للقضاء على زفرة الدجاج..نهااائـياً

السلام عليكم ..

شفت هالطريقة بالنت وعجبتني .. قلت افيدكم فيها


********



طبعا الكل يتحسس من شي اسمه زفرة دياي وساعات لما تروحون عند ناس معزومين عندهم و تاكلون من ديايهم تحسونه زفر وتلوع جبودكم والسبه زفرة الدياي

شي اكيد انه في ناس ديايهم مافي زفرة وناس ديايهم فيه زفره

وعلشان جذيه راح اقولكم على طريقه للقضاء على زفرة الدياي والله العظيم وقسما ما اجذب عليكم لا ريحة ولا طعم زفره
وراح اكتب لكم خطوة خطوة وهي كالتالي :-

1- الدياي او الدجاج يكون ماركة رضوى او الوطنيه او فقيه واذا كنتو تبون تسوون مجبوس دياي يعني كبسة دجاج اختارو الدياي الي يكون حجمه صغير وزن 700 او 800 جرام واذا كنتو تبونه حق سندويش يعني دياي مسحب اختارو الي يكون حجمه كبير وزن 1000 جرام

2- تطلعون الدياي من الفريزر وتخلونه حتى يفك شوي من الثلج بعدين تقطعونه بعدين تغسلون الدياي بالماي عدل بعدين يفرك بملح ثم يفرك بطحين بعدين تغسلونه بالماي مره ثانيه بعدين تنقعونه بشوية ملح وخل ابيض تقريبا ربع كلاص للديايه الوحده اذا كانت كبيره واقل بشوي اذا كانت الديايه صغيره والنقع لمدة ساعتين وبعدين الساعتين نغسلها عدل بالماي

3- الحين المرحله الاخيره الي هي السلق يسلق الدياي بماي بدون اي اضافات بس ماي وعقب ما تطلع الزفره على الويه تشيلونها وتغيرون الماي يعني تحطون ماي يديد وتحطون المطيبات المعتاده من بصل ورق غار دارسين وغيره واهم شي ولا تنسونه تحطون جزره وحده لانها تعطي ريحه ونكهه حلوه

والباقي عاد عليكم تبونه مجبوس تبونه سندويش دياي مسحب بس اهم شي عقب هالخطوات الثلاث ما تشمون ريحة زفره ولا تحسون بطعم زفره وممكن الاكتفاء بالخطوات 1و2 حق الدياي بالفرن يعني انتو وتتبيلتكم المفضله عقب هالخطوات

واقولكم وبكل ثقه اعتمدوها وانا ما اكتب شي ولا اتعب نفسي الا من شي واثقه منه تمام الوثوق ​

مشكورةةةةةةةةةةةةةةة

من اشم زفرة اشيل ايدي ي بهدووووووووووء

تسلم الأيااادي

^
^

هلا والله ام عبدالله ..


معاج حق والله

عاد اذا تطبخين جربي هالطريقة . . وايد زينة،و مشكورة ع المرور حبيبيتي

طريقتج حلوه والله ،،

ماقصرتي يعطيج الف عافية ..

الله يعافيج عزيزتي ..



مشكورة ع المرور والمشاركة

مشكوره على هالمعلومه

مشكوره ويعطيك العافيه على المعلومه انا معقده من هالسالفه
لدرجه اني مااكل شي من برا بالدجاج عشان الريحه
وطريقتي انا بعد التنظيف بالماي الحار والملح اني اخليه اتقلب بالزيت والبصل ليما تتشقر والله تروح كل الزفره البصل مهم للريحه والنكهه الحلوه

نفسسسسس طريقة الوالده الله يحفظها لنتظيف الدجاج

معلمتنا عليهااا

بالغسيل ما نستخني عن الثوم والليمون والخل ويلحقه الطحين

و ودعي الزفره نهائيا

يعطيج العافيه على هالنصااايح

مشكوووووووره

ماقصرتي ياقلبي انا بعد مع الخل أمسح الدجاجه بكركم يقطع لزفره

الدجاجه قبل لا تنطبخ .. لا زم تفج عدل مدل من الثلج ...

بعدين تغسلونها وتشيلون الشحم الزايد اللي يصير لونه أبيض ..

ترشونها بملح و خل و فلفل أسود .. و تخلونها مدة لا تقل عن نص ساعه ..
و عقب تغسلونها .. و تطبخونها بالطريقه اللي تعجبكم ..
و بالنسبه للخطوه اللي تقلين تغلينها بماي لمن تطلع زفرتها ... بهالطريقه راح تنزل كل الفوايد من الدجاجه ..

و تصيرين تاكلين ألياف أو فلين خالي من أي قيمه غذائيه ..
الأفضل غنج تغلينها مع المطيبات مثل البصل و الثوم و البهارات .. و إذا شفتي شي أبيض طافح على وجه الطبخه تشيلينه ..

نصايح حلوه مررررررررررررررررررره تسلم يدك عمري

["]مشكوره وماتقصرين[/size]

فدييتج على الطريقه السهله ذبحنا الدياي على قولتج الاصح دجاج بالزفره جزاك الله خير

مشكوره ياقلبي على وصفه

العفو حبايبي ..



واشكركم ع المرور .. وجربو هالطريقة وادعووولي

يسلمووووووووووووووووووووو

حبيبتي .. مشكوره عالمعلوومه بس انا شايفه انكم واايييد معقديييينها

انا طوووول عمري من تعلمت الطبخ وانا انظف الدياي بالملح والقرفة .. القرفة اهي اللي تسحب ريحة الزفرة ===> قرفة البودرة طبعا
لو تحطين القرفة على الدياي ربع ساعه .. غسلينها واتحداج اذا قدرتي تشمين ريحة الزفر .. والله العظيم انه يشيل الزفرة ومايخليج تتعقدين من الدياي وتنظيفه

نصيحة مني لكم .. والله لو تبون شي يريحكم .. او اذا كنتي مستعجله وتبين تطبخين .. ما عليج الا بالقرفة والملح .. والله العظيم ربع ساعه وتلقين الديايه ما فيها اي ريحة زفره

اول شي تغسلين الدياية زيين وتشلون عنها الشحم وتنظفونها من الداخل .. وبعدين تحطون اول شي الملح وتوزعونها بكل الديايه وبعدين القرفة .. تحطونها عالديايه وتوزعونها .. وهذي الطريقة الانسب

واللي تجرب طريقتي .. يا ليت تقول اذا نفع وياها او لأ

تقبلي مروري حبيبتي واسفه على اطالة الموضوع​

يعطيك العافيه اختي

يعطيج العافية

ما شاء الله عليكم افكاركم حلوة ومفيده وايد بصراحه
اشكرج يا اختي nemo انج فتحتي الموضوع