قوه بنات بنتي اللي توني فرحانه فيها الله كتب ان يكون معاها بوصفار عالي وايد وديتها المستشفى وحطيتها بالشيشه ثالث يوم صار معاها سخونه مفاجاة والبوصفار مو راضي ينزل ويصعد عشان جذيه شكو ان معاها سحايا قالي الدتور خلينا نسحب من ظهرها عينه من النخاع الشوكي اسفل الظهر عشان نتاكد عدل ونبلش العلاج فالبدايه انا خفت وترددت حيل من سالفة ابرة الظهر ولكن فوضت امري لرب العالمين وخليتهم يسحبون وفعلا طلع معاها سحايا بكتيريه والكريات الدم البيضا اكثر من الحمرا وبلشنا العلاج من امس والعلاج عباره عن مضاد حيوي بالوريد لمدة 10 الى 15 يوم انا بس ابيكم تدعون لها بالشفاء واذا وحدة مرة عليها نفس حالة بنتي اطمني عشان اعرف ان في امل ولا لأ لاني فعلا ما ابي افقدها صحيح ان الله عطاني ياها والله يقدر ياخذها بس الامل بالله كبير خصوصا ان مثل هالمرض سمعت ان بعد ماتخف ممكن يسبب لها فقدان السمع اوضعف في نمو العقل وياريت اللي عندها اي معلومه اتفيدني وجزاكم الله خير تكفووووووووون ادعوا حق حصوصه بالشفا والسلامه
لا يا ام ثنيان والله ضيقتي خلقي شلون تخلينها يسحبون منها وهي صغيره كان المفروض تودينها مستشفى ثاني بس يالله قدر الله وماشاء فعل انشاء الله ماتشوفون غير العافيه والله اليوم ماراح انساج على صلاة الفجر صج مااصلي بس الدعاء ينقبل انشاء الله
ياحياتي ربي يفرج همج يارب ويشافيها ويعافيها من كل مرض وترجع لج بسلامه يارب ويصبر قلبج يارب وان شاءالله ماكو الا كل خير يارب والله يحفظها من كل شر والله عورتي قلبي الله يعينج ويقومها بسلامه ان شاءالله
الله يشفيها ويخليها لج وتشوفينها عروس والحمدلله الحين الطب كل ماله ويتطور اطلبي ربج بكل وقت وانتي ام يعني راح تدعيلها من كل قلبج وان شاء الله تتعافاء وامانه طمنينا عليها يارب تشفي حصوصه
لا ان شاء الله ماتشووف شر والله يشافيها ويعافيها امين يارب ويطمن قلبج عليها وتتشافا عاجلا غير اجلا ويفرحج فيها حياتي ما تشوف شر ان شاء الله
إن شاءالله وبإذن الله ربي يشفيها ويحفظها ويبارك فيها، حنكيها بالتمر اختي وبإذن الله تشوفيها احلى عروس
لا باس طهور انشا الله والله سبحانة حنون وكريم وعطوف بعبادة وانشاء الله ازمة وتعدي وانشاء الله لي طلعتوا بالسلامة طلعيها بالشمس شوية مو بالقايلة لا من الساعة6 لي 10 او 4 لي ال5 مساء وانشا الله يشافيها ويشافي جميع مرضى المسلمين ويرزقهم الذرية الصالحة
الله يشافيها ولاتخفين فشافي والمعافي موجود ويسمع دعائج وندائج وكثري الأستغفار وأنشاء الله ما ننساج بدعاء
هلا اختي . . . ربي يشافيها ويعافيها يارب . . . والله ضاق خلقي . . . وفوضي امرج لله وتوجهي له بالدعاء ربج كريم ألحي عليه بالدعاء سبحانه . . .
يااااااااااااااااااااااااااااارب عجل في شفاء بنتي وارفع عنها فأنت أرحم بها مني وانشالله نطلع من المستشفى على خير
توني اقرا موضوعج من زمان موداشه المنتدى سامحيني الله ياجرج في مصيبتج يخلفلج خيرا منها عسى ربي يشافيها ويعافيها ان شالله وتشوفينها عروس يااااااااااااااااارب ماعندي فكره كلللش بس عليج بسورة البقره اقريها على ماي ومسحي فيه بنتج او شربيها منه وتصدقي بنية شفاء بنتج وانا ماراح انساج بالدعاء
الله يجزاج الخير حبيبتي اهات وماقصرتي والله اني كل يوم ادعيلها واقرا عليها وانا معاها بالمستشفى للحين والله يرفع عنها يارب دعواتكم يالغالين
ام ثنيان حبيبتي شلونج وشلون حصوصه طمنينا عليها اشصار عليها ان شالله تحسنت حالتها والله قاعده احاتيها الله يشافيها ويعافيها امين يارب بس طمنيني شلونها؟؟ متى بتطلع من المستشفى؟؟ المسكينه طولت الله يسهل امركم ويشفيها
