السلام بنات انا طبعا حدي خايفه لان ولادتي الاولى لعبو فيني المواساه حسبي الله عليهم المهم والحين انا حامل وأبي اهم شي دكتور شاطر ويكون استشاري بليز بنات فيدوني.. وتهقون بعد ولادتي الاولى بعمليه هل ممكن ان اولد طبيعي انا سمعت في ناس صار معاهم جذي فاللي مجربه تفيدني
حبيبتي يصير تولدين طبيعي اذا الله اراد بس لا تخاطرين بس علشان الطبيعي و التساهيل من ربج و دايما ادعي وقت صلاه الفجر والله يسوي الي فيه الخير اما بالنسبه للمستشفيات تو الناس تقررين الحين فكري و شوفي علي راحتج
الله يسهل عليج يارب وتولدين بسلامة مرت اخوي ولدت بجرها قيصريه والي بعده طبيعي والثالث قيصريه الشي هذا من رب العالمين ويارب يفرجها عليج
انا عن نفسي قريت بلاوي عن مستشفى السلام وذم البنات فيه بكذا منتدى بس توكلت على الله وحمدالله لك يارب على كل حال ولادتي كانت زينه ولله الحمد انتي قرري وانتي حره بختيارج
