السلام عليكم شلوووونكم حبايب قلبي بناتو انا متزوجه من سنتين ونص وحملت مرتين ورى بعض ومامداني انا وريلي نستانس فبعض واحس ريلي مل مني هالسنتين لاني كله منفسه من الحمال ومن جسمي اللي اخترب بالولاده وبلاوي الولاده وودي الحين اييننه بطلعتي هذي من الاربعين ودي ارد شي ثاني ابيه ينصدم .. بردله عرووس يديده .. شرايكم شسوي والله موعارفه .. بليييز فيدووووني لاتبخلون علي بنصايحكم
هلا ياقلبي الحمدلله على سلامتج ويشرفني اكون اول وحده ارد على موضوعج قلبو صبغي شعرج وقصيه عكس شعرج الحين اذا الحين اشقر اصبغي غامج واذا غامج اصبغي اشقر بس طبعن شوفي الي يناسبج وغيري لبسج البسي شي ماتعود عليه او الي يحبه بس بستايل جديد واهم شي عطرج غيريه اشتري عطر جديد وفواح وهاذا الي خطر ببالي الحين وانشاءالله لاطرالي شي بطل عليج والبنات انشاءالله راح يفيدونج اكثر مني وموفقه خير ياقلبي
حمدلله على سلامتج... انا مع اختي الي قلبي بتغير لون شعرج خصوصا اللون وقصة الشعر اهم شي تكون حلوه الحين هابين من جدام حيل يقصونه القذله بس اذا شعرج طويل لاتقصينه حيل يعني سوي في قصه حلوه .... والوا الحمرا والمكياج غيره حطي الوان غير يجنن اللون الفوشي الفاقع يسوي شغل خصوصا مع لون شدو وردي فاتح وماسكرا بس وعدسات رماديه ههههههههههههههههههه جربيها وشوفي ... وغرفة النوم ممكن تغيرين cover السرير تغيرين فيها اكسسوارات للغرفه واهم شي قمصان النوم لبسي فناتق غيري ولاتنسين الاندر بدعي في الالوان والحركات اوكي ولي رجعه انشالله
ماقصرو البنات صبغي شعرج ثلجي اذا بيضة وقصية وعدسات ومكياج 24 ساعة ووووووهذا اهم شي وكل يومين قميص جديد بجايم راقية غيري عطرج وبخورج ونضام شقتج كلها وغيري اسلوبج تدلعي خل يحس توج بيبية لبسي بواريك بليل غيري ستايلج كلللللللللللللللللللللللللللللللللللللللللللللللللللللللللللللللللللللللللة
والبناات ماقصروو ونصيحتي لج وعن تجربه بطلعتج من الاربعين سافري لو على الاقل البحرين اهم شي تكونين انتي وياه بروووووووووووحكم وعيالج الله يخلي امج والا اختج واالا حريم اخوانج مارااح يقصروون خليهم عندهم اقضي وياااه احلى ثلاث ايااام وشووفي شلوون بتردين عروووووووس بس اهم شي تكونين مغيره اللوك ونااقشه على الظهر والقمصاان بعد مااوصيج هذيلاا اهم شي انور الحين مسوي خصووماات حلوووه وعنده شغلاات تهبل ..
الحمد الله علا السلامه وطالعه من الشر انشالله حبيبتي البنات ماقصور وانا معهم غيري كل شي في شكلج وخلى عيالج عند اهلج كوني لها بروحه كاانكم معاريس وعساربي يدايم عليكم ولا يفراقكم
انا مثلك قربت اطلع من الاربعين ومحتارة شسوي بعمري؟؟؟؟؟؟ بس انا ما اقدر اصبغ لان شعري جاف والضبغة تدمر شعري بس فكرت افردة وابي عطر حلو وش تنصحوننا فيه؟؟؟؟ وطبعا مفرش السرير وقمصان النوم هذي لازم كله جديد بجديد الله يوفق الجميع ويسخر لنا ازواجنا ويسخرنا لهم يارب..
تســــــــــــــــــــلمون بعد قلبي كلكم ماقصرتوا والله الله لا يحرمني منكم بع بعد بنات عطونا اقتراحاااات
الحين هابين البنات قبل الطلعه بثلاث ايام يسوون تان عند الصالونات يخليج تلمعين لمدة اسبوع بس اختاري الطبيعي مو الغامج حددددددده عجيييييييب واهم شي اهم شي اهتمي بنفسج من تحت لاتنسين المره والغسول والتحميله قبل الطلعه وشنو بعد شنووووووووووو اي اذا في مجال بطلعتج خلي عيالج عند اهلج وروحي فندق ليله كامله ولاتنسين الشموع والقمصان والعطور وبس كل شي قالوه البنات
وصح نسيت اقولج عندج صالون ma يسوي حمام البرافين او شغله جذي ماني مثبته الاسم بس هو يخلي بشرتج تلمع وجنهاا دهنيه يهبببببببببببببل بنت اخوي العرووس بتسوويه وانا مع الخيل ياشقرااا بسوي وياهاا هههههههه
مثل ما قالو البنات والله الله بنقش اخر الظهر والسيقان من ورى شكلها بتطلع روعه ولبسي قميص العروسه اللي قصير ومعاه طرحه وغيري مفرش السرير وحطي الكوشيات اللي كلها ترتر تعكس على المفرش وغيري طريقة مكياجج وما ازيد عالبنات بشي ..
السلام عليكم الحمدلله على سلامتج اختي باونتيه والله يجعلهم من الذريه الصالحة آآمين وسوري اذا كان ردي متأخر المهم حبيبتي البنات قالولج كل شي وماقصروا وانا بس حبيت اتحمدلج بالسلامة ا
سوي نقش بصراحه حلو سويته بطلاعتي طلع يجنن مع القميص الأسود وروحي عند نعومي عندهم مجموعة لوشنات وبودره وعطورات حق ليللتج خييييييييييال
اول شي تسوينه الصالون طبعا بعدين لازم تصبغين شعرج عشان ويهج يتغير ولبسيله شي حلو يغطي العيوب وسويله عشى وبخري البيت وبس مايبيله شي
