الريال متزوج وانا اعرفه شنو التفسير

انثى,35,انسه
السلام عليكم ورحمه الله وبركاته حبيبتي ام محمد حلمي هذا من زمان اخر ايام رمضان

شوفي طال عمرك الحلم اني طالعه مع واحد وكان مستضيج,,,,ركبت معاه سيارته ووداني البر ودخلنا خيمه( هذا الريال انا اعرفه واهوا منفصل عن زوجته...وفي نوع من النسجام بينا والاعجاب)
المهم حط راسه علا حضني وقعد يبجي وانا اخفف عنه بعد شويه يت سياره من بعيد ولا فيها مرته وعياله اهوا خاف وفز وركض لهم اناديه ابي يردني سيارتي قالي خلي السايق يردج واختفى معاهم مرته مثل الي المحتني بس طنشتني.....بعدين قامو اهله ايون من كل مكان وانترس المخيم وانا مثل الي انسليت منهم من غير ما يحسون ورحت احاول ادور طريجي برد البيت

وبس هذا الحلم,,,,,الي اعرفه انا هالريال رد مرته توه قريب بس ابي اعرف شنو تفسيره وشنو تنصحيني في لان لين الحين يدقدق علي وانا اتهرب شسوي قلبي يبييه وعقلي يقولي هالمره ما تستاهل

اختي الغالية هذا المنام تحزير من الله لكي والرؤية رساله واضحه
وصريحه من الله عزوجل
فالرؤية تشير الى الابتعاد عن هالانسان وانك لن يكون لكي خيرا معه بل سيضرك
وسيسرق منك الخير ويورطك بامور مالك فيها وسيكون اخر الطريق خساره لكي
وعليكي بالحزر والتفكير بشكل اوعى والابتعاد عنه والله سيمن عليكي بالافضل والله اعلم

الله يجزاج الخير يا رب
وراح اعمل بنصيحتج ان شاءالله
والله انج صاجه الله يعيني ويقدرني يا رب