السلام عليكم ورحمة الله وبركاته في البداية انا حبيت افتح لكم قلبي عن سر خطيرررر محد يعرفه حتى امي واهلي.. اقسم بالله العظيم قصتي حقيقية وما فيها مبالغه وحبيت اسردها لكم اولا حتى ارتاح من هم وجبل مثقل صدري وثانيا عشان تكون لكم عبره. تبدأ قصتي عندما كنت صغيره في عمر 8 او 7 سنوات لا اذكر . كانت امي جالسه مع جاراتنا في بيتنا وكنت العب وامي تحسب اني مو منتبهه عليها وما افهم,, فاذكر ان وحده من جاراتنا تكلمت عن وحده بنت وبكريه تعرفها اغتصبت وهي نايمه! اذكر ساعتها امي صارخت وردت بكل ثقة وقالت : هذي اللي تعرفينها كذابه شلون بنت ما تزوجت ويغتصبها واحد وهي نايمه شلون ما حست ,, وقامت امي تضحك وتقول هذي مستانسه والا البكر لازم تتعور اذا نام معاها احد شلون تنفتح وهي ما قعدت؟؟؟؟ نست امي ساعتها هذا الكلام (( شر البلية ما يضحك)) ((لا تشمت في اخيك فيرحمه الله ويبتليك)) وكانت كلمة الفخم او البطر هذي من امي هي القشه اللي قصمت ظهري .... كبرت وصار عمري 14 سنه واذكر ساعتها كنت تعبانه وراده من العرس وامي تنام عندنا ما تنام عند الوالد لانه كبير بالسن كنت نايمه والله العظيم عندها لازقه فيها وانا بنص نومتي تفاجات فتحت عيني والا اخوي عمره 12 سنه نايم فوقي وقعدني الالم طالعت فيه وهو انحاش وانا قلبت روحي على بطني وسحبت نفسي وكملت نومتي ما ادري شنو صار فيني وليش كانت هذي ردة فعلي كأني مبنجه لما قعدت لقيت ملابسي مبطله والدم مغرق ملابسي الداخليه انصدمت شلون صار جذي بس تدرون صج كنت ياهل ,, كنت اتمنى يكون اي شي الا انها تكون الدوره الشهريه لان الدوره ما يتني الا بعمر 15 سنه المهم كرهت اخوي وخفت اقول لامي او اي احد عبالي بطيح من عينهم حتى اخوي ما حسسته اني شفته كل هذا بتقولون غباء بس شسوي كنت صغيره كنت حاسه ان الذنب ذنبي صرت اذا نمت اقسم بالله يا بنات البس دراعه واخيط دراعتي من تحت لان نومي ثقييييييل حيل لو يصير انفجار ما اقعد وكل يوم اشيل الخياط لما اقعد وبالليل اخيطه مره ثانيه وتعذبت من الخوف وكرهت وقت الليل بس لما تزوجت اختي نمت بغرفتهاو صرت اقفلها علي بعدها حسيت براحه نفسيه المهم كان هالموضوع حيل مؤرقني بس كنت احاول اتناساه وما اعطي الشيطان مجال يكأبني او يضايقني كبرت وتفوقت وتخرجت من الجامعه والحمدلله كنت ملتزمه دينيا وقريبه من ربي من بعد ازمة اخوي وانخطبت وابوي ملكلي على ريال ولد حموله وطيب ومثقف وقلت بتوكل على الله وماراح اخاف او اعترف لاهلي ولا للريال دام انا سيدا وخايفه ربي وحافظه نفسي ماراح يظلمني رب العالمين ودام الله سترني ليش افضح نفسي وفعلا جهزت لعرسي وكنت كل يوم يقرب العرس احس بضيقه وابكي بالحمام واخوي احس وجهه يصير احمر بس يشوفني ويتحاشا يطالعني وعلى فكره كنت يوميا من صارت السالفه ادعي من كل قلبي على اخوي بالموت واكرهه واحتقره لما اشوفه قرب عرسي وكنت احس ان الموت قرب كنت اتخيل يوم صدمة زوجي وشنو بيقول لاهلي واهلي ادري بيذبحوني ما عندهم حل ثاني وادري محد بيصدقني ان اخوي اهو اللي سوا جذيه عموما حتى لو قلت اخوي بيذبحوني عشان الفضايح لان عندنا الوحده اللي جذيه لازم تنذبح والا ما يتزوجون اخوانها وخواتها بيعنسون ويتطلقون المتزوجات كل الافكار السوداويه مرت بخاطري