هلا قلبي روان انا بخير انا من امس العصر مادشيت المنتدى تصدقين الحين الساعه 7الاربع الصبح الحين بدش وبشوف وان شالله يفتح معانا
شلونكم بنات شخباركم ماتشوفين شر حبيبتي آهاهات الله يهون عليج انشالله وتولدين بالف سلامة وكل البنات طمنونا عنكم انا الحين باخر السادس واحس والله بعوار والم مثل الولادة الله يستر ومااولد بالسابع مثل بجري
هلا بالغاليه الشر ماييج ان شالله ويتمم عليج حملج ويهون عليج يارب عسى ربي يتمم حملج وتولدين بال9 اهم شي اشتري اغراض البيبي احتياط من الحين لاتولدين مبجر لاسمح الله الا كل شي عندج عرفتيانا بقالي 3ايام وادش ال9 باذن الله والله كريم
قووه ياحلوات مع ان هالكلمه ماتنطبق علينا هالجم يوم !!!!!!!!!!!!!!!!!!!!!!!!!!!!!!!!!! انا ان شالله ادخل التاسع 18-10 وآخر موعد ولاده 18-11 وحدي خايفه والثقل والتعب الله لايوريكم بس اذا في شي تشربونه لتسهيل الولاده فيدوني ومن متى تبدون ؟؟؟ والله يسهل علينا ولا يحرمنا الاجر
لسلام عليكم شلووونكم بنااات بغيت اسالكم جم سؤال وهو اني سويت تحليل حمل هرموني قبل الدوره باسبوع وماكو حمل يعني يمكن يكون في حمل وانا استعجلت لان اعراض الحمل كلها تقريبا فيني وهو انتفاخ الصدر وكثرة التبول تكرمون والدوخه ياليت تفيدوني متى يبين اذا كان فيه حمل بالدم والدوره باقيلها اربع ايام يالييييت تفيدوني وجزاكم الله خير وسوري داشه عكس الموضوع بس خايفه انصدم
حبيبتي دودو ان سويته حامل لي شهر ونص تقريباوسويت سونار وقالولي في كيس حمل بدون جنين سوي تحليل هرموني عشان نتأكد من الحمل احتمال يكون حمل كاذب سويت طلعت نسبته بالدم الف والطبيعي تقريبا بحدود ال7 الاف وثاني يوم سويت التحليل طلع 11 ألف بس الجنين باول الحمل صغير ومومبين سبحان الله بيوم فرق فرق قوي والله يرزقج ويثبته اذا كان حمل ويعوضج خير اذا الله موقاسمه
شلونكم بنات شخباركم؟ ادري قطعت فتره بس والله مشاغل الدنيا ... بسالكم وطمنووووني تكفوووون امس رحت المستشفي مع خالتي ومشيت وايد وحر ورطوبه وتعبت حدي ولما رديت البيت ولا اشوف افرازات وانتو بكرامه لونها بني بس شويه وبالليل ولا اشوف بعد افرازات وخفت واوسوس وكالعاده لما اخاف اركض انام واتغطي ما قعدت لين الصبح يعني الحين وخايفه شنو هالافرازات؟؟؟ ... اخاف المشيمه او عنق الرحم ... انا جذي قريت بالنت اللي مرت بهالحاله تقولي ... بتطمن ... ولا لازم اروح الطبيب؟؟ .... افففف مليت من المستشفيات والدكاتره
هلا حبيبتي انا داشة الشهر السابع ولادتي راح تكون بالسعودية الدمام وانا الحين اراجع بالراشد عند الدكتور نصر هيبة
وييييييييييييي حدكم هاديين هالايام يلا صحصحووووو وين الردود ووين السوالف نبي مواضيع ونصايح ونفيد بعض قولولنا شنو سويتو وشنو جهزتو يلا نسولف
هلا ام المها الله يسلمج ويخليج والله احس بالتعب بس لما اقعد الصبح وبقوم من الفراش وااااااااااي متيبسه ريولي ما اقدر اوقف عليهم وشوية شوية اصير اوكي ... والمشكله شقتي بالدور الثالث ومافي اسنصير في بيت اهل ريلي ... واكثر من 10 مرات اصعد وانزل وااااااااااي على اخر دريه احس لساني يطيح من كثر ما انافخ طمنينا عنج انتي
هلا ديزر شلونج صراحه انا كنت ادش كله ماكو احد ومحد يرد علي صرت ادش منتديات ثانيه,,, بس دير بالج من الدرج ترا يسوي ولاده مبكرة والله انا توني ادري خرعتني اختي وانا نفس حالج الدور الثالث وماكو اصنصير بعد بس ما اصعد الا مره او مرتين بالكثير وانا بعدني بآخر السابع بس توني بديت احس بثقل وماقدر اطول بالوقفه اتعب وايد وذا مشيت خاصه
هلا وغلا يا غلا .. انا بخير يا ساتر ولادة مبكرة لا ان شاء الله خلاص بقلل الصعده على الدري .. بروحي خايفة اولد مبجر تصدقين من دشيت الثامن احس بطني كل يوم يزيد حجمه .. يعني يكبر بسرعه مو نفس الاشهر اللي فاتت والله احس الجلد يتقطع انشد حدا ويحكني موووووت بس ما احكه الا قليل عشان لا تكثر الخطوط وصار من تحت بطني من كثر ماهو مشدود طلع لي خطوط ويحرقني موووت
