السلام عليكم بنات انا بعطلة عيد الاضحى بسافر دبي ان شالله وهاذي المرة السادسة اروحلها وعارفة الاسواق والاماكن الحلوة بس سؤالي: ابي محلات بدبي فاتحة الحين مو موجودة عندنا؟خاصة ملابس الاطفال؟ وشنو الخلطات والبخور المميزة بدبي؟ ومشكورين مقدما........
انا رحت مجمع دبي مول السرداب كله محلات مو موجوده بالكويت لانهم كلهم مصممات اماراتيات بس شغل حريم يعني عبي دراريع اما عن شغل البيبي ماعندي علم
ياحلووو دبي عشقي والله شوفي كلابس الاطفال اتوقع كل شي موجوود بالكويت بس في شغلاات اللي بالكشكاات اللي بالمجمعاات تلقين بلايز غريبه وحلوووه .. وعندج مجمع ابن بطوطه فيه محل جنط غريبه وتهبل واسعاره مناسبه وعلى مااضن مو موجود بالكويت عاد وين ماادري بس اللي اذكره كان مقاابل محل نفس شكل دبنهامز طريقه عطورا << ماتعرف توصف مشكلتي اني ماالقط اساامي المحلااات .. وهم عندج في ستي سنتر جناط ماركة ايليت وكيلها في الشرق الاوسط موجود في دبي يعني اول ماتنزل الجنااط تنزل هنااك وصج يهبلووون والله وهم اسعاااره حلووه ومميزه .. والخلطات المميزه عندج جنيد موموجود عندنا تاخذين منه عود جنيد والبخوور انا عن نفسي مااحب اخذ الا من المعروووف 100% يعني جنيد الرصاصي الحرمين القرشي والطقه هذي انفر وعنفر مايعجبني حيل ولاعمري شريت منه اتمنى اني فدتج وان شاء الله البنااات يفيدونج ونستفيد منهم بعد احنااا ..
مثل ما قالت عسولا عندج هم للعبي والملافع اسواق نايف حلوه ورخيصه والعطور والبخور الله خير كله صار عندنا موجود حتى جنيد واصغر علي صارت بضاعتهم هني بصراحه دام فيج روحه تمشي واستانسي بالاماكن اما التسوق كله صار عندنا تقريبا
اليهال اخذيها مني وادعيلي .. اغلب المحلات موجودة بس في محلين فتحوهم شهر 7 او 8 واحد اسمه كارتيرز والثاني جيمبري ,, وهم الكشكات .. هذيل اللي اتخمين منهم ..
