مساء الورد ... بكل الوانه .... مشتاقه لكم حيل فديتكم انشالله الكل بخير.... فكرة اكتب هالموضوع عشان كلنا نستفيد .... يعتبر مرجع لنا شرايكم ...واكيد كلنا نساعد بعض بالراي ونستفيد بالنسبه للمتزوجات وخاصه المشكلات الخاصه بالمنطقه الحميمه او مشاكل خاصه بالنسبه للمتزوجه واكيد مشاكلنا اكثر من البنات يعني هالموضوع مو للمشاكل الزوجيه لا خاص لصحة المراه المتزوجه ....وطبعا مافي مانع لصحة الزوج ونتبادل الخبرات ويصير لنا مرجع لاي مشكله صحيه او جنسيه وبالنسبه للجنس ولكن بحدود المعقول خصوصا انه مو اي مشكله ممكن تقولينها اكيد فهمتو قصدي يعني بحدود المعقول نناقش المشاكل الجنسيه نبي حياة زوجية صحية وسعيدة .... لاتنسوني بالدعاء ناطره ردكم
واحنا بعد اشتقنا لج الله يفرجلج ويشفيج يارب ويرزقج بالصحه والعافيه والله خوش موضوع بس عن شنو نتكلم؟ يعني لو وحده تسأل واحنا نرد عليها احسن ولي الشرف اني اول وحده ارد عليج يالغاليه
هلا وغلا فيكم اي كييييكه قصدي جذيه كل وحده تبي مشكله خاصه مثل ماقلت ونرد عليها وبجذيه يصير لنا مرجع اي وحده تكون عندها مشكله مشايهه لمشكلتها انشالله بنكون ناقشنها مع البنات
بكتب لكم الشغلات الي لازم تكون موجوده عندج كل متزوجة غسول سيتال كلمة رووووعه شويه عليه ومايسمر المنطقه واذا عندج حبوب بالخلفية ممتاز تحاميل بيتادين تستخدمينها اخر يوم بالدوره تنظف مره وملح خشن والمره تستخدم مرتين بالاسبوع وبعد اخر يوم بالدوره تعقم والملح الخشن استخدميه مطهر يومي للمنطقه مع الايام تخفف السمار وبعد تخفف الالتهابات والريحه الكريهه كريم بيتادين البني يقتل البكتيريا ويعقم صج بس يوصخ الملابس هذا عيبه مرميه حلوه للجسم والكمون ينظف البطن ويقلل حجم الكروشه؟؟؟ الكركم تشربينه اول يوم الدوره وثالث يوم الدوره عجييييب والله يعينج على الريحه ااااااااااااه انا اناقززززززز طبعا كل هذول تشربينهم و و و و لي رجعه وبشوف اسئلتكم ؟؟؟
ابي اسال في اوضاع معينه تطلع منج اصوات وهوى اشلون اوخره فيدووووووووني حيل انحرج من زوجي بس اهو يقول عادي لا تستحين بس انا امووووت وستحي شنو الحل انقذونى؟؟؟؟
امبية أم رييون لا موعادي هذا معناتة إنج خربانة يعني ماكنتي متنفسة عدل أنا أقولج نصيحتي وأنت كيفج إذا جت الدورة تتنفسين يعني الصبح تاكلين حسو أو عصيدة (ومردود) والظهر تاكلين عيش ودويات اللي هم حلبة وسويدة(حبة البركة) والعصر أعشاب مع دويات إسمها (لهوم) إذا تعرفينها وبليل تتعشين مرقوق ودويات أو قبوط ونهاية الدورة حطي ملح إنفاس إذا تعرفين أحد يسويلج إياها مثل التحميلة تنزل كل الماي اللي فيج وحطيها يومين أحسن ولا زم ما تتحركين عليها على الأقل ساعة وقبل لا تغسلين من الدورة تبخري في بخور الهوى وهذا وحدة بوحدة وراح تطلعين ضيقة ونااااشفة ونضيفة وقولي دعاوي ماقالت وأهم شي لبسي سروال طويل أو إذا عند زوجج ليقنز ضيج عشان يمنع الهوى يدخل وحاولي إن جسمج يكون دافي ومتغطي عدل عشان يمنع الهوى وأتمنى إني فدتج ودعيلي
