السلام عليكم خواتي مادري شقول نفسيتي حيييييييييييييييييييييييل تعبانه ودموعي اربع اربع:emoticon_U: وام يوسف الكويت ماقصرت معانا فادتنا بتجارب اللي جربوا اكل النفاس والردادات والحمدالله الكل استفاد عظم الله أجرج يالغاليه والله يأجرج في مصيبتج ويخلفلج خيرا منها وعسى ربي يعوضج بالحمل يااااااااااااارب بأقرب وقت وعسى ربي يرزقج بتووووووووووووووووووووم ان شالله يارب يصبر قلبج ياقلبي واحتسبي الأجر عند الله والله يجعله شفيع لج انتي وابوه يوم القيامه ونفس ماقلتلج لاتلومين نفسج انتي مالج شغل اللي الله كاتبه بيصير ياقلبي والحمدالله على كل حال ماتدرين وين الخيره يا ام يوسف وانتي مره مصليه مسميه وخايفه الله مالج غير الصبر والدعاء انه الله يعوضج مادري شقولج لان انا انصدمت اليوم الصبح:emoticon_U:ونفسيتي حييييل تعبانه الصراحه يمكن مااحسنت التعبير او ماكتبت شي اعذريني موقادره كللللللللللللش استوعب والله حدي مصدومه والله يعوض بنت خالتج ان شالله بالحمل يااااااااااااااااارب ويشهد علي ربي اني احبج في الله واني اعزج واني اعتبرج اختي وسامحيني عالقصور:frown:
وبنات لاتنسون تدعون لها الله يشافيها ويعافيها حييييييييييييييل مريضه ام يوسف تطلع من العنايه المركزه وترجع لا إله الا الله الحليم الكريم .. لا اله الا الله العلي العظيم .. لا إله الا الله رب السماوات السبع و رب العرش العظيم .. لا إله إلا الله وحده لا شريك له .. له الملك .. و له الحمد و هو على كل شيء قدير .. الحمد لله الذي لا إله إلا هو .. و هو للحمد أهل .. و هو على كل شيء قدير .. و سبحان الله .. و لا إله إلا الله .. و الله أكبر .. و لا حول و لا قوة إلا بالله .. إلهي .. أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً .. إلهي .. أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين .. إلهي .. إني أسألك من عظيم لطفك وكرمك و سترك الجميل أن تشفيه و تمده بالصحة و العافية .. إلهي .. لا ملجأ و لا منجا منك إلا إليك .. إنك على كل شيء قدير . (ربى إنى مسنى الضُر و أنت أرحم الراحمين ) اللهم اشفه شفاء ليس بعده سقما ابدا..اللهم خذ بيده اللهم احرسه بعي*** التى لا تنام . و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار . و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية عاجلا غير اجلا ياأرحم الراحمين.. اللهم اشفه اللهم اشفه اللهم اشفه..اللهم امين.
