هلا ريان فديتج انا بخير وروووووووووووووووون الحلوهياويلها مني ماتخليني انام وتبجي ههههههه وانا ابجي واتحلطم انتي والنونو شلونكم شخباركم فديتكم
قوة اهات شلونج حبيبتي شخبارج وشلون بنيتج الله يخليها بالنسبه للغازات ماجربتي تعطينها يانسون مال الاطفال يريحها او ماي غريب بس لاتكثريلها وانشالله تصير احسن وبالنسبه لتحاميل بيتادين منو مجربهم لأني انا الي اعرفه ماكو شي احسن من المره اهيا الي صججججج تنشـــــــــــــف عدل وعن تجربه يعني يعني مع تحاميلج هم انصحج تجربين المرة وانا شكلي ماراح الحق على تجمع نفاسكم هذا :| لان ولادتي على 4|12 تكونون طلعتو الاربعين
هلا اهااات والله والله مثل حالتي بالضبط هوه يبجي بليل وانا ابجي معاه وازفه واتحلط هههههههههههههههه بس يلله شنسوي بس ينام يكسر خاطري ادري انه في شي اماذيه عشان جذي يبجي يحلاته بس بنتي الكبيره عمرها سنه وتسع شهور الله يخليها لي اذتني يننتني من الغيره صارت تبي تشرب حليب بحضني تقلده وتبي تنام بحضني وكله تبي تلعب بالبيبي تبي تحطه بحضنها وااااي والله صايره عياره وشيطانه وماتنعطى ويه يحلاتها الخايسه بس كله لازقه بويهه وتبوس فيه لووووول انتي شلون اوضاع بنوتاتج مع الصغيره في غيره؟؟
هاي شلونكم؟؟ انا صارلي ١٩ يوم الحين وقبل امس اتصلت علي رداده فلبينيه وجتني ودهنتني وسوت لي كاسات هوا ولما طلعت حسيت اني خفيفه ومستانسه ان عظامي ما تعورني .. بس نمت وقعدت ثاني يوم احس رد الحوض يعورني وريولي بعد .. يعني الرداده شي ضروري؟ واذا ضروري منو يعرف وحده زينه .. انا مدحولي ام جاسم وام عليو اثنيناتهم مو فاضيين ،،، الخياط نفس ما قالت اهااات خياط حكومه ،، انا ولدت بمستشفي الفروانيه .. والخياط للحين ماطاح استغفر الله مليت من الحكره والادويه والعوار .. غير حمووود اللي ما يتسلط علي الا بالليل ،، وطول النهار نايم فديته ... باجر العيد كل عام وانتو بخير
هلا حبي الله يقويج فديتج انا وبنتي بخير انا اعطيها يانسون وماي غريب وهم ماكو فايده>>تبجيهههه انا بجربهم بعد جم يوم تحاميل البيتادين ايه المره ماستغني عنها لو شنو من تزوجت وانا رفيجة المره هههههههههه تهبل الصراحه انتي شلونج شخبارج عسى ربي يتمم عليج ويهون عليج ياااااااااااااااااااااارب هلا حبيبتي احنا نكسر الخاطر انا بنتي الكبيره 3سنين و4شهور لاغيره ولاشي بالعكس تلعب انها امها ورووون بنتها وهم اهي كبيره عادي يعني اما الوسطيه سنه و4شهوركاسره خاطري تحبها وتبوسها وتلمها بس هم قامت تتدلع وتقعد بحضني وزادت بشرب الحليب ومرات تطقها جنها ماتدري انا حاسه فيج بالنسبه للغيره تعبنا تعبنا والله خخخخخخخخخخخ ربي يخليلج العوده والنونو فديته
