مشكلات وحلول الكل يشارك خلنا نستفيد مرحبا بنات طبعا الكثير من حضراتنا تعاني من امور في حياتها الزوجيه او بالمعنى الاصح في امور تنغص عليها حياتها لو نعددها ما نخلص وخصوصا اذا كانت هذي الامور او المنغصات مرتبطه بالزوج ابي كل وحده تقول شنو مشكلتها وخلونا كلنا نشارك بالحل وراح ابدي انا اولا واطرح مشكلتي يعني مثلا انا زوجي دايم بعد ما يرجع من الدوام يقعد بالبيت ما يطلع وحارمني من الطلعه والروحه والرده يبيني كله مجابلته والمصيبه ليته عاد قاعد معاي الا كل الوقت يفرفر محطات الاخبار وخصوصا المحليه طبعا انا بالحاله هذي مو عارفه شلون اتصرف عاد ابيكم يا خبيرات تعطوني الحل وخلنا كلنا نستفيد
موضوعج حلوو بالنسبه لحل اللي عندي لمشكلتج حبيبتي حاولي تغيريين من هالرووتين الللي دوووم يكوون عليه زوجج فكرري بالتغيير اتوووقع تبدين بالتغييير من نفسج وحاللج شوفي لبسج شعرج مكيااجج غيري راح تشووفين التغيير بزوجج واطبااعه... مشكلتي ؟؟؟ اخليها للي بعدي تطرح مشكلتها لاني اعرف حل مشكلتي
صاحبة الموووووووووووووووووووووووووووووووووضووووووع ترى بهالدنيا محد مرتاح بحياتة اللي يقابلها تقول ابي فرقا ولي ماتشوفا تقول ليتا يقعد عندي وهذا واقع انا اقول ونصيحة حمدي ربج ترى نعمة ولا انا يساهر بالدواوين وماتدرين عنا بالعكس الله يخليكم لبعض ونتي غيري جو بالقعدة عشان ماتحسين بالملل ونا اايد قعدتة بالبيت حلات الرجال جذي مو برا وتحاتينا من البنات ولا الربع ولا المصايب هالوقت شوفي انا مشكلتي عكسج بس لين غيرتا اتمنى يقعد عندي ولا مجابل هالدواوين الله يصلحهم مشكلتييييييييييييي ياللي بعدي في وحدة منا قريبة وحاسة بتسبب مشكلة كبيرة بيني وبين زوجي ليش ماادري ودايم ضني بمحلة هل هوا وسوسة شيطان ولا انا جذي ريحيني الله يريحج وماعندي دليل بس ادري بتخرب بيتي من الغيرة حقودة وماتحبني ليش مادري مع اني معروفة كافية خيري شري مالي شغل باحد بس اهيا بدر منها موقف بس تمالكت الموقف وقاطعتها من سنة وحاسة فيها تبي تدبر شي ومو عارفة شلون وخايفة منها اشم ريحة الغدر من بعيد وربي صج خايفة منها وقاعدة اتعوذ من شرها ابي حل يريحني
مشكوره اخت سارونه على الموضوع الرائع انا مشكلتي كبيره زوجي على علاقه بوحده وموراضي يبعد عنها اويمكن تكون هي ماهي راضيه تبعد عنهوعايشه حياتي معه في جحيم واتمنى القى عندكم حل لمشكلتي مع اني حاولت بجميع الطرق القى لها حل ماحصلت اتمنى تفيدوني
حلج حبيبتي تروووحين عند اهلج وتتركين الخااين اما جذي ساكته وقاعده ما يتمادا لازم توصلينه لحده هذا راي واتمنا البنا يفيدونج
والله حاله يارب محد مرتااااااااااااااح شنسوي بهالزمن الوصخ الله يهدي الرياييل ويخليهم حق بيتهم وعيالهم
اولا احب اشكرج هالموضوع الرااااااااائع انا نصيحتي لج احمدي ربج ع هالنعمه اللي انتي فيها انا زوجي اول زواجني كان كله بره البيت وكنت ع قولجج اروح اجي وماخذه راحتي بس بصراحه كل ماسالته يقول دوانيه او بالشيشه الخ كنت ماخذه حريتي بس مو مرتاحه لان تعرفين الربع يخربووون الواحد حتى لو هو صااااااحي بعد مروا الايااااااام صاااااااااير يكره يطلع من البيت كل ماقلت بروح يقول لا قعدي عندي >> مو تارس عينج بس تبين الصج والله احسن احس انه مقابلني مقابلته ولا يخربط بره البيت واذا زهقانا نطلع نتمشا من كثر مو قاعد لاصقه بالبيت مايخليني اطلع كلش صرت انزل لحمولتي واونس نفسي وارد اصعد بس وربي اريح واحمدي ربج والله اختي زوجها ماتشوفينه الا ع وجه الفجر يجي ويحط راسه وينام>>> عايشه معانات فخليه جذي احسن لج وبالتوووفيق
