بروح الحج بنات ساعدونى

بنات فديتكم بروح الحج باذن الله .. ومحتاره شحط ابجنطتى ؟؟ كم عبايه وفى عبايه خاصه للحج ولا عادى
وشنو الملابس الداخليه حق الحج .. واخذ دراعات ولا مايحتاج ؟
اللى عندها خبره اتعلمنى بالاشياء اللى اخذها والله يجزاكم خير

أولا لازم تاخذين ملابس جديدة للعيد
وطبعا لازم يكون معاج دراريع ناعمة يعني ملوت البيت ولازم تاخذين معاج كحلة وحمرة للعيد
وخذي 3 عبي أتوقع كافي
وطبعا باقي أغراض السفر مثل صابون وشامبو وهكذا
وأتمنى إني فدتج

حبيبتي بالنسبه للملابس الداخليه اكو بستي سنتر يبيعون صراويل
لبسه وينقط روعه وخفاف اخذي مجموعه وباجي الشغلات مثل العبي
يتراوالي عبايتين كافي وبجامات ودلاقات وتكرمين نعال حق الحمام
والاحرام اخذي اثنين بعد ودراعه حق العيد والشامبو والصابون ومعجون
اسنان وديودرنت طبعا كلها بدون ريحه .... وسلامتج

الله يتمم عليك حجه بخير

حبووبه انا حجيت قبل سنتين

خذي درااعه وحدة شتوي لالالالالازم او بلوووفر

خذي دااخلي يومي من الصيدليه + شورتااات خفيفه قطن

واهم واهم و اهم شي تااخذين معك حلوياات وبسااكيت انتي تحبينهاااا

لان احياانااا تكوونين بمكااان موو متوفر فييه الا نوع معين من الاكل

وهذا يصير في مزدلفه

الشاامبوو والصابون خذي العيناات الصغيرة اسهل لك

أنا ماحجيت ادعوالي يابنات والله نفسي بالحج ميته بصراحه كل سنه اقل السنه الجايه تتحسن الظروف

بس من وجهت نظري كثري الملابس الداخليه علشان موفاضيه حق الغسيل 3عبي راس طبعا نعال مريح ملابس قطنيه خفيفه علشان الحر شرابات ملابس حق العيد مصحف غطى خفيف مقص بندول شنطه خفيفه تحطين أغراضج المهمه لما تطوفين وتسعين ملافع وأغراض السفر من شامبو وفرشاه ومعجون فوطه ...

وحج مبرور وسعى مشكورررررررر

نسيت شي مهم شورتات قطنيه وإلفاكورت حق الالتهابات حق الفخوذ أو فازلين حتى

عندي نفس الازمة

احس راح اخذ كل شي وما راح احتاجة

مادري انا بكثر الملابس الداخلية والدلاغات ولا تسالوني ليش احس اني مو عارفه شنو اخذ

آنا ما حجيت بس ناوية أحج هالسنه ان شاءالله
بالنسبه للعبايه أنصحج ............ بالعباية المغربية
آنا جربتها بالعمره روعه ومريحه ومحتشمه
وحتى لو أحد يدوس على عباتج من ورى ما تطيح لأن الكبوس ( القبعه ) مفصول
وايد اسألوني عنها حتى محل عبي بمكه صاحبه سألني عنها

وبالنسبه لأغراض الحج ... سمعت بمحل يبيع كل مستلزمات الحج فوق جمعية الفيحاء إن شاءالله بروح له
وعندج بوتس ينزلون قبل الحج مجموعة الحج بدون ريحه ( شامبو + ديودرن + صابونه ) ماركة سمبل
بحاول أجيب لكم صور ( غشيمه شوي بتنزيل الصور )

