بنات عفية قولولي شسوي انا دخول يوم الخميس الياي عشان يعطوني طلق صناعي هل طلق صناعي يذبح يعور طمنوني امانة؟؟:emoticon_U: .. واجازتي بتخلص شسوي والحين ماولدت وانا صاري يومين بالعاشر وتفكير يذبح :emoticon_U::sad_smile:؟؟
الله يقومج بالسلامه يارب >> صراحه أنا عطوني طلق صناعي و ما سوى شي و لا كأنهم معطيني شي يمكن لأني بجر >> ولا تحاتين و لا تخافين و كثري من الادعيه
هلا دلوله الله يهون عليج ياربي وان شاء الله تولدين قبل مايعطونج الطلق ولا تحاتين انا بالثلاث ولادات والله كل طلق لان اخلص العاشر ع قوله امي ولا عاشر ولا شي هذا التاسع والدكاتره حسابهم غلط وتقول سبحان الله الياهل ماينزل الا الشهر التاسع اليوم التاسع وتسع ساعات وتسع دقايق وتسع ثواني ع كلام امي يعني مخلص كل التسعات ونازل هههههههههههه المهم الطلق مايخوف ف المغذي يغزون ابره وتنزل ف دمج اول على شكل تحاميل وبس ويوسع الرحم وماعليج من كلام الناس لان الكلام وايد حبوبه وادعي وشربي ماي زمزم والتساهيل من ربج ادري اني طولت عليج ولا تنسين تدعين لي ربي يسهل ولادتي لاني حامل بتوم هالمره
الله يسهل عليج وتوكلي علي ربج اذا الرحم مفتوح معاج لو سانتي اشربي قرفه وكمون وان شاء الله تولدين بالسلامه
حبيبتي الله يسهل عليج انشاءالله وتطمنينا عنج لاتحاتحين انااعيالي خمسه جبتهم بطلق صناعي بس خل يعطونج ابره بالدرب ولاتأخذين التحاميل لانها تعور اكثر من الطلق العادي والله معاج وادعيلي الله يسهل ولادتي
يعني طلق صناعي مايعور؟؟ لان صج احاتي ومعطيني اخر موعد الخميس ادش المستشفى عشان يولدوني .. مشكورين المرور وانشالله تولدون بسلامة..
كلها جم ساعه وتخلص الولاده وترتاحين ولا تحاتين حلاته تحسين بالولاده وصدقيني واخذيها كلمه مني بس تصحين من البنج راح تنسين الالم كله واذكرج الله يهون عليج ويسهل عليج امين يارب
