المره عشان ما يتلتهب مكان الخياط ((الجرح)) من العطور لان وحده اعرفها ماكنت تحط مره والتهب الجرح وخيطوها مره ثانيه وقعدت 20 يوم فوق الاربعين لان بنص النفاس التهب جرحها
الله يعينى صراحه كلشي ممنوع عاد انا لما تجييني الدوره النفسيه زفت ؟مع هذا ممنوع كل الي في نفسج تاكلينه و الي تشربينه ووووووووواي عذاب ...:sad_smile:
ابي اعرف هل ممكن تتسبح الوالده ثاني يوم من ا بعد الولاده ولا لا ومتى تقدر تتسبح؟؟ وبعد عندي اساله كثيرة كم يوم لازم تلبس الملفع اسبوع اسبوعين وهل تنام فيه بعد وهل تقدر تلبس ملابس النوم العاديه ولا لا !!!! واذا تذكرت اساله راح ارد اسال ومشكوره على الموضوع المفيد
حلو الموضوع واحب اضيف شغله انا سمعت ان عصير البرتقال الفريش موزين مادري هل هالكلام صحيح والا لا ؟؟اهم شي اللهوم والاكل يكون حار لا تاكلين شي بارد او تشربين شي فيه ثلج ...
اي عادي تقدرين تسبحين بنفس اليوم بعد بس لازم تدفين نفسج والملفع تلبسينه طول فترة الاربعين الا وقت النوم طبعا ماتلبسينه والبرتقال الفريش عادي بعد اسبوع من الولاده بس بدون ثلج اكيييييييييد
يعطيكم العافيه على هالموضوع بصراحه استفدت واايد وانشالله على ما اولد اكون عارفه كل شي ادعولي بنات الله يسهل علي ولادتي والله يقومني بالسلامه
أنا أستغرب ووايد لما يقولون شي ممنوع وشي عادي شهالحياة سبحان الله هالأجانب يحملون ويولدون ولا خراب ولا شي شلووووووووووووووووووووون ما ادري اصدق منو ولا منوو أحترت ..!!!!!!!!! شسوي بعمري
ليالي البنفسج حبيبتي اذا ماتدرين تصدقيييييين منوووو جربي الحالتين عشان تصدقين نفسج احملي وبأول ولاده عيشي نفس الاجانب وشوفي نفسج بيوم طلعتج وبعدها احملي وسوووي اللي قلنا عليه وشوفي نفسج اهني راح تكتشفين بنفسج وتصدقييييييييييييييين
مرااااحب بنات...الباذنجان ابعدوا عنه موزين للنفاس..(الحلتيته) تلقونها عند العطار زينه حيل تحطين قطعه صغيره في فنجان القهوه وتشربينها مع القهوه يوم وترك هي فيها ريحه بس والله زينه للنفاس..اذا جعتي اكلي تمر معفوس بالرشاد والحبه السوده مع القهوه او الحليب ..الباميا ابعدوا عنها بعد ...(المحلب)يابنات فظيع تنقعينه مع المره والمقله وعلك لبان وعنزروووت شي عجيب تحطينهم بطل ماي صحه وتنقعينهم وتشربين سكانه مرتين باليوم.. واذا تذكرت راح ارجع..جـــــــاااااوااات....!!!
يعطيكم العااافيه علا هذا الموضوع بس بنات من وين تاخذوون ادويتكم مالت الانفاس امانه كل وحده تكتب وين تاخذ ادويتها عشان نستفيد وعني شخصياً رفيقتي توها طالعه من نفاس وتمدح ام خالد خبيره الاعشاب تقول اقسم بالله انها احسن مره اطلعت فيها من النفاااس وانا ان شاءالله بجربهاااا...