هذا موضوع الغاليه ام يوسف بمنتدى 2 اسمحولي حطيت كلامها ابي الكل يقرا ويدعيلهاااا السلام عليكم مشكورين كل اللي سألو عني وسامحوني ماقدرت ارد على وحده وحده بنات حدا ضايق خلقي انا الحين مو مرتبه افكاري مادري شقاعده اكتب بس داشه بفضفض لاني تعبت من اللي فيني للحين مو مصدقه اللي صاااار مادري شكتب قاعده بالظلمه وميته بجي اطالع فراش ولدي وابجي سرير ولدي فاضي والطاوله اللي يمي فيها مميات ولدي اقعد اطالعهم وابجي جنطته اغراضه هدومه وكلشي موجود بس اهو مو موجود انا حاشني ضغط بفترت الحمال مادري شلون صار جذي معاي فجأه ياني ضغط كنت احس بصداع ولوعه واحس اني مسخنه صارلي 3 ايام على هالحال كلا مصدعه ونايمه وبعدين لاحظت نفسي وايد ارجع تكرمون أي شي احطه بحلجي رجعه تعبت حيل صداع وثقل وتعب وترجيع قلت اقزرها نوم عشان لا افكر بالثقل بس ماكنت اقدر انام عدل نومتي مقطعه بسبت الصداع اخر شي لاحظت ان ريولي وارمه بزياده ولاحظت فيها بقع كبيره لونها بنفسجي جنها كدمات قلت يمكن من المشي لاني كنت اهلك نفسي بالسوق قاعده اجهز للبيبي ومن كثر ما انا مستانسه ارجع البيت اصور ملابسه واغراضه واوريهم حق بنات التجمع وهم يعطوني رايهم شريتله ملابس جريب ال500 دينار غير الاغراض الثانيه.. شريتله صيفي وشتوي شريتله بدلت عيد قلت بكشخه كلما عجبني شي بالسوق شريته له كلما عجبني جاكيت خذيته ماخليت شي بخاطري ماخذيته حقه حاطتله سرير وشريتله ديباجات صيفي وشتوي و فاشرتله ديباج شتوي على السرير ابي ادفيه من البرد لان المفروض ولادتي بالشتا وشريتله احسن نوعيه ديباجات خذيتله اثاث غالي وشريتله احسن سرير .. خذيتله سرير اللي ينام عليه لين يصير عمره 4 سنين شريتله العاب وايد العاب إطلع موسيقى ألعاب إطلع اصوات واللي معلقتهم على السرير واللي حاطتهم على جنب شريتله درايه وحباسه شريتله هدوم من 0-3 لييييمن 6-9 قلت ابيه يكبر بحضني ابي اجابله 24 ساعه مابي شي يلهيني عنه مابي اضطر اطلع واخليه مابي اروح السوق بعد الولاده ابي اقعد ويا ولدي غسلت هدومه ياحياتي ورتبتهم وزهبتهم حقه حطيتله مهادات وحفاضات وملابس وزهبت جنطته مالت المستشفى حتى سوالف التوزيعات سويتها بإيدي يابنات سهرت يومين وانا اسوي العلب واغلف الحلاو واخذ راي بنات التجمع فيهم كنت حيييييييل مستانسه اني قاعده اسوي التوزيعات بإيدي فجأه وانا اغلف التوزيعات ياني صداع قوي وانسدحت بمكاني تعيزت اروح غرفتي ولمن نمت حلمت ان ولدي مات وهذي مو اول مره فزيت قمت ابجي وحاسه نفسي مسخنه دقيت علي ريلي بستأذن منه اني اروح المستوصف وقالي انا ماخذ السياره بعد شوي امر واوديج ونطرته وانا منسدحه وتأخر علي شوي وله انام كنت مصدعه قبلها بيومين وهذا الثالث ولمن يا قعدني زوجي قتله خلاص تأخر الوقت والمستوصف الحين مسكر مالي خلق اروح مستشفى خلها باجر واقول حق ريلي جيس راسي انا مسخنه؟ يقولي لأ اقوله انا احس اني مسخنه يقولي يبا مافيج الا العافيه بس طبعا انا احس ان راسي حار وهوا مايحس وكنت قاعده اوسوس اقول حق ريلي ان ولدي صارله جم يوم ماتحرك معقوله متن وبطني ضاج عليه؟ وقاعده احاتي وافكر عاد نمت وهمن قعدت معررررررررقه حلمانه ان ولدي مات واقعد ابجي وريلي كان بالدوام ولمن رد الصبح كان تعبان وعلطول نام عاد قمت خذيت السياره ورحت المستشفى اولما دشيت حولوني طوارئ قلت الله يستر ولمن قاسو ضغطي قالولي منو يجي معاج؟ في احد جاي معاج برى ناديه خل يدخل انا اخترعت قلت انا يايه بروحي ليش شصاير؟ قالتلي انتي اللي سقتي؟ قلت ايه ليش؟ قالت وين ها**ند وين ماما وين فاميلي؟ قتلها تحجي شنو فيه؟ قالتلي انسدحي بسرعه بسويلج سونار ولمن انسدحت قالتلي عطيني رقم مال زوج قتلها بيبي فيه شي؟ جان تقولي ضغط مال انتي واااااااااااايد مرتفع لازم الحين تدخلين ولاده قتله بليز شوفي بيبي فيه شي؟ جان تقولي بيبي مافيه حركه قتلها ادري صارله جم يوم مايتحرك يمكن الحين بيبي مال انا صار كبير لان انا ياكل تمر وايد <<< على نياتي احاجيها قتلها اول بيبي وايد صغير الحين انا كليت تمر وايد واكيد البيبي كبر وبطني صار ضيج صح؟ جان تقولي حبيبتي بيبي مافي نبض قتلها يعني شنو ؟؟؟ واحس قلبي انشلع من مكانه قالتلي شوفي انتي قتلها شنو يعني اهو صار كبير صح؟ <<< هسترت قالتلي لا لسه صغير قتلها ابي اسمع نبضه قالتلي حبيبتي بيبي موت انا قمت ارجف ودموعي تنزل احس انشليت قتلها تكفين حركي بطني يمكن يقعد انتي اكيد غلطانه تقولي شوفيه مايتحرك خلاص حبيبتي بيبي موت قمت ابجي واصرخ اقولها بليييييييييييز وديني غرفه عمليات بسرعه سويلي عمليه شيلي بيبي حطيه شيشه يمكن يقعد بليييييييييز تقولي لا حبيبتي خلاص مافي فايده وانا ميته بجي انهرت خلاص موقادره يعني حلمي طلع صصصصصصج ياحياتي ياولدي صارلي جم يوم احلم انه مات .. احس جنه قاعد يعطيني تنبيه وييلي هالحلم جنه يقولي يمه انا مت خليهم يشيلوني من بطنج لا تتسممين وله يصير فيج شي احس اني ظلمته احس انا السبب انه مات يومني حسيت ان راسي يعورني مارحت للطبيب والله علبالي صداع عادي ماااااكنت ادري انه ضغط لو اني رايحه المستشفى جان ما مات جان عالاقل لحقو عليه معني خايفه حيل من القيصريه وكلا اقول للدركتوره مابي قيصري بس بهاللحظه تمنيت اني اضحي بعمري عشان اهو يعيش انا صج ظلمته لا خذيت ادويه ولا فيتامينات ولا شي وبسبت اهمالي صار وزنه صغير ياحياتي ماتحمل الضغط ومات ليتني انااااااااااا اللي مت بداله .. انا حدي كنت منهاره ومومصدقه والدكتوره دقت على زوجي وكلمته طبعا من اول كلمتين اهو انصدم لانه كان نايم فا رقع الخط بويها ويا طاير للمستشفى انا دخلوني العنايه المركزه وانا ابجي اقولهم مابي بطلع <<< خايفه ياخذون ولدي اللي ماتهنيت فيه ظليت يومين بالعنايه المركزه يحاولون ينزلون ضغطي مو قادرين انا بهاللحظه تمنيت الموت .. قلت انشالله اموت ويدفنوني وياه ولا ياخذونه مني يولي فوق ال8 سسترات .. ركبو جهاز تخطيط قلب حاطين خمس دوائر حوالين قلبي ومثبتين جهاز الضغط على ايدي عشان يقيس بروحه كل مادري جم دقيقه ومركبين مغذي 2 بايدي اليمين وبربيش .. وسوولي تحاليل فوريه وطلع فيني زلال نسبه كبيره ويحاولون ينزلون ضغطي مو راضي حييييييل مرتفع قالو مانقدر نولدج الا لمن ينزل ايسو مني حاشهم احباط وقلبوني على جنبي