مرحبا بنات ,,,, انا عضوه جديده بالمنتدى وودي اقولكم مشكلتي باختصار .. انا متزوجه صارلي سنتين تقريبا وماعندي عيال ,,, الله رزقني بواحد اهم شي عنده بالدنيا اهله والباجي بالطقاق ,, والله انه سعادتي ومشاكلي معاه متوقفه عليهم يعني اذا كانوا راضين عني اهوة يرضى واذا مايكلموني يزعل علي حتى لو الحق معاي . اهوه عصبي ويقط علي كلام موزين بس انا متحمله ووصلت فيه انه قام يعايرني اني مايبت عيال للحين ومن هالكلام اللي يغث , دايم ينتقد ومو عاجبه شي وكله يتكلم عن اخته انها احسن وحده بالدنيا واني ياليت اصير نفسها واني لازم اسال عنها دايم ولازم اطلع معاها ولازم ارضيها باي طريقه ,, واذا قالتله اي شي عني يقلب علي ... انا تعبت وطلبت منه الطلاق ,, قالي حياتي معاج توقف على اهلي لانهم اهم شي عندي والله يابنات اني قمت اكره اهله من كثر مايغثني فيهم جنه محد عنده اهل غيره ؟ والله مادري شلون اتصرف معاه والا شسوي احس اني كارهته حيل ؟؟؟؟:sad_smile:
لا لا لا تتسرعين اسيرة الحزن لا تتسرعين الطلاق مو شي هين وراح تتحسفين بس بقولج شي اذا اخوج يحب اهله ويوصي زوجته عليكم يعني اقلبي الشخصيات علي اهلج شنوا موقفج بالعكس هذا شخص حنون ويحب اهله وبعدين هل فيه عيب غير هذا يعني بخيل موسوس فيه نحاسه ونذاله انا اقصد شوفي الصفات الزينه الي فيه مو جانب واحد والله يهدي الجميع ويوفقج بحياتج بس لا تتسرعين
ميخالف ام رحيم انا معاج وصج انه ابغض الحلال عند الله الطلاق بس وحدة الله ما كتبلها عيال ليلحين ومتأذية من ريلها شلي يخليها تستمر معاه؟؟ خل تشوف حياتها ويمكن يجيها نصيب احسن منه والله انا اقول روحي بيت اهلج ولا هالمغثة سنتين ومتحملة على ولا شي الي عندهم كوكش يهال ما يتحملون شلون انتي مافي شي يربطج فيه
هلا أختي . . . الانسان اللي واصل رحمه ورؤوف بأهله عملة نادرة . . . ترى مو سبب لطلب الطلاق انه يواصل اهله ! انتي اللي كبرتي المشكلة بتقولين شلون ؟ خليتي كل اهتمامج وهمومج تنصب وتدوووووووور حوالين اهله !! المسألة بسيطة إذا أخته طيبة وحليوة اعتبريها اخت لج وانتي مو خسرانة شي لانج صرتي فرد من عائلة زوجج وما في سبب يخليج تعتبرين اخته عدوة لج !! ونفس الشي لامه وباجي خواته . . . الدنيا تدور فلا تخلينها تدور عليج والسبب ما يسوى . . . شيلي من بالج فكرة انج اذا ارضيتي اهله يرضا شيلي هالفكرة وعاملي الكل بالطيب وبتشوفين ان هالطيب يثمر وخلج ع نياتج وعيشي وشيلي سالفة الطلاق وطولي بالج لان اول سنوات الزواج مشاكل وضيقة . . . وبعدها سبحان الله تمشي الحياااة وتتعودين عليه . . . واتمنى اشوف رد لج انج رضيتي وحياتج صارت اوكي . . . وموفقة خير . . .
الله يهديج حاااولي تتعاملين مع اخته بطيييبه حاولي تكسبينهااااااا.. وترا الحنه عالزووج موزينه يمل .. حاولي تكسبين اهله اذا ما فاااد وافعااالهم مو زييينه روووحي لهلج اذا مو مقدرج زوووجج والله يهدي الكل ويصيرون عسل معااااج..
