السلام عليكم حبيباتي ^_^ العنوان واضح بقولكم قصة ولادتيي أنا ولدت قبل شهرين واسبوعين بالضبط وماكان عندي والله وقت اكتب القصه لان اول بيبي لي ومسكين صار حقل التجارب لي واتعلم فيه ياحرام ولادتي كانت تاريخ 27 -7 - 2010 بمستشفى السلام عند الدكتور عمرو عصام واهو خوش دكتور قبل موعدي ب اربع اسابيع طبعا لان ولادتي كانت مبكره وقيصريه اول مادشيت الثامن الدكتور قالي البيبي مالف وماراح يلف الوضع باين عنده ان ماراح يلف لان انا مسويه عملية معده ومأثره على وضع البيبي ومانعه دورانه وطبعا قمت احاتي وقلت لا اكيد يألف حجي فاضي هذا الي قاله الدكتور من وصلت نهاية الشهر الثامن رحت موعدي السبت والبيبي كانت قاله حركته سوالي الدكتور سونار يادوب قدر يشوفه الماي طلع وايد ناقص عليه من قالي الدكتور ولاده لازم انا ودي الارض تنشق وتبلعني من الخرعه وعطاني ابرة الرئة وحده الظهر ووحده بليل ويوم الاحد دخولي بليل رديت البيت وانا وحده ثانيه من خوفي بس كنت الهي روحي مابي اكلم احد عشان لاتخنقني العبره وابجي جدامهم بس الوحيد الي شافني ابجي ريلي مسكين اهو مات خرعه من قمت ابجي وياتني اختي وحماتي ماقصرو الله يعطيهم العافيه عدلو شقتي وانا جهزت جنطتي ورحت الساعه 11 بليل المستشفى وسولي دخول وعلى مايخلصون الاوراق شفت الغرف المستشفى حده زحمه الادوار فل والله اللهم حصلت يمكن 4 غرف وكل وحده غير عن الثانيه اخترت غرفة VIP1 وليلتها ب140 دينار دشيت الاحد 12 بليل وطلعت الجمعه 2 الظهر طبعا من دشيت الغرفة بدلت الممرضه فر اشي حطت لي الكفر مال استقبالي وركبت على ابرة المغذي وحطت لي جهاز نبض البيبي وسوتلي تست مال الحساسيه من الادويه وركبت المغذي وقالت الصبح الساعه 8نجهزج وانا حدي خايفه بس مابينت حق ريلي واهو منصدم وخايف ليش انا مابينت له خوفي ماقدرت انام وقاعده افكر واحاتي لين دخلت الممرضه وحطتلي الحقنه الشرجيه وغسلت وبدلتني ويات اختي اول وحده وحطوني على السرير مال العمليات ودشيت العمليات 9 ونص وظليت بالغرفة الانتظار وياني دكتور التخدير يسألني لين وصل دكتوري ودخلوني غرفة العمليات وركبو المغذي طبعا طلبت تخدير عام وشفت بيد الدكتور ابره كبيره والي فيها الدوه ابيض قتله شنو هذا ولا يحقنها قتله دكتور رقبتي نملت ومابطلت عيوني الا لمن سحبو لتيوب من بلعومي وماحسيت بشي بعدها الا عل 11 وشي واول كلمه قلتها ثثتر :/ يعني سستر واهي تضحك على والدنيا ادور بعيوني وانا اقولها ثثتر البيبي مالي حلو :$ قمت احن على راسها موراضيه اطلعني يوم زهقت جيكت على كل شي فيني وطلبت ممرضة الجناح عشان تاخذني غرفتي وتبطل باب العمليات وانا خانقتني العبره ابي اشوف ولدي وريلي ولا اشوف لوول اخوي ومرته واهي مسويه مناحه تبجي ودوني غرفتي ارفع روحي عند الباب ولا كل اهلي موجودين وحمولتي بعد طبعا شفت ريلي جان اقعد ابجي بجي جني ياهل واهو مسكين يقولي صار عندنا بيبي ويسكتني والباجي يبجون معاي :$ بعد ساعه يابولي نور عيوني وشفته وانا مومصدقه والله لي يومي هذا وانا مومصدقه اني ام الله لايحرمني منه يارب ويرزق كل محرومه وسويت استقبال بالمستشفى لان حزتها مابقى شي على رمضان وعندي عرس بنت اخوي فالكل راح يكون لاهي اذا بسويه بالبيت وحمدالله الكل ياني وبارك لي وثاني يوم ياتني مالت التصوير وقالت لي عندهم عروض تصوير وصورة ولدي التصوير كان ب 60 دينار طبعا دشيت المستشفى ووقع زوجي على اوراق ولادتي وتكلفتها 1050 دينار بس مع التأمين 100 وكلفت ولادتي 1,284 صار زياده مال تصوير البيبي 60 وتحاليل حق البيبي 15 والباجي ادويتي والمسكن لان كنت اطلبه وايد وخدمتهم واييد حلوه بس عيبهم الوحيد ان عليهم ضغط بس ولكلينر دايما ينظفون الغرفه والحلو بغرفتي ان معاي مرافق فري واكله بعد فري ويبت انا فلبينيتين تقديم حق العصير والحلو والجاي وقاعده اسوي البوم صور ولادتي بملفي الشخصي بس ماخلص لان الصور بالكاميره بعدهم وادري طولتها عليكم ههههههههه بس بقول بالتفصيل عشان الكل يستفيد واي سؤال انا حاضر والي تدخل تقره وماتبي تكتب شي لووول خل تدعي الله يخلي لي ولدي بقلبها :rose:
حبيبتي الحمد لله على سلامتج ومبروك ما ياج ان شاء الله يتربى بعزكم ، بس حبيت عرف شلون تعامل اللي بالمستشفى معاج ؟ وشلون الغرف كبيرة وحلوة ؟؟
الله يسلمج حياتي ويبارك فيج يارب ويخليج ويسهل عليج ولادتج يارب تعاملهم واييد حلوو ووايد ارتحت لهم بس العيب الوحيد ان ضغط على الممرضات وشوي يتاخرون عليج بالييه vip 1 هذي الي اخترتها وبالدور السابع ووايد راهيه وفيها كراسي وايد وتحسينها راقيه وفي ستاره لج اذا يالج الدكتور ولا بترضعين انا عجبتني والله انتي روحي قولي لهم ابي اشوف الغرف واهم يعطونج شنو فاضي وتصعدين بروحج تشوفين انا كانت غرفتي 718
ياحياتي انتي الحمدالله على سلامتج ومبروك جسومي فديته ان شالله تشوفينه معرس وعقبال ماتيييبيله اخت حلوه تشابهه ربي يحفظه لج من كل شر قولي امييييييييييييييييييين
واااي بددددددعتــــــــــــي الله يخليلج ولــــــيدج انشالله وتقر عينج فيه معرس يارب واااي ياحلات الصبيان لا ومسويتله تفافيخ وجاسم بعد ها ... هههههههه
الله يسلمج حبيبتي ويبارك فيج يارب ويلا الله يسهل عليج ويقومج بسلامه وتيبين هالبنوته شكلي باخذها حق ولدي :teeth_smile: محجوزه بنتج لوووول رجاء لحد يقرب صوبها ههههههههه ويارب الله يرزقج بالولد الصالح ان شاءالله ويطلع لج قروووون :wink_smile:
لووول الله يسلمج ويسمع منج يارب هههههههه موانا لول اول يوم انا في عالم الضياع يوم كله بدليات من البنج هذا الله يسلمج ريلي سواه وحط خصوصا جاسم عشان التحف الي دازين لهم المستشفى واي دور واي غرفه ياحظي بعد دازين لكم مسج بنستقلكم بالمستشفى الفلاني والدور والغرفه ههههههههه :thumbs_down:
الله يسلمج حياتي والله يسمع منج يارب وتسلمين ماتقصرين ^_^ وربي يرزقج يارب ويرزق كل محرومه بالذريه الصالحه