هايات قلبووووو ولهنا عليج كل يوم دشوا التجمع يامهات وياحتى اللي ماولدوا خل نسولف شوي انا يبتلي رداده يمكن كان لي 12يوم رداده صينيه من معهد جانا وناسه حيل ارتحت ايه انا اعتقد الرداده شي ضروري معني مايبتها ابنتي الثانيه بس حاليا ارتحت تدلك وتهمز وناسه يمكن المكان اللي يعورج هذا في هوا؟؟ واي وناسه خخخخخخخخخخ يعني اناوياج نفس الشي على الخياط انا بعد يومين يصيرلي شهر وماطاح تخيلي لازم يفكون العقد ويجرونه من داخل اللحم والله يعين عالعوار انا خيطي لونه اسود وانتي؟؟انا طاح بس خيطين الباجي مايصير الا اهم يشيلونه اذا ماطاح مني لي الاربعين بروح اشيله بخاص شسوي لان بتعذب من عوار شيلة الخياط وحمودي فديييييييييييييته اهو وباجي اليهال يتسلطون علينا بليل هههههههههههه وانتي بخير وصحه وسلامهامواااااااااااااح
اهاااات يحلاتهم بنوتاتج بنتج الكبيره جنها بنت اختي روانوه حلاتها عمرها 4 سنين كله تساعدني على البيبي ومسويه روحها اهيه اللي فاهمه وبنتي هم كله تطقه جنها ما تدري ههههههههههههههههههههه والله هذاك اليوم ماسكه ايده وفاقصتها واهوه يبجي شفتها جان اصرخ اقولها لاااااااااااااااااااااااااااااااااااا جان تبجي بجي الله لا يوريج جنه اهوه اللي معورها مو اهيه يمه العياره اذبحتني زاايد دلعها بشكل كبير ديزيرت روز ......... بسالج انتي مو قلتي جنه بتولدين عند دكتوره بريتي بالهادي اذا مو انا غلطانه شلي وداج الفروانيه؟؟؟؟ لا تقوليلي حمود مانطر مثل بنت اهااات لوووووووووووووووول لا صج انتي اللي كنتي ناويه عند دكتوره بريتي؟؟؟؟ ليش رحتي الفروانيه ماكتبتي قصه ولادتج؟؟ وااي صج اني قرقه اف تعبت لووووووووووووووول
قوه بنات حبيبتي آهات اعذريني تأخرت عليج بس والله متلعوزه مع هالثقل والمحاتاة مادري اصدق الدكتوره وادخل تحطلي صناعي ولا انطر وحدي تعبت والله ربي يعين بالنسبه للخياط رحت مستشفى الجهرا جان يزفني الدكتور والله العظيم يقولي شنو الي يستدعي تجين الطوارئ روحي المستوصف والمستوصف اهم الي قالوالي روحي الحوادث هالحجي لي تقريبا 37يوم نفاس رديت مأيسه ومثل ماقلتي احس نبت لحم على الخيوط تدرين منو شالهم ؟امي الله يحفظها عندها خبره خفيفه بسوالف الغرز وماشاء الله عليها اللهيخليهالنا سنعه وايدها فيهابركه وماحسيت بشي بس كانت كل يوم تحط علي خلطه اسألها لج شنو هي لاني ناسيه تهبل لاني لعوزت التهب الجرح ومارضى يصكر لين قعدتلي قعده سنعه كل يوم تنظف الجرح وتحط مرتين الصبح وبالليل والحمدلله على كل حال مع انه للحين ذابحني لانه خياطهم من الاساس غلط
هلا اهات انا الحمدلله بخير كل اموري تمام بس تقريبا صارلي 13 يوم بالتاسع وودي اولد مااطول وايد لأن تعرفين شهر 1 امتحانات اخر الكورس وانا ودي اولد عشان اكون طلعت الاربعين اخر الكورس بس مادري عادي اشرب خروع ويانسون وحلبه عشان يسوي الطلق ولا مو زين؟؟!!! لأن انا سمعت ان يفجر الرحم اذا ماكو طلق صج؟؟ وقاعده امشي من بداية التاسع واكل تــــــــــمر
قوه آهات سألتلج امي تقول مره ومباركه بس المباركه تحطين شويه وتحطين عليهم زيت زيتون وماي شوي وتطبخينهم راح يصير مثل المرهم وتخلينه لين يبرد وتستخدمينه عجيب مره وحده والله يقومج بالسلامه ادعيلي الله يسهل علي