ليش ماتصارحين زوجج بالموضوع عشان لاصار اي شي يكون عنده خبر وان شااءالله يكون ع قولتج وسواااس وادعي ربج ان يبعد عنها ويبعد عنج المشاكل وانتي تقول تركتيها لج سنه لوتبي تسوي سي جان سوت بس تعوذي من الشيطان واذا شفتيها تجنبيها وربي يوفقج مع حبيب قلبج>> زوجج
انا اقول قعدي مع زوجج وفاتحي الموضووع معااه وتقولين اللي خاطرج فيه وتكونين هادئه معاه قولي له انا اعرف انك لك علاقه مه هالبيت وانك......................... كل شي تعرفينه عنه قولي ياولد الناااس اذا كنت ماتبيني قول لي ولا تعيشني اني احس اني احد يشاركك معاي حياتي انا ابيك لي بروحي وهذ من ابسط حقوقي اذا انت مو سعيد معاي ربي يوفقكك معاها بس ماتوقع بتعيش بسعاده لانها خانت اهلها باااااااجر بيجي اليوم اللي تخونك فيه من هالحجي اذا قال هي ماتتركني قول غير خطك اذا قال اوكي معناه موشاريها وهذي نزوه وتعدي واذا عياا قولي اوكي ابيك توعدني انك ماتخوني واذا كشفت خيانه مره ثااانيه راح اروح لاهلي ماتشوف وجهي وروحي لاهلج اذا شفتيه ع الحاله للحين بس انتي تعررفين زوجج وطبعه ترا في رياجيل لاقلتي بخليك بروح يقول قلعتج وماهمه >>>> فانتي شوفي شنو تصرفات زوجج تصرفي بذكاااء معاه وربي يوفقج ويبعد عنج بنات الحرام يارب
صح لسانج والله ماكو وحده مرتاحه بحياتها لازم شي معكر مزاجها بس احنا لو ربي يبعد عن رياجيلنا بنات الحرررررام نكووووون بالف خيرر
السلام عليكم كلكم حبيباتي انا مشكلتي عويصه من عشر اسنين اعاني منها انا زوجي اسلوبه وصخ معاي اشكره يغلط علي بالكلام جدام عيالي وساعات جدام الخدامه يعني يغثني باسلوبه والمشكله اني ما اعرف ازعل ازعل يوم ومن ثاني يوم عادي اطووف مليت وحاليا انا زعلانه من امس وبصراحه ابي يحس فيني ومراح ارضى عنه لانه انا اليوم مريضه وهو يدري اني مريضه ماسأل عني كأني انا الغلطانه شسوي اكمل زعل واشووف شلي يصير تعبت من كثر التفكير وعلى فكره نمت بغرفه بنتي وهجرت غرف نومي عشان ابيه يحس بفراقي هو طبعا ولا همه ! مدري الي اسويه صح ولا خطأ
نسايم حبوبه صعبه ان الزوج يسب ويغلط على الزوجه بغض النظر بوجود الاولاد والخدامه من عدمه بصراحه انا اشوف ان زوجج انسان ضعيف شخصيه هذا الظاهر ان منعدم الشخصيه خارج البيت واذا دخل البيت اظهر رجولته طبعا بالسب والشتم احسن شي سويتيه انج هجرتيه وانا اشوف انج تكلمين احد من عايلته اخوه الكبير مثلا او والده يمكن يعدله ويعلمه شنو لصح من الغلط واذا مافاد فيه خليج بغرفة بناتج ابرك ولا مقابل وجهه
والله ماادري شقول لج بس انا لاغلط علي ارد نفس اسلوووووبه واذا كلمه مااقدر اقولها مثل جب لما يناديني مااارد عليه ماعنه كلامه عااادي بس ماارضى يغلط علي كلش بس بسالج سؤال هو اسلوبه مع اهله جذي يعني مع امه ابوه واخوانه خواته جذي في ريااجيل اسلوبه جذي مايعرف يتكلم الا باسلوب هذا
