شدراج إني شمرية تسلمين يا قلبي على مشاركاتكم رفعتوا معنوياتي وايد و صرت أتدلع ه أكثر من صوتي لكن مو الدلع إلي بالمستوى العالي يعني من أسولف معاه وهو يكون داير ويهة يقعد و يطالعني بس لحد ألحين ما تكلم عن دلعي أو وصلته لمرحلة الجنون بس في وحدة تعرفت عليها بنت خالتي خلت ريلها إلي يكره الحريم ينسى الدنيا و ما فيها حتى ربعه إلي بالدواوين ما قام يروح لهم صاير بس يجابل ويها و قالت لي شلون بس يبيله مجهود كبير أحس إنه فوق طاقتي لأني طالبة و أمر بضروف عائلية ما تسمح لي أني أفرغ كل طاقتي عليه إن شاء الله عن قريب و أبدأ أطبق المستوى الأعلى لأن الدلع و الإهتمام للزوج مستويات و أنا أحاول أوصل لأعلى مستوى طبعا بتشجيعكم
صراحه الموضوع مره حلووو انا مقبله على زواج واحس اني حتى لو بعد كم سنه استحي اسوي كذا مافيني جرائه او بتصير مصطنعه مني
إذا كنت أساسا دلوعه فراح تلقائي تدلعين من أول ما يقعد يمج لكن إذا كان الدلع مو ياي صوبج فالله يعينج مثلي آخر التطورات أمس حط حطيت مكياج _(أعراس) من غير ما أسوي شعري أو ألبس قالي اليوم صايره حلوة قلت له مرت فلان أكيد بطلع حلوة مثل ما علمتوني شنو إستانس و تم طول الوقت يطالعني أقولكم الصراحه أنا ما أحط مكياج إلا في المناسبات و لما أطلع معاه لأني مو من هوات حطت المكياج و أنا شكلي بدون مكياج جدا عادي لكن من أحط المكياج و إنتم أدرى بالمكياج يقلب الشيفة غلى قزال فخلاص من اليوم راح أتم أحط مكياج و الله يعين بشرتي و عيني هل من مزيد ؟
بصراحه انا متزوجه صار لى خمس سنوات وعندي عيال الحمدلله اكتشفت في اخر السنتين من الزواج انه الدلع والكلام المعسول يسوي سواة وانه الزوج انوع في اللى همه النومه وفي الي همه الاكل يعني اللى زوجها يحب النوم والشغل تالي الليل تونسه بالليل واللي زوجها يحب الاكل ابد تسويله هالطبخات الحلوة واللي زوجها يحب الاثنين الله يعينها واشكر واااااااو على الكلام الحلو وعشقي شمر وبنت كويتي اللي قرينا مهم هالكلام الحلو
مشكوووووره ياواااااااااااااااااااو بصرااااحه حيل نفعتينا انا بصراحه ماااالجه ودي اتعلم اكثر خصوصا كيفيت التعامل مع الزوج ولاتحرمينا من مواضيعج
ماشالله عليج اخت وااااو صج انتي واااو انا نفسج طبيعتي دلوعه بس يعيبني شغلتين: الاولى:انا بجايه حيل دمعتي جاهزة للظروف المناسبه والسخيفه والتافهه كله ابجي بس مو نكديه وكثيبه لا بس من يصيرلي موقف على طول دموع وهاذا الشي مخليني جني طفله مو انثى مثيرة والثانيه:مو جريئة كلش استحي من زوجي مع ان صارلنا 5 سنوات بس استحي وهو ماساعدني بعد يعني حركة الشكر اعجبتني بس صعبه اسويها ابي اصير نفسج انتي جم لج سنه متزوجة وهل كنتي نفسي بعدين تجرأتي (يعني في امل) وللعلم وزوجي انا مو نفس زوجج انا ثقيل ومايعبر بالكلام كلش ومو رومانسي بس يحبني شسوي؟
أنا رأيي يأختي إنك ماتتعودي علي نفس الحركات وعلي نفس الروتين الرجاجيل بطبعهم بيحبوا التغير وكل ماهو جديد فاجئيه بحركاتك سوي له حلفه عشاء وسويله الأكلات إلي يحبها وكمان جربي لغه الحوار لأن الحوار بين الزوجين شي حلوا مثلا إلعبي معه لعبه الحوار والصراحه إسئله شويحب فيك وش وشو إلي مابحبه بتصرفاتك طبعا خليك مركزه علي جوابه وإذا لقيتي شي مابيعجبه فيك غيره من غير لاتقوليله خليه هو يلاحظ من نفسه أما بالنسبه للفراغ حاولي تخليه يحسسك بحبه لك وبحنانه وإنتي بعد أوعك تتركيه يحس بالفراغ وإنشاء ربنا يوفقك وكمان إذا إتروحي للمكتبه وتشتري كتب حق الحياه الزوجيه وكيف تخلي زوجك يحبك وكمان أبحتي عن كتب السعاده الزوجيه مع تحياتي
صاجه والله الرجآل يختلفون عن بعض والذكيه اللي تفهم شنو نوع زوجها وشنو يحب وشنو اللي ينرفزه ومايحبه بعدين تعالي هني احد حاصله ينقال عنه بيبي ويقول لآ احلى شي بالككووون والله بصراحه كلنا حاشتنا غيره منج هههههههههههه تدرين ليش لان وااااو عطتج هالنصايح الحلوه انا على طول اذا احتجت شي بروح لها دايركت بنات الله يعينها علينا وعلى استفساراتنا عن جد انسانه فاهمه مو بس عشان حركات الدلع مقدور عليه ^^ بعدين اللي تقول دايمـآ دمعتها على خدها ترى باجر يتعود على هالشي ويصير مالها هيبه دمعتج عنده حاولي تثقلين وتمسكين روحج واذا صرتي بروحج عادي طلعي اللي بقلبج ولا تقهرين روحج ترى الدنيا ماتسوى