هلا حبيبتي دوم يارب تكونين بخير عسى ربي يهون ويسهل عليج الولاده شربي حلبه الحين وكثري تمر واكلي اناناس طبيعي وشربي عصير اناناس وامشي على تراب البحر وتحركي بالبيت وايد لاتقعدين عرفتي وشربي يانسون ودارسين وهالسوالف لا ينفجر الرحم ولا بطيخ حجي فاضي انا ولدت ماشالله 3مرات وماصار شي خروع مادري مانصحج فيه اكثر اللي جربوه لوعه وترجيع واسهال بدون طلق والله اهم شي الجماااااااااااااااااع مع زوجج اقسم بالله هالشي 40% ساعد انه رحمي ينفتح كان مايقربلي يمكن اسبوع وشي لما يقربلي ايني الطلق واتعذب والله وشغليعلاب توب سورة مريم سبحن الله قبل لا اولد بيوم وثاني يوم بليل قاموا يحطون على قناة القران سورة مريم والله اسمعها وانا نايمه وايني الطلق 3يوم انا والده وشغلي سورة البقره يوميا ابيتج وادعي ربج وتصدقي لو بمبلغ بسيط بنية سهولة الولاده هالنصايح لكل اللي ماولدوا:teeth_smile:
آهات حبيبتي فديتج والله اشتقتلج الله يتمم عليج انفاسج على خير ديزرة ريان شلونكم شخباركم الله يعينكم على الجهال بهالفترة ادعولنا الله يهون علينا ونولد على خير
هلا وغلا اهاااات حبيبتي والله انا خياط لونه اسود بعد .. واليوم شفت خيط طايح .. الحمدلله شكله بدا يطيح . بالليل امس وايد نظفته وحطيت معقم غسول وحطيت مره خليتها ثقيله نفس الطين والحمدلله فاد معاي بدا ينشف وطاح خيط ... جربي .. وانا مو عارفه سالفه التحاميل قريتها عندكم،، وااااي اخاف احط تحاميل احس بيعورني ... انا الحمدلله تمام صرت بس عوار ظهري وعظامي مادري ليش يزيد .. كنت استعمل حليب اس 26 لحمود وكان متعذب من المغص بعد عمري .. واليوم اول يوم استعمل حليب نان .. ريحته وطعمه وايد حلو . احس بدا يرتاح عليه ، اذا صار زين عليه بخليه او ارده للحليب القديم .. وسالفه السهر بالليل مستمررررررررره .. والله اقول لريلي لما اطلع الاربعين ابيك تستلمه بروحك ابي اعوض ايام التعب واناااااام طمنونا عليكم قولولنا اخر اخباركم
هلا ريان اي انا كنت اراجع عند الدكتوره بريتي كومار بالهادي بس حزت الولاده طلعت متاخره بعد ما نزل الماي وانا مو عارفه ان ولاده رحت الفروانيه لانها اقرب لبيتنا واعرف دكتور هناك ضبطني يا حليله عساه الجنه انشالله والحمدلله ولدت عندهم بعد ما عصبو علي ههههه عشان ناطره كل هالوقت زين ما ولدت بالسياره . وخياط الدكتور وليد زين وايد يمدحونه بس مشكلتي مو راضي يطيح للحين . والله قصه ولادتي ما كتبتها للحين . لهيت مع حمودي ومع العوار والناس . اكتبها انشالله
بنات انا بعرف اشلون اعرف اذا تنفست عدل ولا لا... انا اول نفاسي كل يوم اشرب حليب وحلبه علي الريوق . وعالغدا شوربه مع فلفل اسود واشرب اعشاب امي تعرفهم... وماربطت بطني احس يعورني ويضغط من تحت مادري شلون اوصف ..وبعدين خليت الحلبه وصرت اكل تمر مع رشاد وقهوا وانا اموووت بالقهوا من زمان ..واكلي قليل منسده نفسي مادري ليش.. اليوم انا لي ٢٥ يوم ومودايم اربط بطني .. يعني يوم اي ويوم لا ... بس بعرف متي اقدر اسوي حمام مغربي ؟؟؟؟ عادي الحين؟؟ باجي ١٥ يوم ونااااسه واااي قرقت وايد
حبيبتي دزرة روز فديتج والله مشتاقة للسوالفج الله يتمم عليج انفاسج يارب والله يخليلج حمودي وتطلين عروس بعيون زوجج