قبل عرسي باسبوع وزعت اغراضي القديمه( الورث) على خواتي وقعدت اوصيهم وانا ابكي ومحد يدري عني عبالهم اني خبله ويقولون عادي لا تخافين ما يدرون بقلبي شنو فيه صار العرس ودخلت على زوجي في البداية قصيت على زوجي وقلت الدورة نزلت علي عشان ابي ااخر الموضوع بس بعد اسبوع قالي يالله تعالي اكيد خلصتي قلتله لا فتشني وانصدم اني اكذب عليه وحاول يتحرش وانا اترجاه وابكي وادزه هو استانس عباله اني اتغلى او من الخوف ................. وانا العالم الله خايفه من الفضيحه قلتله بدش اغسل بالحمام رضى بس خذا مفتاح الحمام دشيت الحمام قعدت ابكي وادعي ( وجعلنا من بين ايديهم سدا ومن خلفهم سدا فاغشيناهم فهم لا يبصرون) وكل الادعية اللي حافظتها قريتها بعدها طرت لي فكره شفت شفرة الحلاقه مالت زوجي على المغسله قمت خذيتها وقصيت صبعي شوي طلع دم خفيف مسكته لما وقف وكنت مفكره اذا صار الجماع اضغط على صبعي حيل وافتح الجرح على الاقل لو تطلع نقطة او نقطتين على الفراش ادري خطة فاشله بس شسوي كنت ودي اتعلق باي امل بعدها طلعت من الحمام وقام يقولي اغاني ويتغزل فيني وانا اتلفت حوالي واطالعه واطالع شقتي وابكي احس ان هالنعيم كله بيروح زوج صالح له مكانته ووسيم وعش الزوجية اللي كنت احلم فيه وحموله واهل طيبين عوضوني عن اهلي لاني عرفتهم بهالاسبوع خوووش ناس بناتهم ما خلوني دقيقة كل يوم وحده من حمواتي داشه مونستني وكانت طلباتي اوامر بكيت وبكيت وصرنا عالفراش وصار اللي كنت خايفه منه.......... ................ ........... ............ ............ وكان اليت طافي وكنت اشوف ويهه وابكي ............. .............. وخلصنا قام وبطل الليت وغمضت عيني متوقعه الفضيحه بس نصرني رب العالمين ... حفظني رب العالمين مثل ما حفظته ما رضى ربي يظلمني وانا مالي ذنب شفت دمي ملأ الفراش قام زوجي باس راسي وقالي بيض الله ويهج يا بنت الاجواد بكيت من الفرحه وشكرت رب العالمين انا الحمدلله الحين ام 5 عيال وزوجي الحمدلله يموت فيني واحس ان الله اسعدني بعد اللي صار فيني جزاء ثقتي في والحين هذا السر ما يعرفونه حتى اهلي واخوي عباله ما ادري وهو تزوج وعنده عيال واذا شافني احس انه يحس بتانيب الضمير والفشله لو اطلب عينه عطانياها بس بصراحه نسيت اللي صار وسامحته لانه كان ياهل وسامحته لان الله وفقني وهو كافي اللي صارله عقوبه من رب العالمين الحين من قصتي بقولكم الدروس اللي تعلمتها: 1- لا تتشمتون باحد واحسنو النية... ولا تقولون كلمة بطر ترجع عليكم 2- لا تخلون عيالكم الاولاد فوق 10 سنين ينامون مع خواتهم لو شنو يصير ,, لا تقولون صغير والرسول الكريم امر في تفريق المضاجع. 3- اللي تعرضت لاي ظلم لا تنسى رب العالمين وتدعي دائما ان الله ينصرها وتكون قويه وتثق بنصرة رب العالمين ولا تشتكي لاحد بس لرب العالمين ومحد بينصرج غيره 4- حافظي على نفسج ربي بيحفظج , وحصني نفسج ربج يحصنج حتى لو لا قدر الله اغتصبتي لا تقولين دامها خاربه خليني اخربها وتنفضحين. ( احفظ الله يحفظك) وشكرا على سعة صدوركم:71_71:
سبحااااااااااان الله لا تعليق بس ماقوووووووووووول عسى الله يوسعلج بدنيتج وحياااااااتج ... وعسى هالتحرشات اللي تصير من الاولاد اتزووول يااارب وياااخافون الله...