ان شاء الله الكل يشارك
لتعم الفائدة

حبوووباااااات

الحج اهون من كييذا

اصلا لما ترووحين رااح تنسين كوووووول شي

ويمكن الوحدة تنسى حتى عياالهااا وما تسأل عنهم تكوون منشغله بادااء المناسك

شعووووور رهييب انا كانت امي تدق علي يوم العيد تقوول كل عام وانتي بخير

وانا نسيت مدري على شنووو تهنيني في بالي اكمل رمي الجمرة

الحماس في ادااء المناسك مع وجووود شوي عقبااات وتعب يخليك تنسييين كووول شي

وما يكوون في باالك الا انك تخلصين مناسكك على اكمل وجه وبطريقه صح

وكلا رااح تناظرين بالساعه متى نرمي الجمرة متى نرووج لطواف الافاااضه تردين تعبااانه

لازم تناامين بمنى حتى لو مافيك نووم تسألين عن المجموعه اللي معك مين خلصت

وميين غاايبه كأنهم هم أهلك

الله يتمم عليك حجك ويرزقني الحج يارب

دعاوى تسلمين يالغلا

فضه تسلمين يالغاليه

موقه بعد قلبى مشكوره

قصر التوت الله يكتب لج الحجه انشاله وماقصرتى فديتج

ام البيبيات الله يردج سالمه وحج مبرور وذنب مغفور باذن الله تعالى

باسمه العبايه المغربيه من وين ماخذتها انا شفت عبى بالعربيد لها قبعه بس مادرى استعماله موريح او لا
بوتس وين مكانه؟
الله يبلغج الحجه انشاله

الله يتتم لك حجك وانا حجيت بفيدك شوي حتى لو رحتي بحملة خمس نجوم الحج غير جيبي معاك الضرويات بس وهي :
لبس العيد ساتر
غسول ومرطب وفازلين وفوطه سباحة صغيرة و مناديل ديتول او عصار ديتول
لزق الجروح كريم حروق
شنطة اليد متوسطة تكفي جوال ومناديل وفلوس بس حطيها على جنب من الكتف الايمن الى الجنب الايسر
الطرحة خذي حقت العجايز ام منيخل او القطنية الطويلة مريحة وتثبت الغطا وتسحب العرق
عبايتين حق السفر والثانية حق الحج نفسة تكون قصيرة من تحت اهم شي
الجزمة الله يكرمك لازم تكون مسكرة من ورا وقدام وبدون خيوط او حبال ربط انتبهي
شربات قطنية اسمها العائلة لانها تريح رجليك في المشي كثيير لا تشترين الخفيفة ابدا
اذا لك علاج تاكلينه خذي كمية كبيرة يمكن ماتلقينه هناك ويمكن يتاخر الطيران وتنتظرون كم يوم
لا تعتمدين على بطاقة صراف ابدا لازم كااااااااااااااااش والبطاقة اخر شي ارجعيلها
اكياس صغيرة تجمعين منها حصى في مزدلفة وانتي صيري ذكيه عدد الجمرات يعني مكان المرجم ثلاثة وكل واحد منهم بترمينه ب 7جمرات كم يصير معك من جمرة 21حبه كل سبع جمرات في كيس اريح لك وخذي زيادة حبتين لان الي يطيح ما يجوز تاخذينه فكرة روعة انا مجربتها
مصحف وسبحة وتذكري شي واحد اذا تبين يصلح حجك تذكر الاية ان (لا رفث ولا فسوق ولا جدال وفي الحج) يعني اذا احد جا وقالك كلام قذر او سبك وسب امك واهلك لا تردين عليه ولا بكلمه حتى الجدال لا تجادلين ابدا كنك ما تسمعين شي
والله يسهل تمرك..............

شلونكم حجيات ..... قولوا إن شاءالله
بالنسبه للي اسألوا عن العبايه المغربية ... إي شاريتها من العربيد
بس ترى من سنه تقريبا ..... ( بصورها لكم وأنزل لكم الصورة باجر إن شاءالله )
والله مريحه حيييييل .... قيسيها بالمحل وراح تشوفين شلون مريحه باللبس .. الحلو قيها انها تصير عباة رأس وكتف
ومكان بوتس الي أعرفه ومتأكده منه .. ( مجمع بلازا حولي + مارينا مول + الفينيوز + سوق شرق)
وترى في منتجات بدون ريحه ينزلهم مركز سلطان قبل الحج ... وفي عند الحواج ( شامبو السدر وصابونة الطهارة)