اولا الحمدلله الحمدلله على الولادة اللي الله سهلها لي ابدا أقولكم قصتي الله عوضني خير بمصيبتي العام توفى طفلي في بطني وانا بالتاسع وكان صدمه لي بس قلت يارب تأجرني بمصيبتي وأخلفني خير منهاوالحمد لرب العالمين حملت مع المثبتات لين وصلت التاسع وانا حاطه قلبي بأيدي أخاف افقد الطفل صار عندي ضغط غير منتظم المهم ترجيت دكتوري الاسطل بأن يولدني طلق صناعي عشان ماأفقد البيبي دخلت المستشفى الاربعاء وجان أتذكر بنتي اللي ماتت وانا انهرت من البجي والدكتوره تواسيني وتطمني على البيبي المهم دخلني ولادة وعطاني طلق صناعي من الساعه وحدة بالفجر لين الساعه سبعه ومافتح الرحم إلاسانتي يعني صار 4سنتي المهم صارت الساعه 9 ونص الصبح بط الدكتور الماي جان يفتح الرحم بسرررعه يعني على 12 ونص الظهر يوم الخميس 4/11 ولدت أحلى الشباب الشيخ عبدالعزيز نزل ومااسمع له صوت جان اوخر الكمام وسال السستر هابيبي موت قالت لا مدام قلت ماأسمع صوته المهم مادري شنو سوت قام يبجي وحطته على صدري وانا ألمه وأبوسه وبعدين قام الدكتور يخيط المهم الله انشاء الله أجرني في مصيبتي وعوضني خير بوليدي حمدلله الولاده الله سهلها مع اني طولت بالطلق ولما شفت وليدي نسيت كل التعب ولادتي كانت بالسلام
الف الف الف الحمد لله على سلامتج ومبرووووك ما يااااج ويتربى بعزكم ياااارب الله يخليه لج ويبلغج فيييه آآآآآآآآميــــــــــــــــــن
الف مبرووووووووووك يالغالية... وربي يحفظه لج... وصدقيني اللي يحط امله بالله سبحااانه وتعالي مااراح يخيب.... وربي يعوض ويرزق كل محرووووووومة....
الف الف الف مبروووووووووووووووووووووووك والحمدلله عالسلامه وقرت عينج بشوفة ضناج الله يخليه لج امين يارب
الله يخليج لج ياااااااااااااااااااااااااااااارب وشفتي اشلون الله عوضج من بنت الى ولد والحمد الله على السهاله ساعات تكون عندي قوه واكون مستعده للولاده بس ساعات يجيني خوف مو طبيعي بس الله يقدرني وقت الصجيه واخليها ع الله ياااااااااااااااااااااارب
ياحياتي الف مبرروك ويتربه عزوزي بعزكم يارب والله يأجرج بلي فقدتيها وطير بالجنة ان شاءالله ومنو ولدج بالسلام انا والدة بالسلام عند د.عمرو عصام
ألف مبروك ياحياتي ويتربى بعزكم ان شالله بس ماقلتي الرحم جم كان فاتح قبل الطلق الصناعي وخذيتي تحاميل ولا على طول بالدريب وكان فيج عوار طلق ولا بدون ألم دشيتي ؟ ادري طولت عليج بس ودي استفيد منج واتطمن حدي خايفه خلصت شهري والرحم 2سم للحين وماكو طلق وبتحطلي طلق صناعي خايفه انه الرحم مايبطل اكثر واضطر للعمليه ادعوليي تكفون وردي طمنيني