هلا حبيبتي ام ريووون طبقي كلامه عدل لانه يعتبر خراب يسمونه الحريم جذيه لاتضايقين وبعد نظفتي من الدوره روحي الحمام وحطي مبخر اوكي واكيد فحم صغيره وعليه ورق بصل معه كمون شوي اوكي وقعدي وخلي الهوى يدخل داخل وتكونين متغطيه بفوطه عشان كله يدخل بتحسين يبي ينزل منج ماي وبعدها لبسي اوليز وتكونين حاطه عليه مره منقوعه ولبسي بنطول ونامي هاذي طريقة جداتي وامي واحنا الحين وتدفي ونامي لايجي صوبج زوجج قولي ماخلصت الدوره باجر كيفج
هلا وغلا ماما عبودان.... حتى للبشره ينظف عدل .... حيااااج ياقلبي :wink_smile::wink_smile::wink_smile:
هلا وغلا بكيييه اي بعد رووووعه فيم فرش ومع السبراي والودره يخلي ريحتج تجنن ....... بس لاتحطينه من داخل انتبهي الدكتوره قالت فيه نسبة عطر ومايصلح من داخل غير سيتال ......
شلونكم صبااايا بقولكم شغله بسيطه تعودي تسوينها قبل وقت الحركااااات :wink_smile: اكيد تاخين شور طبيعي وتحطين لوشن صح خلطي لوشن الجسم باي كريم اساس اوكي وحطيه على جسمج بس بنااات موتكثرون واذا كنتي متعوده تحطين بودره معطره احسن بعد حطي على جسمج كامل وشوفي النعومه ولاتنسين بعد لبسي قميص النوم بيطلع لون بشرتح حلو فيه لمعه صباااااااااايا هالطريقه سويها بس قبل الحركااات او اذا كان عندج عزيمه مثلا تعطيج لمعه حلوه وبنفس الوقت ريحة كريم الاساس تصير نفس ريحة اللوشن:wink_smile::wink_smile: ولي رجعه وينكم انشالله تتهنوااااا
بنات وينكم ...انا زعلانه:sad_smile::sad_smile::sad_smile: اغلب المتزوجات تقولي انا الخميس اكشخ والبس قميص له ليشششش؟؟؟؟ المفروض طول الاسبوع تكشخين ووقت النوم تلبسين قميص حلو قصير وطول النهار بجامه ياحلاتهم حتى تشد الزوج وتشوقه حق الحركااات واختاري الوان فاتحه خصوصا الوردي ابيض واهم شي تكون شوي مخصره على الجسم يعني الحركات اكيد فاهمين:wink_smile::wink_smile::wink_smile: وشعرج لاتنسين صدقيني الزوج ماينتبه اذا في تقصفات او خفيف او خشن لا اهم شي النظافه والشكل المرتب ...........يالله زعلتوني
هلا حبيبتي لا شلون ماتسوين كل هالاشياء بعد هالشغلات بسيطه في اشياء اكثر لا تزعلين مني التقصير منج المفروض تقرين اكثر بمواضيعنا وطبقي منها وموفقه ياقلبي كلنا جذيه في بداية زواجنا ماكنا نعرف شي
هاااااي متزوجات ... اليوم جايبه لكم زيت اسمه Bio oil موجود في محلات بوتس طبعا يجنن وروووعه بالنسبه لفوائده اولها بالنسبه للحامل الخطوط تخف حيل مع الاستمرار ويوحد لون الجسم اهو مخصص لتصبغات الجلد ويعالجها بحط لكم صورته اتمنى يعجبكم ......
