سلااام حبايبي شلونكم بقولكم على مشكلتي ويلي عندها حل أو عندها احد تعرفه مار بنفس الحال تقولي وتنصحني بشنو ممكن اسوي ... انا متزوجه صارلي 4 سنين تقريبا وداشين على السنه الخامسه المهم مشكلتي ان زوجي عنده ربعه شي مقدس بالحياة لدرجة انه مرات يأجل طلعتي معاه او يأخرها علشانهم ويسهر أوقات متأخره معاهم ولم اقوله امش نطلع مع بعض او نسهر انا معاك برا يعصب ويقولي بنام تعبان او مالي خلق واقوله شمعنه ربعك عادي يعني تسهر معاهم ولك خلقهم وانا لاء يأفاففففف ويحقر ولم أطلع معاه طول الوقت مكالمات مع ربعه وسوالف وياهم بالتلفون حتى لم اكون معاه بالمجمع طالعه او بالسياره التلفون ما ينزل من ايده وانا ادري انه يكلم رفيجه مو يخون ولا شي من هالاشياء بس معقوله يعني هل هالشي طبيعي انه جذي ربعه اهمه اهم شي عنده وما يقدر يفارقهم حتى لمن يكون معاي قرقه معاهم بالتلفون ؟؟ّّ حيرني معاه هل هالشي طبيعي مع كل ريال انه جذي يحب ربعه لهدرجه والله اني قمت اغار منهم احسهم شرايجي
تبين رايي ؟ سوي مثل ما يسوي لمن تطلعين معاه دقي على رفيجاتج وضحكي وكركري معاهم وسولفي ، وقتها بيحتر وبيحس على دمه وبيفلفل من الحره ...برايي وداويها باللي كانت هي الداءُ.
عادي نفس الحاله حبوبه بس انا امخصصه يوم السبت اجباري يطلعني حقي بروحي لو شنو يصير وباجي الاسبوع كيفه ما احاسبه .. حددي يوم قوليله هاليوم خصصه حق طلعتنا لازم نخلي يوم رسمي حق الطلعه .. واذا طلع مع ربعه نصيحه لاتدقين اكثر من مرتين .. انا قبل كنت كل اشوي ادق عليه واسأله وينك ووينك ولاحظت انه يتظايق جدام ربعه كل ساعه غاثته .. بس لما قمت اطنش ولا ادق بروحه قايم يدق علي كل اشوي ويقولي وينج مادقيتي ..؟؟
خصصي وقت لطلعتكم مثلا اخر الاسبوع ووسط الاسبوع خليه لربعه يستانس معهم ولا تنكدين عليه اذا جاء يطلع قولي له روح الله يوسع صدرك بالعافيه او ان شاء الله تنبسط معهم واذا رجع قولي له اشتقت لك خليه بيحس انك مهتمه به و وناسته وصدقيني بيطلعك وبيبسطك واحمدي ربك انه مع ربعه مو مع شراميط ولا مع حرمته الثانيه انتبهي لا تنكدين عليه يهج منك
حبيبتي انتي صارلج 5 سنين انا شقول اللي ماصارلي سنتين ونفس حالتج بس نفس ماقالوا خصصيلج يوم بالاسبوع معاه حقج بروحج وقوليله يصك الموبايل فيه وانتي نفس الشي ويوم حقكم وحق اااليهال وباجي الاسبوع خليه براحته ماكو الاجذيه
والله احس الشباب كلهم يتكلمون بالتلفون لاطلعوا مع حريمهم بس انتي الظاهر مزودها معاج الله يعينج ويهديه قوليله تلفوناتك تضايقني يعني حاولي تكلمينه يمكن يقتنع بالكلام يعني بس باسلوب مو تتشرطين
خصصي وقت لطلعتكم مثلا اخر الاسبوع ووسط الاسبوع خليه لربعه يستانس معهم ولا تنكدين عليه اذا جاء يطلع قولي له روح الله يوسع صدرك بالعافيه او ان شاء الله تنبسط معهم واذا رجع قولي له اشتقت لك خليه بيحس انك مهتمه به و وناسته وصدقيني بيطلعك وبيبسطك واحمدي ربك انه مع ربعه مو مع شراميط ولا مع حرمته الثانيه انتبهي لا تنكدين عليه يهج منك[/
اختي كثير من الرجال يسوون نفس الشيء، لكن في رأي الاخت ديما الكويت عجبني انشغلي بالتليفون مع احد صديقاتك وافضل صديقة مو من الاهل، لكن لا تزوديها شوي بس عشان يحس لكن بدون لفت للنظر كأن الشيء طبيعي، وفي اخت قالت انك لا تدقي عليه وطنشيه جربي هذه الطريقة عشان تثيري فضوله، في بعض الرجال لو احسوا ان الزوجة طنشت شوي هم يركضوا وراها، بس اختي لو حسيتي شيء راح يسوي مشاكل توقفي ولا تزوديها ولا تنسي انك فقط عشان تثيري اهتمامه مو تكبريها.
حبايبي مشكورين والله ما قصرتوا معاي بالنصيحه هونتوها علي واهي ضايجه فيني انشالله بمشي على نصيحة خواتي والله يسخره لي ويهديه يا رب
كلنا بالهوى سوى يا ام علي بس اهم شي خليه براحته بس قوليله يوم طلعتنا خاص حقنا ومالك حق تسوي فيه مشاويرك الخاصه او تطلع ويا ربعك كله يوم واحد بالاسبوع مو وايد لو خصصته حق اهلك واسرتك .. مشكله الرياييل مايحبون القعده بالبيت وعندهم الريال عيب يقعد بالبيت لوول
وتلاقينه يوم الطلعه اللي امخصصينه يطلعلج هوشه من تحت الارض عشان الطلعه تتكنسل رياااااااااااييل تماسيح
