السلام عليكم اشلونكم ياسيدات الكويت ودي اقولكم مشكلتي انا وزوجي نطلع من شقه اللشقه وكل شقه مانقعد فيها الا ثلاث اربع اشهور سته بالكثير لان لكل شقه سبب ينفرنا منها والحين اقنع زوجي نرجع نعيش عند اهله موراضي وانا اذا عشت عند اهله حالفه اني امسك ارضي وما اطلع من الشقه الا ابد الابدين الااذا طلعت لنا ارض ابي حل ادري اهو تعب من النقل حتى انا تعبت بس عاد انالي اسباب قهريه معذبتني مقدر اعيش بروحي لازم عند اهله ونا ماعندي الا ولد وبنت بس اهو رافض ليش مادري علما ان خالتي ام زوجي تنحط عالجرح يبرى ومالها شغل باحد ودها بجيتنا بس هو الله يهديه ودي بطر يقه اقنعه فيها واحنا ماعندنا الا ولدين سنه ونص والثاني ثلالث شهور ادري بتقولون حمدي ربج ناس تتمنى تتطلع بس انا صعب اعيش بروحي صعب تحسفت اني طلعت منهم حيل ندمانه
حبيبتي يسعدني إني أول وحدة أرد عليج يالغالية الرجال مايمنع إنج تروحين تعيشين عند أهلة إلا لأسباب مافية أحد يعرفها غيرة بس سؤال إذا ممكن وأنا أقول شنو تسوين .. هل عندة خوان متزوجين؟؟ وعايشين في بيت العايلة أو لا..؟؟ ومرتة الاوليه مطلقها أو ميته ...؟
الريال فيه طبع العزه ولمن يطلع من بيت اهله خلاص يعتمد على نفسه و مايبي يكسر عزته لمن يطلع ومايقدر يستقر بعدين يرد بيت اهله .. عشان عزة نفسه مايبي يرد .. ولازم انتي تتفهمين هالشي فيه من غير ماتكلمينه ابهالشي .. بالعكس اهو يبيج تستقرين معاه اكيد بس عاونيه وصبري لاتضايقينه شوفوا لكم شقه في احد البيوت السكنيه اللي تشوفونها مناسبه لكم .. واذا كلش قولي حق خالتج تكلم ولدها بس تحلفينها انه ماتقوله انج اللي قايله عشان ما يزعل واذا هم مارضى خلاص لا تضغطين عليه بالعكس خلج مرحه وعاونيه وهونيها عليه الله يسهل عليكم ان شاءالله ..
حبيبتي مثل ماقالت لج الإخت ويتنج إن الرجال عندة عزت نفس بس دامة وحيد اهله إشلون طاوعه قلبة يطلع وخلي أمه انت دخليلة من باب حبج لأمة قولي أمك صارة مرة كبيرة وبروحها بالبيت تمل فخلنا نروح عندها نسليها وأنا بدير بالي عليه وشوفي والله يسهل عليكم تقبلي مروري
