خواتي اني كنت اعاني من تكيس مبايض وتعالجت عنه وزال بس الدوره ما انتظمت شسوي واني ابي احمل وكل شهر احاول مايصير حمل لان ما عرف احسب موعد التبويض لان دورتي مو منتظمه وش الحل؟
انا سمعت الدكتوور عبد الباسط السيد يقول لانتظام الدوره الشهريه شرب البردقوش وهو عشبه تاخذيها من العطار ادخلي في النت ع خلطات عبد الباسط كمان في خلطات للحمل هو ذكرها ادخلي عليها
حبيبتي اذا الدورة مو منتظمة انسي تحملين لازم تنتظم عشان يصير حمل تصدقين انا فيني تكيس بالمبايض وقالتلي الدكتورة يمكن ينزل بالدورة قالتلي تعالي بعد الدورة افحصج وطنشت انتي شلون تعالجتي منه
هلا اختي ربي يعاافيج يااارب شوفي اول شي ضبطي الدورة وفي جهاز لقياس مستوى الاباااضة lh طبعا قبل نزول البويضة يفرز هالسائل والجهاز يكتشفه ونسبة نجاحه بالتسعينات تلاقينه بالصيدليات متوفر سعره 5دنانير و800 فلس وتبدئين تستخدمينه أول ما تنتهي دورتج الشهرية لغاية 12 يوم كل 12 ساعه تستخدمينه ولازم وانتي بكرامة تحبسين البول لمدة 4ساعات -ربي يعينج بهالبرد - لكن قبل كل شي ضبطي الدورة عند الدكتورة وربي يرزقج بالذرية الصالحة المعافاة
نصيحتي لج روحي حق الدكتور فوزيه القطان وبأذن الله بتعالج المشكله اللي فيج ومجربتهاا وحده من اهلي والله يرزقج الذريه الصالحه
حبيبتي اشتري جهاز كشف التبويض يكون نفس طريقه جهاز كشف الحمل يعني وانتي بكرامه بمجرى البول يصير داخله 5 حبات وانتي حسبي من اول يوم تخلصين الدورة تعدين 13 يوم بعدين تبلشين تسوين الاختبار ويفضل الصبح لانه يكون البول موجود بجسمج لفتره طويله اذا طلع خطين يعني اليوم يكون تبويض وتكثرين فيه الجماع واذا خط معناها مافي تبويض ويفضل حق الحمل الطريقه العاديه بالجماع يعني تكونين انتي تحت يعني نايمه على ظهرج وفاتحه لانه احسن طريقه يوصل القضيب الى اقرب نقطه حق البويضه واذا حابه تستشيرين عياده انصحج بدكتورة سلوى السيد الرفاعي بصراحه عجيبه وانا ارتاحلها واايد وخليييت كل اهلي ومعارفي يروحونلها وحبيبتي كثري من الادعيه حق نفسج وانشالله تتوفقين
السلام عليكم ورحمة الله وبركاته حبيبتي انا نفس حالتك عندي تكيس بس الحمدلله حملت وابني هلئ عمر سنة واربع اشهر يعني ممكن و طبيعي جدا يصير في حمل دام نزلت الدورة في احتمالية للحمل يعني لا تيأسي وتوكلي على الله والله يرزقك بالذرية الصالحة
حبيتي انصحك بالبرقدوووش واستمري عليه الين ماتحسين ان الدوره انتظمت والله وحده مجربته وماشاءالله الحين حامل وانا وحده مثلك الحين اشرب البرقدووش في اليوم مريتين والله يرزقك ويرزقني والمسلمات بالذريه الصالحه
والله انا طريقتي يمكن تفيد ويمكن لأ بس انا امشي على كلام الكبار بالعايلة بس ماتييلج الدورة شوفي جم التاريخ وحسبي بعد 6 ايام منها يعني مثلا تييج 5 من الشهر زيدي عليها 6 ايام يعني بداية التبيويض تبدي 11 من الشهر الياي .. ويمكن ماتفيد لج عشان وضعج الله يساعدج ويسهل عليج وان شاء الله اكون حامل هالشهر .. ادعولي
اختي اوصيج على دكتورة فعلا شاطرة وامينة واسعارها مناسبة وغير عن بره آنا بحكم تجربتي معاها اسمها الدكتورة خيرية السالم بعيادة رويال كلينك نهاية الدائري الرابع مقابل مطافي السالمية رقم العيادة 256511060 روحي لها واخذي معاج كل التحاليل وان شاء الله خير
اختي الغالية انصحج بشرب مغلي المرامية ماشاءالله واااايد حلو حق تنظيم الدورة ينظم لج من اول ويديد الله يرزقج من حيث لاتحتسبين
