بنات لحقوني ولدي مادري شفيه تكفون اللي ولدها او بنتها صار نعاها نفس الشي تقولي ولدي جسمه كله حبوب واااااااااااااااااااااااااااااااااااااااااااااااااااااااااااااااااااااايد وايد وايد كل جسمه وخصوصا تحت اباطه والاماكن الحساسه حبوب صغار وحمر ووايد حيل وايد مادري شنو هذا تتوقعون من الرضاعه الطبيعيه لانه كنت هاليومين مريضه وخذيت بندول ولا من ادوية النفاس تاثر بالرضاعه انا مو دايما ارضه طبيعي مرات ومرات حليب بودره تتوقعون هذا السبب والله اني خااايفه حدي ببجي اهوه عمره 12 يوم تكفون بنات طمنوني وفيدوني واللي ماتعرف شي عن هالموضوع تدعي له بالشفاء واللي تعرف تقولي شسوي شلون اتصرف والله كاسر خاطري رقبته حممممممممممممممممممره متروسه حبوب يكسر الخاطر لو تشوفونه جسمه يخرع من الحبوب الله يستر يارب تشفي ولدي امين يا رب
لاسمح الله لويصير اي شي بالبيبي ماافكر ادش اسال ولا ادق على احد ابدل واروح المستشفى على طووول هذا بيبي موواحد عوود وبالغ الي نسكت حبيبتي ريان روحي المستشفى ولاتنطرين عليه حرام عمره 12 يوم لاتحطين شي احد يقولج عنه من غير استشارة الدكتورر هذا بيبييييييييييييييييييييييييي ياربي شافي صلوحي وعافيه يارب يارب الله يشافيه ويعافيه
أنا أوافق الاخت misszezo في اللي قالته لان البيبي خاصه ما ينسكت عليه ولا أنطر أسال احد خاصه اذا طلع معاه نفس الاعراض اللي قلتي عنها ما راح يصير لي قلب أنطر عليه اخذيه وروحي المستشفي بسرعه عسى ربي يشافيلج اياه ان شالله ويخليه لكم ويبعد عنه كل تعب آمين
توني اقرا الموضوع ركض وديه المستشفى لان احنا موعارفين شنو فيه بالضبط وانتي بعد عسى ربي يشفايه ويعافيه ان شالله طمنيني على ولدج امانه بموضوعنا تجمع النفاس
بنات خرعتوني فوق ما انا مخترعه الحين بوديه الطبيب مع انه ماعنده بطاقه بس عادي بوديه الحين ان شالله مافيه الا العافيه
مافيه الا كل عافيه ان شاءالله وعن الخرعه يلا وديه وطمنينا على صلوحي المزعج الله يخليه لكم يارب ويبارك فيه
الله يشفيه ويعافيه ويخليه انا ماعرف بصراحه بس ان شاء الله شي بسيط ويروح ولا يغير عليكم آآآمين وماتشوفون شر فديتج
مشكورين بنات كل اللي ردو احب اطمنكم الحمدلله والشكر يا رب كنت حدي مخترعه وببجي خفت لا يكون فيه شي موزين بعد عمري امس وديته الدكتور وشافه وشاف الحبوب الحمر اللي فيه وقالي هذا من الملابس الوايد جسمه يحسس من الهدوم والحراره وبعد كان حبيبي حرارته مرتفعه شوي قالي لا تخافين هذا من الهدوم الوايد مع اني ما البسه وايد يعني بس فانيله وبجامه وامهده يعني عادي بس قالي الدكتور ان بشرة ولدي حيل حساسه ماتتحمل الملابس والحر فا قالي اذا نام لا تمهدينه وعطاني ادول للحراره وكريم حق جسمه مرتين باليوم وقالي مو على كل شي اتيين الطبيب لانه هذا بيبي وتلاحظين كل يوم فيه شي لان هذي ثاني مره اروح للدكتور نفسه اول مره رحتله كان عمره 4 ايام ويبجي وايد وقالي عادي وعطاني ماي غريب بس الحمدلله ان الحبوب شوي لونها خف مع الكريم بس اللي بظهره للحين حيل احمر لونهم
