بنات امي هي سبب تعاستي اي زله تعايرني فيها تنبش بكل شي اعدمت الثقه فيني من كنت صغيره لاطلعه ولاروحه بس قاعده ونتناجرني علاابسط الاشياء وحتى خواتي افتكواوتزوجو تمشي معانا بالدور بالذل والاهانه وغيرنا ترزهم فوق مع اني احاول ارضيها بس ماتساعد تكره الواحد بحياته مليت من العيشه حتى بالشرف تحط وتشكك اخواني وين اشتكي مليت لاتقولون امج تحبج وتبي مصلحتج مااعتقد عليها بنفسها وعيالها وانا تبي تاخذ مني وتعطيهم والله اكره الساعه الي تخلص من الدوام وادش البيت تصك فيني الدنيا اعد لليوم الثاني للدوام بس اطلع مليت من البيت لدوام حتى سوالف مع الناس مااعرف اسولف اشك بروحي اجسهم يضحكون علي وماعرف البس مثل بنات عمي الي امهاتهم عادينم رفيجات لهم وامي ماني عارفه شسوي معاها واذا قلبلها سري والي بقلبي عايرتني بعدين فيه وتخليني اتحسف اني قلتلها حتى اذا قالوا حضن الام تصك فيني الدنيا ودي احس فيه احضنها اضحك انام بحضنها تحسسني اني بنتنا بس راح بنفسي في احد نفسي ولا انا حااااله مع الي اسمها امي الي اقوله ومااحس فيه
لا حبيبتي عادي انا مثل حالتج بالظبط وعاادي طوفي انا من تزوجت واهيا صارت رفيجتي واشكثر تاسفتلي على معاملتها قبل معاي بس شتسوين ؟؟؟
تبقي امج وصدقيني لو يصيرلج شي شين الله لايقوله هي اكثر وحده راح اتضايق بعدين خليج قاعده معاها رتبيلها غرفتها وبخريها ورتبي وكوي ملابسها وحسيسيها انها اغلا وحده بهلكون وشوي اشوي راح تصير رفيجتج حاولي كثر ماتقدرين ماضايقينها وبعد انتبهي لتصرفاتج وحاسبي نفسج قبل كل شي وهي خايفه عليج من الدنيا والله يريح بالج وبال امج وتزوجين
حبايبي مشكورين على ردودكم انا ادري انتساندوني ردكم وكلامكم الطيب بس الشكوى لله انتم على بالكم انه عاديي فترةتهاوش وترد لا الله لا يوريكم هي ماخذة الشغلة عادة انها اذا ماهاوشتني وزفتني فيها شي اليوم ماخذة الشي هذا مع الوجبات
حياتي الله يصبر قلبج حالتج نفس حالت رفيجتي لدرجه انها ماخذه بطاقتها مالت البنك وفوق هذا كله نجره وحكره وتحرش اخوانها عليها حرام تداوم ودمعتها علي عينها لين حاولت تنتحر مرتين استغفرالله بس سبحانه يبدل حال من حال بس تزوجت صارت امها عسل معنه البنت عمرها 21 وتقولها امها انتي عانس ولاتنسين الجنه تحت اقدام الامهات باجر انشالله تصيرين ام وتحسين فيها
الله يعينا انا ام اعيال وماشفت من امي خيرحاسه فيج متسلطه وهي سبب عقدتي لحين احلم فيها كوابيس وانا ببيتي وعند اعيالي الله يسامحها تربيت عندها بذل ماكو رحمه ولا كانها ام
والله ما ادري شقولج بس انا وووووووووووووووايد انجرحت من امي وحمدي ربج ان امج ما تبرت منج نفسي وكل هذه عشان افلوس
الله يعينج ويصبرج أختي وربي هالمشكلة غالبية البنات يعانون منها وماراح ترتاحين إلا لمن تزوحين أدعي ربج أنج تزوجين وتفتكين ويرزقج بالزوج إللي يسعدج ويعوضج
لاحول ولا قوة الا بالله مالج غير الصّــــــبر,, الله يهديها ويحنن قلبها عليج الشّكوا لله أمج جنتج ونارج,, طولي بالج عليها والله يرزقج بولد الحلال اللي يعوض صبرج خير..
صبرك على هذا البلاء هو باب من ابواب الجنة المفتوحة لك وتاكدي بان الله يراك ويسمع نجواك فاحسني البلاء واحتسبي فإن الله لايخيب من دعاه
والله ما ادري شقولج ما اقول غيرالله يصبرج ويهديها واذا شفتيها بيوم رايقه كلميها بهدوء حتى لو عصبت قوليها انتي امي و كلامج على راسي وشنو تبين وانا بسوي لج وانا ابشنو امزعلتج عشان ترضين عني
الله يعينييييينج... اعرف وحده نفس حالتج ولمن تزوجت امها صارت تغار منها اكثر واكثر وتحرش زوجها عليها بعد...