مشكووووره عالموووضووع حييييل طررررق جرس الأمل والتفاااؤل بالحيااة ,, والله يسعدج ويوفقج ويخليلج عيالج ويسخر زوجج لج ياااارب ,,
هلا اختي . . . ربي عطاج على نيتج وصلاحج وتقواج . . . وربي يسلمج ويسلم عايلتج من كل شر . . . وفرقوهم في المضاجع ما جاءت من فراغ . . . ولكل أم انتبهي على بناتج حتى من اخوهم هالجيل ما يندرى عنه شنو يشوف وشنو يسوي كل شي متوفر عندهم والحافظ رب العالمين . . .
مشكورين خواتي عالردود واحس لما فضفضت لكم ان ذكرياتي بهالشي هم وانزاح كنت لما اتذكر هالشي بيني وبين نفسي احس انه حييييييل ثقيل بس لما اعترفت لكم وشاركتوني بردودكم احس ان همي انزاح يعطيكم العافية
السلام عليكم الصراحه الموضوع وايد يضايق بس استانست ع النهايه السعيده وليش الوحده تفضح عمرهاا وتخبر امها او اهلها دام ان الله ستر عليهااا وهذا الشي مو بيدج الغاليه الله يستر علينا وع عيالنا يارب العالمين
والله انج صاجه عاد تدرين هالسوالف منتشره بالسعوديه كثير الله يرحمنا برحمته وعسى الله يكافينا شر هالدنيا
مشكورين خواتي عالردود ويعطيكم العافيه على المشاركة ويعلم الله ان لكم جميل علي بان ساعدتمووني على ازاحة هذا الثقل من صدري لا اراكم الله في عزيز مكرووووووووووووووووووووووووووووووه
واي دمعت عليني يا قلبي والله سبحان الله الله يستر على الي تبي الستر وموقصدها شي وايد سمعت ببنات مو بكر ومتزوجين والله ستر عليهم الله يحفظنا يارب ولازم تديرين بالج على عيالج من كبروا فرقوهم عن بعض وقت النوم الله الحافظ يارب
مشكورة اختي وردة الكويت وجميع المشاركين على الرد والمسانده النفسية وردودكم اعتز فيها بس لا توصين حريص انا مفرقة بين عيالي البنات بروح والاولاد بروح من عمر سنه يننت زوجي لما يبت اول اولادي وحبيت ينام برا عن غرفتي حنيت اطلع شقه اوسع عشان يكون للاولاد غرفة والبنات غرفه حتى زوجي يقول مينونه ليش ما ينامون مع بعض توهم صغار وانا اولادي من يكملون عمر السنه بدون مبالغه بغرفة بروح عن البنات تحسون صارت عندي عقده بس اتمنى كل وحده من خواتي اللي قرو موضوعي وينومون عيالهم عند بناتهم حتى لو اصغر من عشر سنين يراجعون نفسهم لان جيل الحين متفتح اكثر من قبل والنت والتلفزيون ما خلى شي والحين الياهل بعمر سنتين يعرف الدنيا مقلوبه ويعرفون شغلات انتي ما تعرفينها بعد ويعرفون سوالف الحب والزواج من هالمسلسلات لا تتوقعون انهم ما يعرفون شي اخوي الله يسامحه من جيل اول ما كانت الدنيا بهالانفتاح وسوا سواته بعمر صغير فما بالكم بجيل الحين الله يستر علينا وعلى بنياتنا بستره لا تغلطون غلطة اهلي الحمدلله انا عدت على خير بس غيري ما يندرى انا ما كتبت هالموضوع الا عشان تكون قصتي عبره لغيري وشكرررررررا
رب العالمين قال " انا عند ظن عبدي بي " سبحانه وتعالى وظننت بالله خيرا فأعطاك ... سبحااانه وموفقة في حياتج بإذن الله والله يتمم عليج دايم
الله يوفقج انتي توكلتي على الله حق توكلة وهو يعلم طهارتج وانج شريفة وصالحة الله يوفقج بحياتج يالغالية
