انا يابنات متضايقه واصله حدي زوجي حبوب ويحبني ويسمع كلامي بس مو دايم وهو ملتزم بس فيه احد يوزه علي وانا ابي اعرفه كيف اخليه مايرد عليه اناطيبه بس عصبيه يعني اسكت اسكت واذا انفجرت ماتعرفين وش يطلع مني اناعندي ولد عمره سبع شهور هذاك اليوم تهاوشنا اخذه مني وداه لااهله وقالي روحي لهلك جيت ابي اخذ مالابسي قال ماتاخذين شي هذاحلالي وفضحني عند اهلي طلع القديم والجديد واذا زعل مايحترم احد ابي حل وش اسوي معاه:emoticon_U:
لاتقولين تكفووون اطلبي عزج انتي في بيتج الثاااني وبين خواااتج الغاليات والي ماراح يقصروون معاااج اولا توضي وصلي ركعتين وادعي ربج انه يسخره لج ويحببه فيج ويبعد عنكم النفوس الرديه الي تعكر عليكم جو حياااتكم وثاانيا اقعدي مع زووجج اذا كان رااايق وقوليله احنا بينا عشرة عمر ولد الله يخليه لنا غيرنا يتمنون ولد معاااق قوليله ليش نضيع حياااتنا بالهواش والزعل الدنيا حلوه ليش مانعيشها باحلى اللحظااات خل الهم والزعل والهوااش ورى ظهرك محد راح ينفعنا الدنيا فااانيه ودقااايق معدوده وكلنا عابرين سبيل ليش هالهم الي كبر الجبااال تونا في بداية حياااتنا توه عندنا ولد وصااايرين مثل الجهال اقولهم افتن شكو يروح لهلج ويقولهم الاول والتالي عنج ويفضحج والمفروووض يكون سترج وغطاااج بس اظن انه زووجج عقليته صغيره وانتي بيدج تربين وتروضين الرجال لاتقولين رجال كبير طول بعرض شلووون اربيه مهما كبر الرجال يبقى مثل الطفل يبي حنااان وعطف وكلمه حلوه ودلع لاتقولين ماااقدر احنا يالحريم نعرف النون ومايعلمون اذا ماتعرفين تعلمي شلووون تتعاملين مع زووجج ويمكن التقصير منج انتي راجعي نفسج لاتعيشون بنكديه وكل واحد يخسر الثاني على اسباب سخيفه وعذر اقبح من ذنب ويضيع ولدكم ويكون ضحية زواجكم ترى هالزمن يخوووف امسكي زووجج وبيتج واحرصي عليه وحاولي مع الصلاة والدعاااء انه ربي يصلح مابينكم والمره مالها غنى عن الرجااال هو سندها وعزوتها والله يهديكم لبعض وانشالله اني ماقصرت معاااج يالغاليه واذا تبين شي انا بالخدمه
يابعد عمريوالله انا ادلعه بس اشوي واطفش وزوجي مايطلع مقابلني ليل ونهار وبس نايم اذا قلتله امش نطلع يقول خلينا انقيل شوي واذا بغيت ازعله اقوله امش ابغى اروح لهلي اكره ماعليه يوديني لهم يغار من اخواني من كل الناس
شوفي ياقلبي مافي حياه تخلي من المشاكل اللي يصير هذا والزعل والمشاكل هذي يسمونها ملح الحياه لابد منهاوبعددين كل حياه زوجيه يبيلها مصارعه من الطرفين ويبيلها صبر وتحمل خاصه ان معاج ولد خلاص حاولي تحافظين على حياتج واكثري استغفار وراح تحسين بتغير بحياتج واذا حسيتي انج تعانين حيل دخلي احد من اهلج او اهله بس بشرط يكون كبير وحكيم والامور لازم تتاخذ بهدوء وركاده وفكري في ولدج قبل كل شي في نقطه احس مالها داعي انه يغار من اخوانج شدعوه شسالفه لازم توقفين له حد بالشي هذا واتمني لج حياه سعيده والله يوفقج ويكتبلج الخيره ولاتنسيني بالدعاء واحنا الحين بالعشر ذي الحجه كل شي فيه مضاعف الاجور والدعاء ان شاءالله ربي يقبله واسفه على اني طولت وربنا يوفق الجميع
الله يهديه احس انه مومتفاهم والبنت ماعندها الا هلها يعني وين تروحين استغفر الله حاولي تقعدين معاه وتتفاهمون بكل صغيره وكبيره وبجو رومانسي وكلميه بحنيه لعله وعسى يفهمج والله ييسر امورج ومبين عقله صغير دام تقولين لمه اتهاوش معاه ياخذ ولدي يوديه لهله حمدلله والشكر الله يصبرج والحياة ماتخلا من المشاكل
حبيبتي العصبيه هي اللي دوم تدمر الحياة الزوجيه نحن الحريم لازم نحاول نتمالك اعصابنا لابعد الحدود لاننا لازم نفكر بعيالنا وبحياتنا والاستقرار لازم تقعدين معاه وتتفاهمون ولازم يكون لج اسلوب وطريقه علشان تقدرين تقنعينه والله يوفقكم
كثري من الاستغفار في وحده جذي كل ما زعل زوجها وطلع تقعد تستغفر وااااااايد بنية انه الله يهديه ويرده لها من غير زعل والله زوجها من يرد بأقرب وقت يقولها انتي شمسويه اييني شعور يخليني ارضى وارد ولا اقدر افارقج .. قالت له الاستغفار ترى الاستغفار شي عجيب والله .. ونصيحه بسيطه حاولي تقعدين معاه وتتفاهمين بالكلمه الطيبه من غير نجره صدقيني اذا يحبج بكلمتين حلوين طيبين منج يرد مثل قبل واحسن بعد حاولي تتفادين اي شي يضايقه الله يخليكم لبعض ان شاءالله
