مرحبا بنات شخباركم هذا التجمع فتحته للعرايس اللي عرسهم شهر ثلاثه مثلي <<< ان شالله ما كون انا بروح اللي عرسي بالشهر علشان نتعاون ونتساعد بالتجهيز وبالعناية وهالسوالف وان شالله نستفدين كلنا من تجارب بعض وافكارنا يعني من ناحية شلون بتجهزون ؟ بديتوا والا بعد ؟ شنو العناية اللي بتتبعونها وهالسوالف ؟ والله يوفق الجميع
ماكو وحده بتزوج شهر 3 بس انا ؟! انا بقولكم شقاعدة اسوي علشان اللي بتطمش اولا التجهيز خلصت منه التناتيف من مكياج وعطورات وبخور ومجموعة المشط والبديكير وروب الحمام وشوية قمصان وبجايم وليفه ناعمة ومع عصا ومفركة الريول وبدل للغرفة وملابس داخلية وشنط ناعمة لطلعات السوق مع شحاط بسيط وشوية اكسسوارات مثل الاظافر والرموش وعدسات صبغ اظافر هذا تقريبا كل شي اما من ناحية العناية كل يوم احط شي بشعري والحمدلله احس في تحسن بس بشرتي لحد الحين ماسويت شي ودمتم سالمين
الله يووووووووفقج يااااااااااااااااااا رب انا لحد الحين ما تحدد عرسي بس بنت خالتي تو ملجت وزوجها يقولها العرس شهر 3 وما جهزت ولا حتوته
هلا حبيبتي ان شالله يحددون عرسج معانا بنت خالتج غلطانه المفروض تخلص الشغلات الصغيرة اللي مالها موضة علشان تخفف على نفسها بعدين وتركز عالاهم
اختي عرسها بشهر 3 وخذت بدلتها من اتيليه دار الفخامه بالسالميه شارع البلاجات عمارة المرجان الدور الاول 94441193 مقابل شوبيز وبورجر كنج لان توهم منزلين بدل عرايس عجيبه وانا خذيت بدلتي منهم لعرس اختي صراحه اسعارهم حلوه ومعقوله لا يطووووووووووووووووووووووفكم ياعرايس وتراهم ملبسين حليمه بولند في فوازيرهاعلى mbc وتى عندهم جاهز وتصميم والمعامله راقيه جدا جدا
هلا ياقلبي سنين الماضي الله يوفق اختج ويرزقج بولد ل الحلال وتلهين بالتجهيز اول مرة اسمع عن المحل بس بروح اشوفه
على البركه انشاءالله انا توني ماسويت شي ومادري عن الذهب ودي انطر لين ينزل وباجر انشاءالله بحاول اروح لأرض المعارض وعسى الله يوفقنا ويسهل تجهيزنا ياااااارب
الله يجزاكم خير وامس رحت المعرض للعطور وشريت من القرشي مسك الختام ومسك العود ومسك العروس مسوي عليهم عرض حلو لايطوفكم.... وشريت من اجمل خلطت اشرقت وشريت بخور المرشود وخذيت بخور القرشي سيوف وخذيت خلطات من اصغر علي ويمدحون عنده عطر اسمه فيروز وعفاف بس خالصين وقلو بيجوبونهم بعد يومين تقريبا... وعسى الله يهنينا يااااااااارب ويوفقناااااا
الله يوفق الجميع إنشاء الله من ناحيتي أنا بقدّم خدمة لهذا التجمع عندي بدلة إختي عروس أوف وايت رووووووووووووووعة للبيع كان عرسها قبل شهر جديدة موديل 2011 وعندي بدل تصلح لخوات عروس إللي حابة تراسلني ع الخاص وحياكم الله
مرحبا شلونكم شخباركم و موووفقين يارب أنا كمان عرسي شهر 3 / 2011 و جهزت بدل الاستقبال أخذت 4 بدل كافي و أخذت بدل تصلح للزوارة أو للمساء مو فخمة حلوة ذربه و فصلة عبي بس مو فخمة حيل لأن لما رحت السووق ما فيه حلوات يعني تقولين عادية أخذت 3 كتف و 2 راس و أخذت كعب تقريبا أخذت من 9 أجواز لأن أنا دوام فأخذت للعرس و للدوام مره وحده و أخذت جنط بس 7 كافي و أخذت العطور العربيه خلطات و أخذت 3 فرنسي كافي و خلصت القمصان و البجايم تقريبا شغلي خالص بس باقي إكسسوارات و مكياج و بخووورر و بدل للشقه و حجزت مصورره شفتها و عجبني شغلها و باقي الذهب و دراعات للحموله برووح في كم مشغل حاطين إعلانات برووح أشوووفهم وراح أوافيكم بالجديد