حبيبتي نسايم دام الرجال اسلوبه جذي مع الكل لا تعورين قلبج هذا طبعه يعني الغلط مو منج وانا براااايي احس المشاكل الزوجيه حلها واحد وهو انج تصارحين زوجج باللي مضايقج من ناحيته وشوفولكم حل مشارك وان ما نفع دوريلج انتي حل يريحج يعني تزعلين طنشين تردين عليه واذا سالج ليش هذا اسلوبج قوليله ارد عليك بنفس اسلوبك تسنع وبتسنع انا قلتلك وصارحتك وما نفع شوفي رده لكن بنصحج وبنصح البنات كلهم .. لو شيصير شيصير هواش زف طق اللي يصير فراشج لا تهدينه يابنات فراشكم لا تهدونه خلكم فيه صدي عن زوجج لو انتي يمه ترا بهالاحظه يحن قلبه اذا شافج قريبه اذا ما صارت اول مره نطري عليه شوي ولا تعودينه بكل هوشه انج بتنامين بروحج لا لا لا ترا الرجال وجودج عنده زي عدمه يعني صيري ع قلبه اتمنى اني فدتج يسلمووو ع الموضوع فديييييتش
وبعد برد ع الاخت دراريع عليا حبيبتي انشالله هالشي وسواس وبيروح انتي تعوذي من الشيطان وعليج انج ترقين نفسج وبيتج واذا لهدرجه مضايقه قولي لزوجج عشان لا سمح الله صار ماصار الا هو عنده خبر ومهما كان اللي بيصير بيشوف الحق معاج يعني سبقيها انتي وانتي قد ما تقدرن تحاشيها والمكان اللي هي فيه افتكي منه ابدى ماعليج نفسج وبيتج فديت قلبج حبيبي لي لحالي .. فديت ردج واسلوبج ع البنات موفقين يارب
حبيباتي انا تعبت لي ألحين خامس يوم نايمه بغرفه بنتي ولا همه امس بالليل حاول يتحرش فيني عرفت مو عشاني عشان يشبع رغباته ولا حس فيني وبصراحه صديته احس كرامتي ماتسمح اذا خلص مني خلاني ما اسوى شي يوم صديت عنه تركني وراح الغرفه وسكر الباب وفهمت من هالحركه كأنه يقول عنج مارضيتي بس بحاول اكمل لي ما يحس انا شكلي بطول على هالسالفه . على فكره هذي اول مره اهجر فراشي لاني كل ما ازعل يوم وارد ارضى تعود حليمه لعاداتها القديمه عشر سنين وانا ادووس على كرامتي وبعدين ؟
اشكرج عالموضوع يقلبي @@ الدنيا ماتخلى من المشاكل وساعات تكرهين نفسج اذا كنتى طيبة زيادة ع اللزوم انا مشكلتي صدمات وايد من زوجي شفتة مع اعز صديقاتي وبينا عيال ومن بعدها انصدمت وتركت كل الصديقات وكرهت الصداقة منه وسكت ولا شكيت الا لربي وكنت احترق وجدام اهلي واهلة اضحك ولا جنة شي صار والمصيبة احل مشاكل الكل وكلهم يحبون يشكولي عن حياتهم وانا احل المشاكل واصبرهم @@والمصيبة الاكبر عقب مارجع لعقلة @@قامت تزورني اختى الله يجازيها ع طول عندى وتشكى من زوجها واعطيها المقسوم واوديها واييبها وماقصر معاها@@واهى اصغر منى وللاسف بالاخير اكتشفت انها ع علاقة مع زوجي @@طلبت الطلاق ماقدرت اتحمل @@لي متى اصبر عشان العيال صج صدمة حياتي تطلقت 3 شهور وردنى يبجي ماكوفايدة عيالي كاسرين ظهري@@الحين عايشة معاه كل واحد بصوب كرهت حياتي وعيشتي حتى اهلي واهلة كرهتهم ماروح لاي مكان كلة بالبيت لين ربي يفرجها والقالي وظيفة والله لا يراويكم حالتي البجى والقهر للحين بقلبي @@والله مالهم امان @سامحوني ع الاطالة بس قلبي متروس والله ويبتي الموضوع يالغلا عالجرح @@ماعندى غير ربي اشكيلة وصج وفعلا محتاجة من يدلني ع الحل تعبااااااانة حدى @@ اسفة ع الاطالة فديت روحكم @@
