انا حبيت اكتب لكم عن تجربة وعن استشارة دكاترة مميزين اهم ادوية لازم تاخذينها وانتي طالعة من مستشفى الولادة. وراح تحسين ان نفاسج عدى بدون مشاكل ( مغص , التهابات خياط وغيره , تكسر عظام والالام) وغيره من معاناة النفاس. ولا تخافون هذي الادوية جميعها طبية ولا يصح ان تستغني عنها اي والدة: 1- مضاد حيوي ( اقمنتين) تاخذينه من تولدين لاسبوعين 14 يوم _ مرتين يوميا- عشان ما يشم خياطج ( بعطوراتج وعطورات وبخور الحريم) ولا يصير عندج التهابات ولا مضاعفات بعد الولادة. 2-حبوب الحلبة ( فيتولات)-مرتين يوميا- لانها تدر الحليب وتغ*** عن الحلبة العادية وطعمها وريحتها فتاخذين فايدتها لحليبج وزيادة ادراره وعشان يقوي جسمج وعظامج. 3- حبوب( اولفين) المسكنه 100 مرتين باليوم بالاسبوع الاول- بعدين مرة باليوم لليوم العشرين واذا حسيتي نفسج اوكي وزينه قطعيها قبل العشرين يوم يكون احسن :عشان ما تحسين بالمغص والالام والخياط ابد تقومين وتقعدين ولا كانج والدة 4- حبوب الفحم النباتي- 3 مرات يوميا بعد كل وجبه- عشان تلين بطنج وما يحوشج امساك من عجين النفاس وتشيل الغازات والانتفاخات والهواء اللي يكبر كرشج اذا اهملتيه - وعشان بعد ما يتاثر خياطج يعني يصير خروجج ماي ما ياثر على الخياط وتحسين نفسج خفيفة بدون هواء ومغص. 5- حبوب (هير فيت) مره يوميا بعد ما تقطعين المضاد والمسكن عشان ما تكثرين ادوية على معدتج وهي ممتازه عشان ما يتساقط شعرج وتتطلعين من نفاسج شعرج لمعه ويهبل وكثيف وطويل بس استمري عليها بعد لمدة 3 شهور وادعيلي. بالنسبة للخياط : 1- استخدمي غسول البابونج الطبي على المنطقةالحساسة كلها كل ما تدشين الحمام تكرمين لما تطلعين من نفاسج. 2- استخدمي كريم activun tube :ممتاز للخياط لمدة عشر ايام 3 مرات يوميا وبتلاحظين 4 او 5 ايام بدون مبالغة ان الجرح ما عاد يعورج. قبل طلعة نفاسج بخمسة ايام حطي تحميلة بيتادين مرتين يوميا لمدة خمس ايام. عشان تنظفج من الماي والوصخ ويوم طلعتج حطي بودرة قبل الجماع ب 3 ساعات انا مجربتها وبتردين بكر وتضوقج وهي بودرة ام يعقوب ذكرتها بموضوع اخر بنفس المنتدى . وما ابي اكتب رقمها عشان ما تقولون تسوي دعاية لها انا اتكلم عن نفسي . بس اذا عندج شي غيره يضوق حطيه الا تحاميل البوثيل وبودرة الشبه اللي الحريم يبيعونها. ولا تخافين اذا كنتي موملتزمه بادوية نفاسج او وحدة ما تهتم باكلها مع اني ما انصح بجذي بس هذا حالي وحال كثيرات من البنات الحين اذا مشيتي على هالطريقة والله على ما اقول شهيد. وشكرا هذي نصيحتي لكل نفاس تبي نفاس روعه ومريح بدون مشاكل وازعاجات والام وتبي ترجع مثل ما كانت بعافية وصحة
اوووووووووووووووووو سوووووووووووووووري حطيت ايقونه غلط شالسافه ليش هالايقونه طلعت بوجهي انا اخترت ايقونه ثانية شسالفة هالويه الاحمر بس يالله حصل خير انشالله اهم شي ان الموضوع عدل وما فية خطا انشالله.
