السلام عليكم ورحمة الله وبركاته اليوم قررت اكتب قصة حياتي وقصة حب الطفوله اللي محد درا عنها بنات من وانا صغيره كنت احب ولد عمي واموووووت فيه وكنت اذا شفته تطقني ام الركب كبرت وكبر الحب معي وفي يوم منالايام كنا معزومين عندهم في بيتهم وكنت باولي متوسط وكنت جالسه انا وخواتي فاختي اللي اكبر مني شافت في واحد من كتبه اذكر كتاب دين شافت مرسم قلوب حب وكاتب اسمي واسمه انا تشققت من الوناسه بس مابي ابين لهم خصوصا خواته كانوا موجودين انتظرت لما راحوا يتعشون وبعدين اخذت الكتاب وتمقلت من رسمات الحب حقت بيكاسو بعدين شقيت الورقه عشان محد يشوفها المهم راح عمرنا واحنا نحب بعض من بعيد لبعيد عمري ماكلمته ولا كلمني بس سلام ورسميات لما تخرجت من الثانوي جا وبارك لك وقدام النا بس كان عادي هو خلص الثانوي بعدي بسنه لانه كان يصقط وانا دافوره بعدين قرروا يروحون الرياض وينقلون عن ديرتنا انا ساعتها انجنيت وكل يوم اروح فوق السطح واهل دموعي اربع اربع واشغل اغنيه شدوا طبعا محرقه نفسي ولا احد داري عني وفي يوم من الايام تعب وتنوم مستشفي نادتني امي قالت دقي هليه بكلمه انا ساعتها طرت من الفرحه لاني بسمع صوته هو كلم امي شوي وقال بكلمك لاني عند الدكتور وسكر التلفون امي بعدها راحت وانا سنترت عند التلفون استنا مكالمته واتوقع كان متعمد عشان ارد عليه المهم دق ةكلمته وتطمنت عليه وبعدين سكر كنت كل يوم احلم فيه سجلت انا في الجامعه ودخلت قسم تاريخ واهوه بعد كم سنه تخرج ودخل نفس قسمي انا تخرجت واهوا ماكمل دخل شركه كبيره وصار يداوم وكنت مااشوفه الا في الاعياد كنت اشتري ملابس عشانه كنت ماانوم ليله العيد واقعد اتكشخ عشان اذا جانا يعايد امي وابوي ومو كل عيد كنت اشوفه فكانت كل الاحلام تروح بالهوا اذا مر العيد وماشفته تصدقون وحده من خواتي كنت انا وياها دايما مع بعض وننوم في غرفه وحده عمري ماقلت لها المهم دارت الدنيا وخطبني بس واحد من اخواني كلمني قبل لايخطبون وقال ياويلك لو تاخذينه تبون تعرفون تزوجته ولا لا انتظروني لاني والله تعبت ومرت علي لحظات كثيره وانا جالسه اكتب لكم
هلا حبايبي اسفه علا التاخير بس والله انشغلت جونا ضيوف بعدها قعدت اصلح حلا حق اختي بكره بتقهوي المدرسات وسويت لهم حلا شي بس حرام البسبوسه لصقت في الصينيه وماطلعت لانها كانت حاره المهم مالكم بالطويله نكمل قصت حياتي بعد مكالمه اخوي انصدمت صدمه كبيره ماسالته ليش ولا ناقشته سكت ولا قلت حق احد من اهلي لانه ماكان عندنا كان يدرس برا المهم جانا ولد عمي واخوه الكبير لان عمي متوفي الله يرحمه وخطبوني ابوي بعدها جلس يومين ماقال لي شي وانا كل شوي اترزز عنده ابيه يفاتحني في الموضوع بس كاشت فيني انا ساعتها احترت ليش ماقالوا لي ولا خذوا رايي في يوم اباثنين امي كانت جالسه بغرفتها وانا اطالع التلفزيون نادتني انا قلت يابنت جاك الفرج رحت ولا كاني اعرف شي مع اني ناطله اذني عند المجلس وسامعه كل شي جلست عندها وكانت جالسه تخيط ثوب لها احمر وقالت لي الموضوع انا شوي ويطير قلبي من مكانه قلت يابنت اثقلي قالت وش رايك قلت اذا موافقين انا موافقه ولا جبت لها طاري الكلام اللي قاله اخوي وبعد شهر جا اخوي يوم الملكه وتملكت والغريبه انه ماقال لي شي وبدينا نتراسل وبعدين كلمني انا حدي مستانسه وبعد فتره قال ارسلي لي صورتك وسائط قلت اوكي لقيت صوره وحده شينه بالمجله وارسلتها له قلت تراها صورتي بس قديمه شوي هو انصدم وسكت ماقال شي بعدها باسبوع قلت له انو مو صورتي مات ضحك قال انا خابرك يوم كنا صغار وش اللي قلبك وحددنا يوم زواجنا وتزوجنا وكانت احلا ليله مع انا متكلمنا كثير والحين لي خمس سنين متزوجه والحمد لله علا كل شي والله يخلي لي زوجي ولا يحرمني منه بس السوال اللي للحين يقرقع فيني ليش اخةي كلمني وهددني ذيك الفتره وبعدين ماقال شي تهقون اساله الحين واللع خواتي هذي قصتي بالكامل ولا كذبت باي شي ياليت كل وحده تحكي عن حياتها ونفضفض لبعض اسفه علا الاطاله وتقبلوا تحياتي
الله يسعدك ويسخر لك زوجك لك ويسخرك لزوجك ودي اكتب قصتي لكن ماودي تبكون انا بعد تجربتي بالحياه اقولكم انا ضد الحب قبل الزواج لانه دماار للروح
هلا والله اختي الجنوبيه اكتبي كلنا اذان صاغيه بالعكس راح تحسين براحه انا بعد صار في حياتي منعطفات كثيره بعد الرواج بس الشكوا لله وانتي اختي كلي حنان ماودك تقولين لنا قصتك واذا تبين طريقه بسبوستي صدق قولي لانها مرررره حلوه واذا تفاعلنا كثير راح اقول لكم قصه ولد عمتي يوم نشب في حلقي قبل اتزوج وبغي يتزوجني
الله يوفقكم يااارب . . . ولا تسألين اخوج ولا شي . . . يمكن لانه كان ولد عمج شوي مهمل في دراسته وانتي كنتي مجتهدة يمكن . . .