صارحيه وكل شيء أتحسين فيه كلميه فيه بس بهدوء بدون عصبيه أولوم يمكن ما يقصد يضايقج صدقيني مافي مثل المصارحه راح ترتاحين وكل واحد منكم راح يعرف شنو الثاني يبي منه وأن شاء الله يرزقج الله بالعيال ألي يهدون سركم ويقربونكم من بعض وعلي فكره أول أسنين الزواج فيها مشاكل وأختلافات
اذا بتطلبين الطلاق انتي الخسرانه الحين بلوقت هذا الوحده ادورلها رجال يسندها ويوقف معاها انتي لما اخذتيه تدرين انه عنده اهل شنو يعني ماتبينه يكلم اهله وما تبينه يشوف خواته انهم زينات لاحبيبتي انتي تزوجتيه بس موملكتيه له اهل وله ربعه وله ناسه وانتي زوجته راحته وهناه وحاولي اختي انج اتريحين الرجال علشان ماتخصرين شي اذا تطلقتي رح تردين بيت اهلج وتسيرين علج بحلوج الناس بس حاولي ت***بين زوجج ونسي شي اسمه طلاق واتمني ان الله يهديج ويرزقج وتحملين وجيبين اعيال مثل اعيالي واشطن بعد
الطلاق مو هين!!!!! أبغض الحلال وبعديين انتي جدمي الطيب.... وكل واحد فينا عنده اهله فوق الكل ... حطي نفسج مكانه انتي ترضيين على اختج ولا اخوج؟؟؟؟ تصبري حبيبتي الهون ابرك مايكون
احس البنات مو فاهمينج اهله جزاء من المشكله بس انتي تقولين يقط كلام يغث يعني شكواج منه هو ازعلي عليه ولا تحاجينه وقومي بكل طلاباته واذا سالج ليش زعلانه قولي من اسلوبك معاي شوفي يا قلبي انا عشت مع اهل زوجي 15 سنه الله لا يوريج مغثه من اللي قلبج يحبها واهله شينين حيل بس ما همني انا ابيه اهو مو اهله سايسيه وخليج حكيمه شيلي فكرت اهله من راسج وخلي في بالج شي واحد هو وبس حاولي تعرفين شنو يحب شنو يكره ولا تستفزينه ابد الرجال مثل الجاهل عوديه علي طبعج وانا الحمد لله سايست اموري مع اهل زوجي وبالغصب لين الله رزقني بيت وطلعت >>>>>>>>>>>>>>افهمي زوجك وخلي عنك اهله
وايد رياييل جذي ..!! بس ريلج مو مستقر بداخله ..؟؟ شعلاقة اهله ومشاكلهم بحمالج ومشاكلكم الخاصه .. هاذا موضوع وذاك موضوع منفصل ..!! اولشي بالنسبه لاهله .. سوي مثل مايحب كسبي رضاهم لاتزعلينهم جامليهم سئلي عنهم لو بمسج وخصوصا اخته .. دام انه طريج لرضاه كسبيها وخليها بصفج اتقربي منها وابدي صفحه يديده حبيها ومدحيها جدامه .. امه بعد اذا عايشه لاتنسينها مدحيها حبي راسها زوريها كل اسبوع يبيلها هديه او عالاقل صح حلو .. او قطعة خام .. صدقيني السالفه بسيطه تقربيلهم يتقربلج زوجج .. وبتكبرين بعينه والله .. سالفة الحمال هاذي يبيلها مراجعة طبيب ارفيجتي ماحملت 6 سنين ..!! وماكانت ترضى تراجع تخاف ..!! اتخيلي شنو كان علاجها عقب هال6 سنين ..!! مجرد منشطات ..!! روحي فحصي واذا تبين دكتور ممتاز وشاطر روحي فاطمة كلينك عند الدكتور محمد قطب وعندج الدكتور جمال الشريع بمستشفى السلام روحيلهم على ظمانتي ولاتنسين تاخذين زوجج معاج اذا طلعتي سليمه يمكن الخلل فيه مو فيج ..!! ونصيحه داومي على سورة البقره .. سواء تقرينها او تشغلينها وتسمعينها بشكل يومي ..
انا اقول اللي مافيه خير لاهله ماله خير بالنااااس انا اقول شرط هالانسان باجر بفيدج بحياتج خلي الامور تسير ومشي حياتج واذا عن اخته انزلي لهم سولفي معها وتقربي لها وعمليها مثل خواتج ولا تقولين عنها شي موزين عنها قدام اخوها وربي يوفقج
هلا وغلا تصدقين بالله انه زوجي نفس زوجج يفضل اهله علي بس شسوي هذا نصيبي بهدنيا وامووووت من القهر بس ماابين له ولا ابين لهله لاني بالاول والاخير بطلع الغلطانه وادور المشاكل حاولي دوسين علي نفسج اكثر صج صعبه وبتمليييييييييييييييييييين بس احسن من الطلاق ومردهم بيعرفون قيمتج وعلي العيال والله ناس شكثر قعدو اكثر من سنتين تالي الله رزقهم لاتستعجلين علي رزقج ولاتتسرعين بقرار الطلاق علي شي تافه ماله معني وانشالله بذن الله يحنن قلوبهم عليج
حبيبتي صبري على ريلج وشوفي شنو السبب اللي مانع الحمل وصدقيني لمن يصير عندكم يهال بيركز بأسرته وبيعطيهم مثل ماعطى أهله من الأهتمام
هو جنتج ونارج لاتخسرين حياتج عشان ولا شي ويعدين انتي اذكري محاسنه وصفاته الحلوه وحبي اهله كانهم اهلج حاولي حتى لو كانو هم مايبونج ابدي انتي بالخير والله يوفقج ان شاء الله وييسخر لج زوجج
حبيبتي استخيـــري واللّــه يقسم لج اللي فيه الخيــر يارب بس لاتتعجلين بهالموضوع فكري عدل.. والله يهديه لج ويبدل حالج بأحسن حال,, لازم قعده صراحه,, وتنحط النقط ع الحروف.. وشي جميل انج تكسبينه وتكسبين أهله بطيبج بس ماتتوقف حياتج على بس(ارضائهم)!! هذي بروحها مشكله هم غير شغله يعني ..بصراحه الله يعينج..