مشكوووووووووووووووووووووووووووووووووره الاميره بشاير اسفه انا صج بدائية بس صج خووووووووووووووووووووووش ايقونه
هلا حبيبتي مشكوره ماقصرتي انا حاليا صارلي شهرنفاس وخياطي ماطاحللاسف كنت ناويه عالخاص نفس ولاداتي اللي قبل بس الماي نزل علي بغزاراه وانا بالسيراه وااقرب شي لبيتي مستشفى الفروانيه وسيده رحت عندهم الحمدالله لان لو متاخره شوي جان ولدت بالسياره فشنو خياط الحكومه خيط اسود مو نفس الخاص ومادري شلون لازم يشيلون العقد مالت الخياط ويجرون الخيط من اللحم والله يعين عالعوار
مشكووووووووووووووره اختي واهم شي ابي احسن شي اخذه عن الخياط اكثر شي احاتيه مابي احس بعواره بعدين اشلون ؟
مشكوره حبيبتي بس بصراحه الي شدني الحبوب مالت الشعر لان شعري تعباااااان مره وحده حملتين ورى بعض والله خير ماكو اهتمام بس عاد يفيدون انتي مجربتهم ووين احصلهم
يسلموووو خواتي اهات الليل وام المها ومسحوره وام جروح عالردود وبالنسبه لاهات الليل اختي الخياط ما له شغل حكومه وخاص بصراحه له شغل بالدكتور وانا دكتوري ماجده هم خياطها اسود وتشيله على 30 يوم ووالده كنت بدار الشفا بس انتي جربي كريم activun tube اللي ذكرته وصدقيني بيلتئم بسرعه ويطيح الخيط ولا تحسين باللالم وهالشي انصح فيه الاخت مسحوره ولازم المسكن ليما جرحج يبرا عشان طول نفاسج مرتاحه تاكلين وتنامين وتستقبلين الناس ولا يحوشج اكتئاب النفاس اللي اساسا سببه الالم والمغص واللي يسد نفس الوالده عن الاكل. وبالنسبه لام جروح حبوب هير فيت عجيبه انا مجربتها قسما بالله شعرج يرجع لعافيته وما يتساقط وتحسين بلمعه بس التزمي فيه 3 اشهر حتى بشرتج واظافرج تصير حلوه والحبوب هذي اخذيها من الصيدلية وشكررررررا
هلا حبيبتي مشكوره فديتج انا رحت قبل امس الفروانيه قالي الدكتور الخياط تحت الجلد مادري اللحم مافهمت شي قلت شيله قال اهو يطيح بروحه شلون مادريولما شفته عدل صج اشوف الخياط تحت طبقه خفيفه من الجلد قلت بروح اجيك عليه بعد جم يوم بخاص لان طلعتي بعد اسبوع من النفاس وفيني شكثر خياط وعقد
حبيبتي اهات الليل دام الخياط مو ملتهب ويعورج يعني انشالله ما كو مشكله والخيوط والعقد اللي باينه ما منها ضرر بس مكثرين عليج الخيوط بس انصحج بالكريم وهو راح يطيحهم باقل من 4 ايام انشالله لكن اذا ظلت الخيوط روحي شيكي مره ثانيه عند دكتور ثاني واحب اطمنج اختي ان اذا طلعتي من نفاسج والخيوط موجوده ما منها ضرر وبتطيح من اول جماع ... بس هذا مو معناته اذا الخيوط طاحت ان الجرح بيتبطل ..... لا حبيبتي هو التئم بس هذي خيوط زايدة.
ويه ياعمري عسى عيني ماتبجيج فديتج والله ماقصرتي وايد فدتيني قلت بعد جم يوم بروح خاص بشوف شسالفه الخيوط يايشيلونهم او انطر شسوي ايه موملتهب ولا شي اخاف يصير جماع حتى لو اطلع من الاربعيناخاف يعورني الخياطاذا ماطاح؟ مابقى شي ان شالله واطلع من الاربعين بعد 6 ايام باذن الله وحده ظايق خلقي مو نفس كل مره لان الخياط متعب نفسيتي جنج تدري اخاف لاصار جماع حتى لو الخيوط طاحت اخاف يتبطل الجرح لان موعارفهاول مره جذي ابناتي ال2 موجذي؟؟ادري اذيتج سامحيني يالغلاااااااا
حبيبتي آهاهات طالعة من الشر مقدما ياعمري وبالنسبة للخياط الدكتورة بالعارف لما ولدة اكتبتلي المطهر البيتادين السائل من داخل بني ومرهم الميبو والله روعة وبسرعة طاحة خيوطي ولا شد على وسلامتج
اهات يا حياتي لا تحاتين ولا شي انتي حطي تحاميل بيتادين خمس ايام مرتين يوميا قبل طلعتج ولا تحاتين ومشكورة ام المها على المشاركة وانشالله بميزان حسناتج تطمينج وردج على اهات الليل
كريم الخياط تستخدمينه من اول يوم ولا متى بالضبط!! وغسول البابونج من وين احصله ؟؟؟ وهل يحتاج الادو يه وصفه طبيه او لا ؟؟
رديت لكم ومعي كم سؤال ادري اذيتكم بالاساله انا سمعت اني الي تستخدم المره ما تستخدم المضاد الحيوي لانه المره تعتبر مضاد ولا انا غلطانه؟؟؟ يا ريت تجاوبوني اساله صج محيرتني!!!
اختي نار وشرار بخصوص الادوية جميع الادوية اعتقد ما تحتاج وصفه طبية ما عدا المضاد الحيوي الاقمنتين الا اذا حنيتي عالصيدلاني بيعطيج اياه. وبالنسبه للكريم تحطينه على خياطج من اول يوم ولاده وبالنسبه للمره اي نعم تعتبر مضاد حيوي طبيعي بس لانه اعشاب ففاعيليته اخف من المضاد الحيوي الطبي واذا اخذتيهم مع بعض ما يصير كل واحد يبطل مفعول الثاني عشان جذي انصحج اخذي المضاد الطبي اقمنتين
اختي نار وشرار بخصوص الادوية جميع الادوية اعتقد ما تحتاج وصفه طبية ما عدا المضاد الحيوي الاقمنتين الا اذا حنيتي عالصيدلاني بيعطيج اياه. وبالنسبه للكريم تحطينه على خياطج من اول يوم ولاده وبالنسبه للمره اي نعم تعتبر مضاد حيوي طبيعي بس لانه اعشاب ففاعيليته اخف من المضاد الحيوي الطبي واذا اخذتيهم مع بعض ما يصير كل واحد يبطل مفعول الثاني عشان جذي انصحج اخذي المضاد الطبي اقمنتين
