اللي تبي تصميم بدلة عرس*دراعة*كاجوال* حياهاا

السلام عليكم ورحمة الله وبركاته

يعطيكم العافية بنات

بما ان عندي خبرة بالخام والتصميم والالوان وتدرجاتها

ومعرفتي الشديدة بمصممين الكويت والخليج والاجانب ( يعني معرفة مجموعاتهم وتصاميمهم وعروضهم السنوية وزيارتي لهم الحمد لله) وشهادة البنات والحريم لي كل مادخل عرس يعجبون ببدلاتي

حبيت اساعدكم للي عندهاااا

عرس _ حفلة _ استقبال _ عيد زواج _ عباية _ شالات _ كاجوال _ دراريع فخمة وناعمة

اقدر اساعدهاااا بس شرط انها تساعدني عشان اساعدهااااااا

لان اول شي راح اصمملها والونه لها يعني كانه تشوف الثوب جدامها واشرحه لهااااا

بس شرط ::::::::::

تكتبين كل من :

1_ نوع الاختياار ( دراعه _ بدلة عرس _ كاجوال)
2_ توصفيلي جسمج وشنو المناطق اللي تبين تخفينهاا
3_فكرة الموديل وانا ارتبه لج وازيدلج عليه او تقولين ماعندي فكرة طلعيلي وانا اساعدج
4- نوع الخام اللي تحبينه ( مثلا في ناس ماتحب الخام الاسترتش لان يبين الجسم وفي ناس ماتحب المخمل في ناس ما تحب الدانتيل تحس انه قديم جذي يعني بينيلي اللي تحبينه
5_ تبينه دفش ولا ناعم
6_لون الخام اللي تبينه

وانشالله ماقصر معاكم

تحياتي​

تسلمين يااارب . . .

وإن شاء الله البنات بيتفاعلون ويا موضوعج . . .

​

الله يعطيج العافيه
انا ابي دراعه فخمه وناعمه بنفس الوقت احب تقريبا كل الالوان
ابي اخفي البطن إذا امكن
ماافضل الاسترش والباقي عادي
احب التميز والنعومه
ولكي مني كل حب وتقدير

حاضر ياقلبي انا توني شفت ردج

ابشري بصمم واطرشهاااااااا

طبعا جبتلج الوان غريبة (( هي الازرق القاتم اللي اهو موضه الايام هذي والتايجر الكبير )))
بما انج تحبين الالوان
1-طبعا الدراعة تحت كلها تايجر طبعا اللي نقشته كبيره ومرتبه تبين تحطين على رسمات التايجر شواروفيسكي كيفج
2- الطبقه الثانية الازرق القاتم تقطعين على الاطراف تايجر كبير وتحطين عليه او حوالية شواروفيسكي كيفج
3- الجم نظام ( فلو من الكتف ليما البزمه تكون شيفون نفس لون الازرق)
4- اطراف الجم عباره عن سواره من الشواروفيسكي او تبينه ساده كيفج)))

هذا موديل دراعة ناعمه بنفس الوقت فخمه مع الوان الموضه
ملاحظه : الفكره اساسا بالوان الخام انها غريبه

اتمنى ما كون قصرت معاج

بصراحه حلوه بس عندي ملاحظه المديل مخفي الجسم تقريبا وانا مشكلتي الكرش بس بعدين الالوان حدها اوفر
على عموم الله يعطيج العافيه وتحفينا واعرضي بعض تصاميمج ياعسل

المديل ينن وتسلمين

تسلم ايدج وحلوه فكرته موضوع

حياتي انا معزومه استقبااااااااااال كبير بالبيت

وانا ضعـيـفـه وطويله ((بس حلو طولي موحيل))

جسمي ولله الحمد يساعدني البس اي شي

ابي بدله مودارعه وتكون مخصره ومبينه جسمي

وانا مومشكله الخام بس ماحب الاورغنزا احب استرتش دانتيل او اي شي المهم مااحب الخام الواقف وايد

والالون احبها فرررش

ابيها تكون بدله وااايد كلاااااس وراااقيه ماحب الدفااشه

احب ستايل ناعم بس حلوووو

ويعطيج الف الف عااافيه

انا ابي بدله حق استقبال طلعتي من الاربعين
ابيها بدرجات البنفسجي
ابيها نظام بدلة سهره موديل غريب وفنتك
ومابي خام الاسترش او المخمل ابي خامه طايحه عالجسم بدون لاتبين عيوبه
انا جسمي حلو بس مابي موديل يبين كرشي لاني توني والده يبيلها فتره على ماتروح هالكرشه

حاضر من عيوني حبيباتي

انا توني شفت مشاركاتكم

انشالله اصمم وارد باسرع وقت

تحياتي

وايد حاوة الفكرة وتسلم ايدج وموفقه حبيبتي ويريت نشوف تصاميمج


اختج عروسه
مع تحياتي

يعطيج العافيه حبوبه علي الفكره الحلوه وجزاج الله خير علي مساعدتج لخواتج

حبيبتي بغيت تصممين لي نفنوف حق حفله راح نسويها حق تخرج ولد خالتي من كلية الضباط شهر 3

وانا طويله وجسمي حليو مو متينه ولا ضعيفه وانا دايم يضبط علي القصات الي تجي علي الجسم أحسن من المزموم و

المنفوش وعلي فكره شعري قصير لي فوق جتفي

ومشكوره ومتقصرين ياقلبي

طلبتك يابنت الملازم تسوين لي تصميم الله يعافيك لا ترديني

انا ابي فستان ناعم وحلو بس تكون فكرته غرررريبه شوي

وياليت يصير كت ومعاه جولي اوجاكيت قصير الي طايحين فيه

ابي اخفي البطن

الخام احب الشيفون ولو تدخلين معاه خام ثاني اوعادي

تكفيييييين لا ترديني وتفشليني

المناسبه اي طلعه بس مو عرس

عسااااااااااااج على القوة


تقبلي مروري :teeth_smile:​

بدلة عرس
طولي178 ووزني 90
احب الدانتيل والالواااان الاسود او الابيض
ابي اخفي البطن لاني والده عمليه
وابي دفش
والله لايهينك

يعطيكم العافية حبيباتي على الكلام اللي يشرح الخاطر ويفتح النفس

شدعوه ما سويت شي كلها مساعده حق خواتي ابيكم اتصيرون احلى الحريم

المهم اعذروني لو طولت عليكم كان عندي امتحانات جامعه وتوني خلصتهاا وننطر النتايج


انشالله ابلش بطلباتكم من الليلة

ولكم مني احلى تحية

يعطيج العافيه بنت الملازم الله يسلمج
انا ابي دراعه ناعمه لمناسبه بسيطه
انا نحيفه وطولي متوسط
احب الالوان الفاتحه00
مو مشكله نوع الخام00

ماشاءالله تصميمج وايد راقي ... الله يوفقج ... وأكيد بطلب منج تصميم في المستقبل القريب ...لأني حاليا في لندن ..

حبيبتي بغيتج تصممين لي بدله
ممممم وزني مو عارفته بالضبط بس ألبس
اكس لارج
وطولي تقريبا 162
أحب كل الالوان بس ابيها ناعمه وستايل
الالوان الهاديه مو الصارخه
ما احب خامة الستريتش
خامة التفته أو اي خامه غير الستريتش

ومشكورة وقواج الله على المجهود