السلام عليكم بنات كان عرسي من شهر وحبيت افيدكم عن تجربتي وشلون جهزت ومن وين حجوزاتي اول شي كان مهري 5 الاف اولا الذهب : شريت طقم اصفر شوي طويل سبحه كان سعره 890 بشهر 5 الحين مدري كم صار الذهب ورحت لداماس ادور طقم ذهب ابيض ما لقيت شي حلو دخلت على محل لقيت عنده طقم ابيض ب350 وبعته بعد العرس ب150 نزل نص السعر بس حلو انباع وعطيت الفلوس امي لان كانت محتاجتهم بس هالطقمين شريت الثوب :: طبعا كلكم تعرفون الاتيلات شلون غاليه والمحلات اجارهم فريت كل مكان ورحت حريم ما عجبني شي الا ثوب عند عضوه اهني اسمها دنيا الموضه وهم عندها كثير ملابس عرايس بس عجبني ثوب جايبته يديد من لبنان عجبني راعتني بالسعر واجرته منها ب400 ورقمها للي تحب تشوف الملابس اللي عندها 97338337 العطور :: في موضوع سابق على هالرابط كتبت العطور اللي شريتهم صح شريت بخور وايد بس جد احسن بخور نصيحه بنات بخور المميز من الرصاصي والله روعه زوجي يموت عليه لما احط له القرشي اللي اسمه العود الازرق انا كاتبه عنه او شي بالرابط ما يصلح للشقه يصلح تبخرين ملابس وهم البخور الملكي من القرشي حلو والرشوش من الفايز حلووووووووووووووه الدراريع :: نصيحه بنات لا يقصون عليكم الحريم اللي يبيعون والا المعارض كل شي غالي ع الطل عندج العربيد احسن دراريع في خياطين هنود عندهم كتالوجات يصمم لج بعشر دنانير وهم مجمع الاوقاف حلوووو انا صممت عند مره ب100 دينار اخر شي لقيت الموديل بالسوق والله قهر لا ورخيص ب7 دنانير لا والهندي مخيطه احسن منها عشان جذي ما ابيكم تغلطون غلطاتي قمصان النوم :: انا شريت من المنتدى غالي بس طاح بجبدي لما لبسته ما طلع حلوو بس عنج نعومه حلوووو وفي محلات كثيره على 5 دنانير و6 و7 انا زوجي يحب البجايم ما يحب قمصان النوم فطاحوا بجبدي قمصان لا تكثرين كثري الطوال اشتري 10 حق اول الايام عقب قصير مع روب عقب عاد كيفج بس نوعي مو شرط غالي يكون حلو في رخيص ويطلع احلى باللبس حسب تصميمه شلون المكياج :: شريت من وجوه وندمت في شكثر مكياج رخيص وحلوو مثل مكياج منصور وحق الهنود اللون يطلع ويبين وحلوو الجناط :: اشتري 4 او 5 الالوان الاساسيه والباقي كيفج لو مو ماركه بس حلوين النعال تكرمون نفس الشي المسكه :: احترت فيها بس صدفه شفت اعلان بالمجله عن زهور الفيصل بالجهرا واصله عندهم هيكل ويعبيه حيل حلوووووووو والله وحط شوارفسكي ولمعه من عنده كانت مسكتي فوشيه اجار 45 بس روعه جد رقمهم 24562422 او 24562020 مكانهم يم مستشفى العرف مقابل مستشفى الراشد لان العرف والراشد يم بعض المكياج والتسريحه :: بما ان عيوني حلوهواشبه الممثله اللي تحت بتوقيعي قررت ان ما احط اوفر اخترت ميرفت اللي بصالون ساس اسمه حاليا ماي فير ليدي بفندق النخيل 25751408 وتسريحتي عند روعه واكسسواري شريت من محل بروشات شورافسكي صغار صغار على شكل ورده وناعمين حطتهم ع التسريحه اخترت مسكتي تكون فوشيه فمكياجي صار فوشي اذا انتي من النوع اللي يحب الاوفر اختاري نائله واذا انتي تحبين الناعم عندج ميرفت ناعم وراقي مكياجي وتسريحتي وتركيب اظافر ووسمه من عندهم مجانا وامبولات مجانا كله طلع ب235 عدساتي اخترت امل العوضي لان عيوني سود التحديد اسود واللون رمادي بعسلي 3 تون جد طلعت عيني شكبرها وحلوه حتى مكياجي مو اوفر والاسود مو حيل قلت لها تلطخ بس حيل طلعت عيني حلوه وشكبرها بالصور نجي للمصوره :: اخترت زيزي 3 افلام وفيديو ومجله وجهاز عرض هديه وسي دي كله ب200 بس جد زيزي طلعتني حلوه بالصور امس طلعت صوري والله رووووووووووووووووعه يا بنات رقمها 66817192 66628195 والي عندها صباحيه او مسائيه يصير 240 والله البومي مليان حركات وحلوو الصور فوق الخيال جد انا حماتي كانت مصور رتاج بعرسها من سنتين بس حيل الصور عاديه وماكو حركات وبس البومين وفيديو ! لا و500 ليش ما ادري برنامج العروس سويته بصالون حياة بلاس بالجهرا وجلسات عنايه ببشره سويتها من مركز بيوتي اند هيلث حيل انفعوني رقمهم 22621232 وكان في محاولات امتن وفشلت هذا كل اللي اتذكره واي سؤال انا حاضره وانشالله تجربتي تفيدكم اي نسيت اقولكم زفتي شريت سي دي فيه اغنية ورد الجناين للجسمي احلى زفه سمعتها بحياتي شاعر يتكلم اول عقب يرد عليه الجسمي بمقطع ويرد الشاعر يتكلم بعدين يبدى الجسمي يغني رفيجتي انجنت ع الزفه واخذت السي دي لعرسها السي دي تخيلوا كم سعره 20 دينار من مركز فرحة اثنين بسوق الموعد بالجهرا مكتبهم رقمهم 24571520
الله يهنيـــكـ ويخلي اياامكـ كلهاااا سعاادة ويسخرلك زووجك ياااارب حلووو جهاازكـ ماشاااء الله وان شاااء الله بحط جهاازي هووون بالمنتدى اذا قدرتك دعوااااتكم لي
