الله يسهل علينا جميعا كروشات انا هذا ثاني حمل لي وتنزل مني افرازات بكميات كبيره وخايفه حدي لاني اشيل ولدي عمره سنه ، وفيني لوعه وايد في حملي الاول كنت اخذ نافيدكسون كان عجيب يوخر اللوعه بوقتها والحين مانعينه عن حميع الصيدليان مافي منه ، وانا حاليا اخد دوا ثاني بس مو طايح علي- تعبت نفسيا ودايما مزاجي متعكر ومالي نفس حق شي ابدا
مساء الخير علي كل الكروشات اشتقت لكم حيل نزف المشاعر امج تسلم عليج وتقول ارتاحي لين الله يسهل عليج <<<<<<<<<<< شوف الجذب المهم الاخت اللي تشتكي من كثر الافرازات عادي انا من حملت باول شهر الين الحين في اخر السادس البس كتكس افرازات مو طبيعيه لا تخافين ومن ناحيت شيل والدج حاولي ما تشيلينه كثير علي شان ما تتاذين واللوعه الله يعينج عليها والنفسيه بعد بس فتره وتعدي انشالله والله يهون عليج انتي وباقي لبنات[/b]
مرحبا كروشات ودي اشاركم بالتجمع انا ولادتي شهر واحد ودي 1-1 بس التساهيل من ربج الحمد لله عديت مرحلت اللوعه ودوخه بس الحين ما اقدر انام من رجولي يالله المستعان محتاره وين اولد مرات اقول بالعرف ومرات اقول بالامومه وين تنصحوني اولد او فيه مستشفى غيره وسم الدكتور الاهم منو ؟ لاني هالاسبوع بروح احجز يوه نسيت اقولكم قالولي فيج ولد ونا اتمني يكون ولد والله يعلم بعد ما راح احجز المستشفي راح ابلش بتجهيز لانكم مثل ماقلتلكم ولادتي اول واحد ان الله كتب طولت عليكم بالكلام الله ايعينكم
هلابج يا كاريس <سلطانة زماني <<<<<<<<<<<ونواظر نورتو التجمع كاريس يمدحون الامومه انا بروح لها الشهر الجاي بشوف سونارهم وبلغج ومتاخره بتجهيز البيبي المفروض من الشهر هذا تجهزين الله يقوةمج بسلامه
ادري والله اني تاخرت بالتجهيز بس شسوي امتحان والعيد ونشغلت وهم والله محتاره بشاء كثيره امي تقول لا طلعين البيبي وخلي الناس اذا جو بصاله ونتي اطلعيلهم يعني مو محتاجه لكفر وطقم الغرفه كامل وخلي تجهيزج الكشخه للحلو ولبسج بس لانها تقول انها خايفه علي وهذا هم راي رفيجاتي الخاصين ونا ودي اسوي غرفه كامله وحاسبه احسابي علي جذي اما بخصوص الادويه الانفاس جابتلي رفيجتي شنطه كامله فيها كل شي من خالتها في حايل واهي تمدحها حيل ونا شفت النتيجه معاها اما الخلطات للبشره والجسم ببلش بس بوجهي اذا دخلت التاسع اما الباجي اذا عديت 20 يوم من الانفاس ونتو اشرايكم
الله يتمم لكم يارب ويرزكم بعيال وبنات يبرون فيكم ويكون صالحين يارب انا ولادتي بـ 7-2011 الله ييسر لي يارب هذي اول ولاده لي وحدي خايفه
كاريس امج معاها حق هم انا اسوي جذي الناس ما تعطي خير وعيونهم حاره وفري فلوسج احسن حق شغلات ثانيه واهم شي ادويت النفاس لازم تكون نضيفه وما فيها غبار هذا يعتمد علي اللي تسويها وانتي تقولين شنطه يعني شغلات كثيره حاولي في نفاسج ما تكثرين ادويه لانها بتعورج بجبدج وتسد نفسج اهم شي اللي ينشرب في الحليب الصبح وشاي الغوري مال الضحى ودوا ثاني تحطينه مع غداج وعشاج والحلبه تشربينها مع النعناع العصر ولهوم النفاس مهم جدا انا اخذ اللي ما فيه سكر علي شان احشي فيه الدجاج والقبوط < والغسول حق اخر 10 ايام<<<<<<<<<<<<امراءه ولاكن طفله عسي ربي يهون عليج ونورتي تجمعنا
السلام عليكم انا ولادتي بشهر يناير ان شاء الله وقالوا فيني بنت ادعوا لي اقوم بالسلامة والله يتمم على جميع الحوامل ...
شيخة شمر الله يسهل عليك وان شاءالله هالبنوته تكون زيادة خير وسعاده بحياتك اقوى الصبر فديتك انتي النور كله
بنات انا حدي خايفه الحين انا بأخر الخامس بس شفت مرت ولد خالتي شلون تولد والله بغيت اولد معاها من الخووف
ربي يسهل علينا ان شاااااااااء الله أنا ولادتي بشهر يناير 2011 .. وسويت سونار وجالولي ولد وإن شاء الله بسميه عبدالله على اسم جده أبو أبوه
اشلونكم بنات شخباركم والله حدي تعبانه امس طلعت السوق اتشرى والله يوم جيت بنام ماقدرت امان من الم ارجولي ليما الساعه 4 الفجر ونا بس احط اكريم مسكن للالم واكل بندول بس ماكوفايده حتي الدوام الصبح مارحت اخذت طبيه الله ايعينا جميع ويسهل علينا يارب