اليمين وخلوني اتشهد وقاعدين يذكروني بالله وانا ابجي وكلماا بجيت يزيد الضغط وويهي ورم وعيوني حمر غفيت وفتحت عيني لقيت امي وخواتي وخواني وابوي وخوالي وبنات خالاتي والكل واقف على راسي انا اخترعت منهم وزوجي داش يصرخ يقولون انتو تلعبون فيها حولوها عالحكومه ابرك والكل متنرفز وكانت حالت توتر بين السسترات واهلي وصار ضيج بغرفت العنايه واللي يقرى علي واللي يدعي واللي يبجي وانا اتشهد وابجي وماسكه ايد امي طبعا كل شوي يطلعونهم ويحطولي تحاميل طلق صناعي ويراقبون ضغطي لان الرحم كان واحد ونص سم وبعد يومين فتح صار 7سم واول مانزل ضغطي شوي وله يولدوني ... ولدوني بالعنايه المركزه مايبون يشيلون عني الاجهزه لمن ولدت قاعده ابجي اقول للسستر ابي اشوف ولدي كانت شايلته ولافته بخرجه زرقه قتلها حطيه على صدري ابي ابوسه واحضه قبلما تاخذونه واهيا تحقرني جان تطلع الحقيره وانا اناديها تعالي ماشفت ولدي تعالي ييبيه بشوفه انا مت وحييت علما ولدته اخر شي تحرموني من شوفته وامسك ايد امي اترجاها تكفين بشوفه بحس اني صرت ام وامي تبجي تقولي شمي االكمام قتلها يمه ابي اشوف ولدي بس حطوه على صدري شوي لا تحرموني هاللحظه وامي قاعده تقمتني بالكمام والله حقدت على امي وزعلت عليها وقاعده ادز ايده اوخرها عني جان تقول للسستر ييبي البيبي يابوه ووروني ياه من بعيد الله ياخذ هالسستر صج بطت جبدي اقولها ماشفته عدل جان تطلع وحقرتني عاد قمتوني بالكمام ونمت وانا ميته قهر ولمن قعدت بعدها قالولي مبروك ولدتي وانا حقرتهم حاقده عليهم وقاعده ابجي ورد مره ثانيه ارتفع ضغطي وللحيني بالعنايه المركزه وامي قاعده على راسي تهديني وتخليني اذكر الله عاد ماطلعوني من العنايه الا بليل متأخر ودوني غرفتي وكلشوي يتابعوني وشوفون ضغطي وخواتي يمي اللي توكلني واللي تشربني عصير وانا صايره جثه مخي مو وياهم مو مصدقه علبالي حلمانه .. قاعدين يوكلوني عشان اخذ حبوب الضغط وكانو بينوموني يومين زياده عشان يطمنون على حالتلي بس انا خليت بنت خالتي توقع وطلعت على مسؤليتي قعدت ابيت اهلي يومين وحدي معصبه وحاقده على السسترات نطرت تقريبا 3 ايام فبيت اهلي جان اروح المستشفى خليت زوجي يوديني طبعا جذبت على امي قتلها بروح عندي كشف على الخياط طبعا لي هاللحظه كان ضغطي 160 يعني حيل مرتفع دشيت عالدكتوره قتلهم ليش خذيتو ولدي؟ شحقه ماخليتوني احضنه واشوفه تراني داشه بفلوسي ياكلاب مو انتو اللي تذلوني وتخلوني اترجاكم .... جان تقولي حبيبتي الولد تعب ومات لانه صغير ماتحمل الضغط اللي فيج وقلبه تعب وانا ماخليتهم يحطونه على صدرج عشان مابيج تتعلقين فيه وقعدت عالكرسي قام ابجي وله يرتفع ضغطي .. قاست ضغطي وقالتلي خلاص انسي لاتفكرين موزين عليج ضغطج للحين حيل مرتفع قالتي بحطج بالملاحظه اسبوع وبحاول اثبت ضغطج اذا نزل يعني عديتي مرحلت الخطر واذا مانزل يعني بيصير فيج ضغط طول العمر والله يا بنات كرهت كلشي كرهت الدنيا كرهت نفسي احس انا السبب ان ولدي مات لاني لمن كنت تعبانه مارحت راجعت وحسبالي عادي .. يا ليت ترجع الايام لي ورى والله لافديه بعمري .. معني كنت محرصه عالدكتوره