يمدحون بشرتي وشعري والسبب...

السلام عليكم

شخباركم بنات؟؟
إن شاء الله تكونون بخير
أنا ألحين بقول لكم عن الأشياء إلي أسويها وإلي الحمد لله..يوم إستمريت حصلت على نتيجه حلوه..موضوعي هذا أنا حطيته في كذا منتدى.

1- الأشياء إلي آكلها وإلي أشربها:



1- 7 تمرات.
2- 7 من حبات البركه ( الحبه السوداء).
3- السلطه الخضره.
4- حب الرشاد هذا أنا أحطه في الماي عقب أشربه..لأني ما أحب آكله ..طبعاً لازم قبل ما آكله..أكون منقعته في الماي كم من ساعه((حب الرشاد ملعقه واحده في اليوم)).


5- العسل الاسود(دبس قصب السكر) هذا ممتاز يرفع الدم في يوم..أنا أشتري إلي صناعته سعوديه( حلواني إخوان)..تلقونه في الجمعيه((العسل الاسود ملعقه واحده في اليوم)).

6- كبسولات زيت كبدة الحوت شركة سفن سيز .
7- ماي الحلبه..ألحين بتقولون لي ريحه ..لا أنا أشربها كل يوم والحمد لله مافي ريحه..بقول لكم الطريقه..تحطوون جدر صغير فيه الماي وعقب ماتشوفون الماي طبخ عدل..على طول شيلوا جدر الماي عن النار وحطوا حبوب الحلبه(لازم تغسلون حبوب الحلبه قبل ماتحطونها في جدرالماي لأن يكوون فيها تراب) وتغطوون الجدر وتخلونها عشر دقايق عقب تصفوون الماي عن الحبوب..في بنات قالوا لي إن هم يشربون ماي الحلبه بس تطلع لهم ريحه تدرون ليش؟؟لأنهم مايشيلون الجدرعن النار..إذا الماي طبخ..هم يحطوون حبوب الحلبه والجدر لين الحين على النار وهاذي الطريقه غلط.((ماي الحلبه تشربون كوب واحد في اليوم))

8- المأكولات البحريه كلها مفيده: أنا أحب آكل السمك الروبيان وأم الروبيان..الدجاج واللحم آكلهم بس أحب المأكولات البحريه أكثر.
9- حاولوا تشربون 8 أكواب ماي في اليوم.
10- جنين القمح هذا أنا أشتريه مكيس من الميغامارت..تآخذون ملعقة جنين القمح وتآكلونها مع الروب.
11- إكلوا حبة كيوي كل يوم لأنها غنيه بفيتامين c
12- كل شي أسمر مفيد مثل الخبز الأسمر..الرز الأسمر.
أدري ألحين بتقولوون شلوون هاذي تآكل كل هالأشياء..أنا عودت نفسي..وفي أشياء من إلي كتبتها ما أحبها بس آجبر نفسي عشان يكوون عندي شعر وبشره حلويين.



2- قبل النوم لازم أدلك فروة الراس: تشيلون المخده قبل ما تدلكون عشان يكوون الراس مع مستوى الجسم والدم يوصل للراس وتتغذى الفروه..دلكوا لمدة نص ساعه.


3- بعد ماتتسبحوون صبوا على راسكم ماي صحه(غرشة ماي كبيره) حق الشطفه الأخيره.



4- بديت أحط مع الحناء قهوه لاني قريت إن القهوه توقف التساقط..دخلوا على القوقل وكتبوا فوائد القهوه للشعر(أحني شعري مره في الأسبوع).



5- خصصوا صدقه عن الشعر والجسم ككل(( يعني مثلاً تخصصون 10 ريال تتصدقون فيها عن البشره والشعر بنية إنهم يتحسنون بإذن الله))

6- الزيوت أحطها في شعري قبل بس الحين تركتها لأنها سببت لي تساقط..قلت بحط الزيت بس في المناسبات عشان يعطي لمعه زياده حق شعري.

