مرحبا بنات كيفكم حبيت اخذ رايكم انا عمري 27سنة وماتزوجت حدالحين وميتة على الزواج رفيجاتي وبنات عمي الي بعمري كلهم صاروا امهات واهم اصغر مني حتى الي يجي يخطبني يروح ومايرد حتى نسيت اني اتمنى الزواج من كثر مافقدت الامل ربيت عيال اخواني وصارو ا ينادوني يما كل شي عندي لهم حتى ما شلت شي من معاشي لزمن عفت كل شي حتى حريم اخواني اصغر مني والله استحي يوم يسولفون سوالفهم مع ازواجهم اقول بنفسي يعني انتمم اصغر مني تسنعتو صرتو حريم تسيرون وتطلعون وانا بس قاعدة لكم مربية حتى صرت بيتوتية مااحب اطلع بس قاعدة بغرفتي حتى صرت ما اواجه والا اعرف اسولف مع احد حتى بدوامي بس ساكتة ومستمعه لان احس فيني نقص واليوم كلمني ابوي خطبني ولد خالتي طبعا استانست وطرت بس دايما فرحتي ناقصة مادري اوافق عليه ولالا الان ولدخالتي بدون موكويتي بسي سوى الف واحد باخلاقة وشخصيتة وانا حدالحين محتارة اوافق ولالا ساعات اقول مافي احدبيموت من الجوع اهم شي ابي اسمع كلمت ماما الي انطرها وقربت افقدها وشتنصحوني:sad_smile:
اذا خوش انسان و اخلاقه زينة اخذيه و الله يسخركم لبعض بس مو علشان انج كبرتى و ما تزوجتى اقولج جذي لا لانج تمدحينه بس اهم شي يكون موظف بس حتى لو ما حصلج نصيب وياه لا تياسين و كل شي قسمة و نصيب انا اليوم عيد ميلادي (((( صكيت 30 سنة و ما تزوجت صحيح احس بعاطفة الامومة وودي باطفال يملون حياتى بس ادري ان نصيبي اذا الله كاتبه لي راح يصير يا رب العالمين زوج لمياء و ان شاء الله نشوف عيالج يا رب
امين انشالله ياميرةوانت انشالله وكل بنت ماتزوجت الله يفرحها ويهنهيها ونصير حريم مثل باجي البنات صج والله دعوتج احس انها ريحتني وطالعة من قلبج الي ينولج الي في بالج
صباح الورد حبيبتي اذا ولد خالتج محترم واخلاقه طيبه تزوجيه والله ياكثر الي متزوجين بدون وين المشكله وربي يوفقج ونسمع عنج اخبار طيبه وطنينا عليج ابي لبشاااااااااااااره ازعل لوماطمنتيي عليج دزيلي على الخاص انا مااشبك واجد
ياحياتي الله يكتب لك اللي فيه الخير واذا ولد خالتك مصلي واخلاقه زينه الله يووفقك يارب ويسعدكم ويهنيكم وانتي بعد يا اميره الله يرزقك بالزوج اللي يسعدك ويهنيك يارب الله يوفق الكل
والله يا يا اميره ولمياء اني دعيت لكم من كل قلبي الله يرزقكم ويرزقني معاكم ويرزق كل بنات المسلمين والمسلمات ويستر علينا يارب ويبعدنا عن الحرام ويقربنا من الحلال حبيبتي انا برايي لاتفكري بالمستقبل البعيد يمكن يطلع قانون يجنس ابناء الكويتيات وازواجهم ماتدرين وافقي وشوفي ضناج وايد احسن وانا اعرف شكثر بنات ماخذين بدون ومستانسين اهم شي اخلاق الريال ودينه والله يوفقج ويوفق بنات المسلمين
اختي الجنسية عمرها ما حدد نوعية الرجل , اذا زين صلي استغارة و شوفي و لا تنسين عزميني على العرس ^_^ >>> مستعده الاخت ههههه الله يوفقج و يزوج بنات المسلمين انت و لمياء و اميرة و كل