كنت برد عليج واقولج من حرارة الملابس والغرفه نفس ولدي الله يخليه لي طلعله حبوب وايد وصغار حيل الله يخليه لج أن شاءالله
يلا زين حمدالله ان مافيه الا العافيه وقولي حق الدكتور ياحبيبي استريح انت شكو اذا ايبه ولا لا كيفي ولدي وانا حره والله مثل كلام الدكتور الي قاله لي ورديت البيت لين اخوي شاف ولدي ولا يقولي انتي وحده ماتخافين ربج ماتشوفين ولدج شلون عيونه صفر قتله الدكتور قالي مافيه شي اشفيك وخبص قلبي بدلت ورحت معاه ومع ريلي طلع ولدي اسم الله عليه بصفاره واصل 18.9 انا بغيت امووت والله كان بصفاره 9.1 شوفي الفرق والدكتور يقولي مافيه شي ردي البيت واخر شي سواله دخول وانا والله بغيت اموت بمكاني اخذوه مني جنه ماخذين قلبي فياحياتي صار ماصار انتي اساسا مو خسرانه شي واهم شي صحة صلوحي بدلي ووديه جيكي عليه
حبيبيتي اخذيها نصيحه مني بعد اللي شفته ابنتي ما اثق باي طبيب ولازم على اتفه الاسباب تركضين الطبيب هذا رضيع مايفهم تدرين انا لو اني بالبيت وارتفعت حرارة بنتي جان عطيتها بندول وخلاص وجان البت راحت من ايديني والبكتيريا مالت السحايا كلت راسها بدون ما ادري بس كان خيره انها كانت بالشيشه وشكو شنو سبب الحراره المفاجاة لها وشكو في البقع الموجوده بجسمها عشان جذيه اذا ارتفعت الحرااااااااااااااااااااره مو زين خطرررررررررررر على الرضيع وعامل الوقت مههههههههههههههههههم جدا مابي اخرعج بس الوقايه خير من العلاج والحرص واجب ومن خاف سلم حبيبتي والله يشفيه لج يارب
ام الثنيان الله يشافي بنتج بس والله خرعتيني انا حدي خايفه الحين تهقين ارووح المستشفى مره ثانيه؟؟؟ خلاص بروح اليوم ليكون ولدي فيه شي وانا مادري يعني اهوه بعد فيه بقع حمرا يمكن يكون شي خطر؟؟ امبي والله حدي خايفه ببجي بوديه اليوم ان شالله يطمنوني مره ثانيه والله طول الليل حبيبي يبجي ولمن اغير هدومه امسح جسمه ابماي يبجي حييل يغشي يمكن يعوره الحمار اللي بجسمه لا اليوم اليوم برووح مره ثانيه مو قادره اتطمن خرعتيني
ياقلبي لا تخرعين ولا شي والدج متحسس من الملابس شوفي يا قلبي سبحيه كل يوم بماي دافي ولا تمسحين جسمه ترا تشيشين الحساسيه ولبسيه تبانه قطن بس وحطي بودره جسم او الكريم مال الطبيب وغسلي اهدومه بصابون اطفال واقري عليه قران وماله الا العافيه
حبيت اقولج ان هم اكل النفاس له تأثير على حليب الام المرضعه يعني وقت اللي تاكلين اكل النفاس يكون مرات فيه فلفل او بهاراته وايد وبعدها بترضعين ولدج را يتأثر ولدج اكيد ومارا يتحمل جسمه او انه يبقع وتطلع حبوب او حساسيه تصير معاه فانتي اكلي ولا ترضعينه من صدرج على طول خصوصا لي كان الاكل في فلفل او بهارات وايد وسلامته ولدج ما يشوووف شر انشاالله ومثل ما قالج الدكتور لا تلحفينه وايد
مشكورين بنات احب اطمنكم انا وديت ولدي لمستشفى هادي مره ثانيه عشان اتاكد من هالحبوب ونفس الشي قالي من الملابس وعطاني لوشن احطه له كل ماغيرتله احطه بكل جسمه والحمدلله من امس لي اليوم شوي خفوو ماراحو بس خفو شوي الحمدلله ان شالله يروحون اسم اللوشن سيتافيل للبشره الحساسه اذا سامعين عنه او تعرفونه