ان ماتسويلي قيصري بس بهاللحظه تمنيت اضحي بنفسي عشانه اهو يعيش وانا اللي اموت <<< ليتني انا اللي مت بس الحين كرهت الدنيا مابي شي ابي ريلي يوديني العمره وبسكر تلفوناتي واعذروني ماراح استقبل طلبات ولا راح ارد على احد.. ودي الحين ارجع شقتي واشم هدوم ولدي وألمهم الله ياخذهم حرموني منه ماخلوني اشوفه انا للحين مصدومه مو مصدقه تخيلو كلشوي احط ايدي على بطني بتأكد حدي فاقدته فاقده حركته معنه كان يعورني .. فاقده نبضاته .. كنت لمن احط ايدي على بطني احس بنبضاته يابعدقلبي والله اكتبلكم وانا ابجي لمن رحت للمستشفى .. اشوف كل وحده طالعه من المستشفى معاها بيبي حاطته بحضها ولامته وانا الوحيده دشيت مع بيبي وطلعت من غير بيبي والله اطالعهم وعيوني تغورق وقلبي يتقطع وريلي يسحبني يقولي شرايج نروح نتمشى عالبحر يبي ينسيني السالفه عشان ما ابجي ويرتفع ضغطي والحين احس بسخونه ولوعه وادري ضغطي قاعد يرتفع الحين لاني مصدعه وكل اعراض الضغط احس فيها بس بحط راسي عالمخده وبغمض عيوني وبحط ايدي على بطني واتمنى اكون حلمانه وياليت احس بحركه ابطني ويكون كل اللي صار جذب ادعولي بنات الحين مادري شلون بروح شقتي وبشوف اغراض ولدي تخيلو قاعده الحين ابيت امي على سرير النفاس واطالع سرير البيبي فاضي والمميات يمي والاغراض يمي اقعد اطالعهم وابجي شكلي ماراح اكمل نفاس فبيت امي والله اصرف خواتي بليل اجذب عليهم اقولهم طلعو الحين زوجي بيدق وبسولف و ياه خلوني بروحي باخذ راحتي وبس يطلعون اقعد ابجي طول الليل <<<مخنوقه حدي بموت يافرحه ماتمت ااااا
الله يصبرها حييييل تضايقت من هالموضوع لان صار فيني ومن وقتها الله ماكتب لي حمل مره ثانيه الله يرزقج ويرزقنا الذريه الصالحه يارب
يا بعد قلبي يا ام يوسف والله انج قطعتي قلبي وانا اقرا كلامج يا حبيبتي الله يعظم اجرج انشالله ويعوضج خــــير من الي راح منج والله هو الي عطاجياه وهو الي ياخذه ومالأحد اعتراض هذي حكمة ربج ومالج غير الرضا بالمقسوم والله يشوف شي انتي ماتشوفينه صدقيني اكيد الله يبيلج الخيره ومايجوز تأنبين نفسج وضميرج وتقولين لو اني ولو اني ,,, الحمدلله على كل حال والي عطاج يعطيج غيره انشالله وانتي مسميه ومصليه ومؤمنه الله يهداج بس عليج بالدعاء والله ماراح يخيب دعائج صدقيني والله يعـــــــــــوضج خير انشالله ويكون شفيع لج يوم القيامه وتراه طير من طيور الجنه
هلا حبيبتي ام يوسف ربي يعوضج يارب قريبا وعاجلا بالذرية الصالحة . . . ولا تلومين نفسج على اللي صار انا اكثر وحدة تعرضت لمخاطر ضغط الحمل ولا كنت ادري انه ضغطي مرتفع . . . وعلى فكرة حتى ان الصداع ما كان يحوشني بس لوعة غريبة . . . وبالصدفة اراجع والاقي الضغط مرتفع . . . اللي ابيه منج انج تحتسبينه شفيع لج عند رب العالمين . . . وبهونها عليج بقصة وحدة اعرفها 14 سنة ما حملت واول ما حملت بأطفال انابيب وبالشهر الخامس توفى الجنين ! من رب العالمين ومن غير سبب . . . وانتي شباب وان شاء الله بتحملين وبيرزقج ربي ذرية متعافية فلا تكدرين خاطر نفسج بهالطريقة . . . وربي يعضوج عاجلا غير آجل يارب ويصبر قلبج . . .