انا برايي استخيري اول شي وثاني شي الحمد لله دام اخلاقه حلوه ومودب وخلوق وطيب ومحترم الجنسيه ماتعيبه وماتضيق الا تفرج واللي الله كاتبه بيصير والله يرزقج انشالله ويوفقج يااارب
لالالالالالالاللا ياقلبي واللله راح تتحسقين سأليني انا واللله اشوف غيري من اهلي تزوجو بدون حرااام عشان الاطفال باجر يطلعون بدون موعيب ولا حرام بس طبعا الاكويتي افضل انتي مو عمرج خمسين عشان تتزوجين بدون ( مع احترامي لهم ) لا نطري شنو يعني 27 نطري والله حتي لو اهوا وزيين اعيالج وانتي راح تتوهقين بعدين صدقيني مستواج المعيشي غير كل اهلج ختي بيت مايطلع لج وغيره وغيره الحين انتي زعلانه عشان ماتزوجتي باجر تزعلين علي اعيالج صبري وانشاللله ربي يرزقج بولد الحلال وهذا رايي زانتي فكري
حبيبتي استخيري والله يكتب لج اللي فيه الخيرة ويارب يارب عن قريب تسمعين كلمة ماما انتي واميرة ولاتفقدون الامل دام عندج رب يسمعج تدعين وتستغفرين صلي ركعتين بجوف الليل وادعي من قلبج ثم توكلي على الله وتفائلي والله اني ادعيلكم من قلبي الله يفرج همومكم وهم كل مسلم وتنالون اللي في بالكم يارب
حبيبتي انا رايي من راي رنا 28 وكلامها عين العقل مع احترامي للكل واستخري قبل كل شي هذا مستقبل مو لعبة احنا نشوف ونسمع عن معاناة عيال البدون فلا تظلمين عيالج باتخاذ قرار يندمج طول العمر والله يكتبلج اللي فيه الخير وترى انتي مو عيوز
وانا بعد اقول ان الريال موبجنسيته وياما بنات تزوجوا كويتي ومايابلهم غير عوار القلب وماخاب من استخار ولاندم من استشار
شوفي ياقلبي كويتي ولا بدون اهم شي الاخلاق ويكون مصلي وعلى قولتج محد يموت من اليوع بتعيشين ويمكن احسن من اللي ماخذه كويتي اهم شي يصونج ويحبج واستخيري ربج وانشالله خير وانتي بعدج صغيره والحياة جدامج انشالله يارب الله يرزقج ويرزق كل بنت بالزوج الصالح يااااااااااااااااااااااااااااااااااااااااارب طمنينا عنج
أستخيييييييييييييري الله والخيره بما يختاره الله ونصيبج مكتوبلج قبل ماتنولدين وأسأل الله لج ولبنات المسلمين الأزواج الصالحين والذريه الباره
أنا براي وعن تجربه حقيقيه هذا الأنسان بيكون حنون عليج وعطوف لكن المشكله في العيال تراهم بيجوفونالعذاب ويا الجواز المزعوم عن تجربه العيال هم الخوف منهم لأن بيكون في عراقيل كثيره وياهم أجلي العيال الشويه لين تنحل مشكلتكم وياا الجواز وعيشي حياتج وياها أحلى أيام ت***ينا .. لو لا سمح الله أستوى خلاف من بينكم وتقولين له أنا خذيتك وأنت ما عندك جواز أحمد ربك ترا هاي الكلمه بيكره فيج طوال العمر وما راح تتصلح عن تجربه ,,,الله يوفقج
الله يوفقج ياقلبي وانصحج تقبليييييينه الحرمه مو كل يوم لها رجال انتي كبرتي والله جابلج رزق اقبليه ولاترددييييين واستانسي ولا تتضايقيييين
