قولو لي اشك في عيالي انهم يدخلون مواقع في النت لكن للاسف ما عندي معين العيال في سنراهقه ويد وحده ما تصفق ادري بتقولون اجيك الابتوب وراهم سويتها لكنهم يمسحون الهيستوري كله وحذرتهم ان لا يمسحون الهيستوري ما كو فايده والمصيبه انه الابو علي وجهه ما عنده ادنا شك وقلتله لازم نشيل الابوتوبات منهم والاجهزه الاخري اللي ممكن عن طريقها يشبكون مثل الاي بود لكن جني اكلم طوفه ويقول انه وقتهم غير عن وقتنا المشكله انه تفكيره نظيف من صج حتي مرات اجيك عليه اهو ما يغلط ويدخل علي شي حرام قولو لي شنو الحل يعطيكم العافيه حبايبي :71_71:
النت ومشاكله تكمله للي ذكرته حقيقه انا شخصيا صار عندي حب استطلاع شنو ممكن الشخص يشوف بالنت لقيت انه ممكن نشوف العجايب والمصايب فما بالكم عيالنا شنو يشوفون شنو الحل جزاكم الله خير الخراب احنا عطيناه العيال وفي سن مبكره كيف راح يتحملون الخراب اللي يشوفونه يعني الفساد دخل في بيوتنا ومن كلام ولي مره من المرات يقولي انه رفيجه طاح علي امه تدخل مواقع وصخه يعني شنو راح يكون مجتمعا خلال كم سنه الله الحافظ يريت كل وحده تمر وتشارك لعل نفيد بعض بمصيبه النت المضره والنافعه في نفس الوقت مشكوووووووووووووووووووووووورين
وييييييييه مشكله صراحه انا جكيت اخوي عنده صور قمت وديت الصور حق ابوي صج فشله بس ابوي احرمه من الكمبيوتر انتي مالج الا تراقبينهم يعني وقت ما يشبكون خليهم عندج بالصاله واذا قالو لا ما لاء مشي كلمتج وشيلي الكمبيوتور واي بود واي شي ممكن يشبكون منه انا صراحه الطريقه الحزم اهيا الي تنفع وتخرع وهدديهم انج تقولين حق ابوهم اي وخلي ريلج يقولهم ان جكيتكم بحرمكم من الكمبيوتر صراحه ماكو الا التهديد دام يمسحون الهيستروي
أنا مع رأي روز هالزمن الدلع الزايد يفسد العيال وأحسن شي التفاهم يعني مثلا قعدي معهم وسمعيهم بعض مخاطر اللي صارت للناس فالواقع بسبة النت ولالستخدام السيئ........انا مره شفت اخوي داش النت لكن قافل الباب بعدها عطول رحت وطلعت كل اللي دشه وانصدمت لكن ما واجهته مباشرة ليش وليش؟؟؟ لا قلتله ياخوي نصيحه لا ادش مواقع كذا وكذا لان شبكة الاتصالات مراقبه المواقع واذا دشيت مواقع منا ولا مناك ماتدري الا والشرطه يمك ومنها مادش ابدا.............الحمدلله
شوفي اختي مو الحل بالتهديد او بالحرمان لان صدقيني لو قطعتي النت عنهم وماخليتهم يستخدمونه في مليون طريقه وطريقه ممكن يرجعوله او يعوضونه بشغله ثانيه اتكون ادهى وامر واتعرفين كل ممنوع مرغوب فا خالتكون الشغله بالاقناع يعني قعدي وياهم وكلميهم عن هالشغله ان حرام من هالحجي بس طبعا لا اتبينين لهم انج تتهمينهم انهم يدخلون مواقع لا خليها من السوالف عاد تكتكي الموضوع جنها قصه صارت او شي جذي والمهم اتكون نهاية القصه ان اللي يسوي جذي يفقد ثقة اهله وحطي لهم وقت معين يشبكون فيه وطلي عليهم من فتره لي فتره بس لا اتخلينها على اسلوب انج تراقبينهم وبس الله يخليهم لج
اولا اختي انتي مبين من كلامج انج وايد توسوسين و عندج فضول يعني انتي فكري فيها اذا لقيتي انه ممكن يطلع منهم شي جذي او لأ اذا عاد ايي في برامج ممكن تحطينها بس ما أدري يعني لانه ممكن يكونون عارفين هالشغلات و بعدين الانترنت ماعليه رقابه مايبطل سوالف جنه ؟ الا اذا كانوا منزلين برامج تفتح المواقع هذي ف الي اشوفه انج تسوين سيرج بقوقل عن اسماء هذي البرامج و تاخذين اللسته و تجيكين اذا موجوده على اجهزتهم .. و انشالله خير