هاذا طير من طيور الجنه وربي كش جسمي ودمعت عيني الله يصبرج ويقويج بمحنتج ويهون عليج والله يعوضج بالي يشرح خاطرج يا ام يوسف والله حبيتج ياقلبي ولا تلومين نفسج هاذا قضاء وقدر تعوذي من ابليس وهوينها وتهون ماتدرين لو تبشرينا الشهر الجاي انج حامل والله اتمناها من كل قلبي ان الله يرزقج ويرزق كل محرومه ويا اهات الله يقومج بالسلامه ويه*** بشوفت بنتج وربي انج غاليه وحبيبه وتستاهلين كل خير وكل يوم احبج اكثر وكثر عسى الله يه***م بذريتكم ويرزق كل محرومه
ربى يصبرج يا أم يوسف ويجعله لك سبب دخولك الجنه ويا أبوه إن شاء الله. حبيبتى كتير من الحوامل يصير لهم كذى فلا تعذبين نفسج, أحس فيج لإنى حصلى فى بكرى كذى وحسيت إنى أنا السبب لإهمالى . الحمد لله على كل شيئ
لا إله الا الله الحليم الكريم .. لا اله الا الله العلي العظيم .. لا إله الا الله رب السماوات السبع و رب العرش العظيم .. لا إله إلا الله وحده لا شريك له .. له الملك .. و له الحمد و هو على كل شيء قدير .. الحمد لله الذي لا إله إلا هو .. و هو للحمد أهل .. و هو على كل شيء قدير .. و سبحان الله .. و لا إله إلا الله .. و الله أكبر .. و لا حول و لا قوة إلا بالله .. إلهي .. أذهب البأس رب الناس ، اشف و أنت الشافي ، لا شفاء إلا شفاؤك ، شفاءً لا يغادر سقماً .. إلهي .. أذهب البأس رب الناس ، بيدك الشفاء ، لا كاشف له إلا أنت .. يارب العالمين آمين .. إلهي .. إني أسألك من عظيم لطفك وكرمك و سترك الجميل أن تشفيه و تمده بالصحة و العافية .. إلهي .. لا ملجأ و لا منجا منك إلا إليك .. إنك على كل شيء قدير . (ربى إنى مسنى الضُر و أنت أرحم الراحمين ) اللهم اشفه شفاء ليس بعده سقما ابدا..اللهم خذ بيده اللهم احرسه بعي*** التى لا تنام . و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار . و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة المُضطرين .اللهم البسه ثوب الصحة والعافية عاجلا غير اجلا ياأرحم الراحمين.. اللهم اشفه اللهم اشفه اللهم اشفه..اللهم امين.
يا بعد روووحي روووحج الله سبحانه له حكمه في كل شي و احنا ماكو قلووووب قويه الله يلوم اللي يلومج بس لا تصيرين اسيره الماضي احتسبي عند اللي وهبج اياه روح طاهره انتي مالج دنب قدر الله و ما شاء فعل و عسى ربي يقر عينج باالدريه الصالحه بس اهم شي الصبر و الاحتساب و التوكل على الله يا حبيبتي ماكو احد احن عليج من اللي خلقج يا حياتي ... شنو الحكمه من هالشي ما تدرين... روحي العمره و اغسلي قلبج و خليج قويه .... المومن مبتلى يالغاليه و كرري هالدعاء .. اللهم اجعلنا عبيد احسان و لا تجعلنا عبيد ابتلاء .. لا اله الا انت سبحانك اني كنت من الظالمين.. و اكثري من قيام الليل هدا كفيل بان يسير امووورك الغاليه
الله يعوضج حبيبتي وهو يشفعلج انتي وابوة ان شاء الله حبيبتي والله ان شاء الله يعوضج غيرة عاجل ياربي وتفرحين وانتي ماتدرين عن حكمت ربي يمكن خيرة وانتي ارتاحي ولا يرتفع الضغط عندج مو زين والله ان شاء الله يعوضج قريب بعون الله ولاتزعلين حبيبتي ادري شنو شعورج بس اللهم لاعتراض حياتي والله يفرحج بالتوم ان شاء الله