في شي ثاني أبغي أقوله لكم..لين جيتوا تدلكون الراس قولوا (( بسم الله الرحمن الرحيم ما شاء الله لا قوة إلا بالله )) ولين جيتوا تمشطون بعد..أنا أعمل كذا..لأني قريت في منتدى..وحده الله يجزاها كل خير..لها موضوع تقول فيه:

السلام عليكم ورحمة الله وبركاته

هذي لاخلطة ولا زيوت ولاتعب ومجربتها وبعد امي رحمها الله خبرتني عنها

لاني للاسف خبصت بشعري كثير ما خليت صبغات ما جربتها وتفتيح لون الشعر لين وصلت لفترة فيها انعدم شعري وتقصف وقصيته وتوفق عن النمو لكثر ما اذيته بالمواد الكيماوية بس ابي دعواتكم للوالدة رحمها الله
وبعد ما استخدمت التجربة تعالوا شوفوا شعري تغير من شعر خفيف محروق متهالك الى شعر غزير قوي كثيف (( بس الرجاء دعواتكم لامي بالرحمة والمغفرة ))

ناظرتي الوالدة وقالتي بالحرف الواحد تبين شعرك يطول وبسرعة وبدون ما تحسين قالتلي يوم تمشطينه طول ما تمشطينه بعد الحمام او بأي وقت تظلي تكرري بسم الله الرحمن الرحيم ماشاء الله لاقوة إلا بالله وسويت مثل ماقالتي وقسما بالله شعري تغير صار يطول بسرعة صار كثيف صار رررررررررررررررررررررهيب قولوا ماشاء الله تبارك الله وعلى فكرة طلعت امي تسوي هالشي كل مامشطت شعرها (( وهذا السر انه شعرها كان طويل لين الركب حتى يوم وصلت للستين من عمرها )) بدون هم وخلطات ووصفات وبس

ملاحظه: النساء الحوامل يستشيرون الدكتوره قبل ما يآكلون أو يشربون أي شي

ترى هذا الكلام مو منقووول أنا كاتبته وربي شاهد على كل كلمه كتبتها..أنا ما يهمني إنكم تردون المهم إنكم تقروون وتستفيدون..وإن شاء الله شعوركم وبشرتكم تحلوا وتصير مثل ماتتمنون..اللهم آمين ​

لا إله إلا الله محمد رسول الله

ربي يعطيج العافيه ويجزاج خير ان شالله

الله يعافيج حبيبتي ويجزيكي ويجزي الجميع كل خير إن شاء الله

الله يعطيج العافيه يالغلا

جزاك الله خيرا قلبوو

مشكوره قلبي ..~

حبايبي إن شاء الله تستفيدوون من هالموضوع

الله يعطيج العافيه ويكثر من أمثالك

حياتي إن شاء الله تستفيدوون من هالموضوع

جزاج الله خير صج خوش معلومه مشكووووووووووره

السلام

مشكورة حبيبتي

انا لعبت بشعري الحمدلله على كل حال

والحين ان شاء الله بهتم فيه

جزاك الله خير

هلا اختي . . .

مشكورة وما قصرتي . . .

وربي يرحم الوالدة ويحسن مثواها يارب . . .

لكن حاول تبتعدين عن الرشاد تراه حار على الارحام . . .

يسلمووووووووووووووووووووووو

جزاج الله ألف خير حبيبتي

ماقصرتي ويعطيك العافية

يسلمــــــــووووووووووو

مشكوووره يا الغلا

مشكوررررررررررررررررره اختي

الله يعطيج العافيه ويتم عليج صحتج بس نصيحه لوجه الله انتبهي من عيون الناس اقري على روحج والله يمتعج بالصحه والعافيه ويوفقج يارب وتسلمين على النصايح وياعل كل شي تاكلينه عافيه