهر يناير وانا عرسي بشهر 10 واسعارهم حلوه ومعقوله
حياااااااااااكم يا بنات yeryura انصحج ابدي من الحين بالتجهيز ودامهم عطوج المهر معناته العرس بيحددونه قريب فديري بالج تفسفسين فليساتج باجر تحتاجينهم بشغلات اهم من هذي سنين الماضي ميرسي يالغاليه عالافادة
قووه شلوونكم عراايسنا بنات انصحكم تسوون ليزر واااايد حلوو الصرااحه وان شاء الله مافيه مضاار والشعر عليكم بالحنـــه اليمنيه من عند العطاار..وبعدها دهني شعرج بدابر املا بس مو اللي لونه اسوود لا ريحته مو شي لا استعملي اللي لووونه زيتي,,رووعه ريحته..ويههبل...
الله يوفقكم و يتحدد زواجكم بنااات نصيحه لالا تكثروو رووحه للسوق ولا تقوولين بخلص بدري علشاان ارتااح لانك يمكن تروحين للسوق حتى بيووم الزواج وداام الزواج ما تحدد اجل اتركوو السوق واهتموو بانفسكم شلووون ؟؟؟؟ انا اقوولكم اول شي اهتمووو بالمناطق الغاامقه بس ركزي عليهاااااا تبيلهااا شهرين تقريباااا علشاان تصير قريبه من لون الجسم ابدي بالتقشير ومع التقشير مااا يصلح تسووون اي شي حتى ليموون مايصلح التقشير حااار يبي زيووت بس علشاان تسهل عمليه التقشير حتى حمام البخاار انتبهي منه تراااي مجربه سوالي التهاابات مع التقشير = = = = = = = = = = = == = = = == = == = = = بعد التقشير ابدي بالتنظيف بالليمون او الاسكينول مع الخلطات وهذي مدتهااا شهرين هنا تقدرين تستخدمين حمامات البخاار بس مو بعد الخلطه بالضبط مثلا تحطوون الخلطه بالليل تقومين الصبح تغسلينهاااا يكووون الحمام العصر او بعد العشاااا الفاصل بي الخلطاات وحمامات البخاار اقل شي 4 ساعات وهذي اقصد فيهاا خلطات الكريمات حق التفتيح موو خلطات الزيوت والصابون اي استفسارات انا حااضر بس هالاسبوووع
وانا نفسج ياشهرزاد تحدد عرسي شهر 3 يعني انا اشوى منج باقي 6شهور انتي اللي ماعندج وقت الله يعينج بس نصيحه ابدي قسمي المهر من الحين واشتري البجايم والقمصان الجواتي تكرمين والاجهزه مثل الاستشوار كواية البخار حييييل راح تنفعج ابدي بالاشي اللي مالها موضه لين ينزلون الشتوي وانا عن نفسي مااحب لبس ثقيل يعني باخذ كم قطعه ....قرقت واجد .الله يوفقج ويوفقني ويسر الامور ان شاء الله...اي صج نسيت اقول تصدقي شوي بالمهر علشان يتبارك وسوي لج برنامج يومي للعنايه بالشعروالجسم والاماكن المسمره
الله يوفق كل العرايس ان شاءالله ......اللي انا منهم انا تحدد عرسي شهر 3 وبالصراحه انصدمة حسيت الموضوع صاااررررر جد والله صار فبني شعور غريب مستانسه وضايق خلقي وتحسفت بس شعقبه هاهاهاهاانا بصراحه ابي ابدي من الحين من افلوسي لين يبجبون المهر ابي اشتري بجايم وقمصان ابي افصل اكياس تلبيس مالت الملابس واكتب عليهم اسمي من الحين اخاف بالزحمه انساهم.....واحين ابدي اهتمام بجسم كل يوم اقول باجر وماعني احد يشجعني اناالبنت الوحيده بالبيت واستحي اكلم امي الله يعينا ان شاء الله
كرستاله فوشيه...تسلمين حبيبتي..وبعدين لا تنطرين احد يشجعج انتي شجعي نفسج.... احسن شي انتي حطي في بالج انج تدهنين جسمج بليل واول ماتقومين الصبح تسبحي اكيد مع شعرج... بالخميس والجمعه اما اذا كان ماعندج دوام<<مثلي ههه ادهني جسمج يوووم وترك يعني اليوم دهنتي ثاني يوم تسبحي ثالث يوم ارتاحي..رابع يوم ادهني وهكذا...لحد مايقرب عرسج..راح تحسين بالفرق...
انا بعد معاكم ماتحدد عرسي وماجهزت ولة شي لانة ماعطوني المهر يمكن يمكن عرسي يكون بالصيف ولاعتنيت بنفسي اول ماملجت سويت خلطات وكنت اعتني بنفسي وشادة حيل يعني عروس بس لما شفت عرسي طول طخيت وصار مالي خلق
هلا والله بالمالجاات انا ملجت جريب وعرسي بعده سنين مطووووول بس مااعرف بالضبط عقب سنه ولا سنتين المهم انا من الحين ببدا اتنظف وارتب ف عمري يعني ان شاء الله ف نص السنه بسير اسوي ليزر وافتك واماا الخلطاات بعدني مابديت فيهااا انا ابااا كل جسمي يصير لون وااحد يعني امممم نبا خلطات تبيض الويه والبااط والركب لاني احسهن هالاماكن اللي البنات يتشكون منهاا وربي يوفقنا ويسعدنا ويهنيناا ويتمم فرحتنا كلنا ع خير ونااايس الموضوع
