والله البنت مبليه دايمآآآآ تجيني تبجي عندي بهستيريا والله تكسر الخاطر تقولي انا ابي اطلع من اللي انا فيه والبنت صادقه من قلب ادعولها بالهدايه
كنت بسال شنو صار على رفيجتج قولي لها تراجع اخصائيه نفسيه ؟؟؟؟ مافيها شي ممكن اهي تحاول لكن موقادره تغير الوضوع الي فيه ممكن في اسباب اقوى منها والاخصائيه النفسيه موشرط تكون نفس مالبعض يفكر للجنون لا بالعكس تحل المشكله الي اهي موقادره تطلع منها وقولي لها تكثر من الاستغفار سبحان الله علاج للنفس
فدييييييتج يااصيله وسألت عليج العافيه يارب.... اقولج رفيجتي انا حاطتها تحت عيني وقاعده اشجعها على ترك هالخرابيط لانها والله ماتستاهل حبوبه وقلبها طيب وعلى نياتها بس الحمدلله الحين اهي قطعت علاقتها بالتعبان رفيجها وقامت تتقرب من زوجها وداومت بدوامها عااادي وقطت كل شي ورا ظهرها وقالت اللي يبي يتكلم يتكلم ... وعلى طوووول تستغفر وتدعي ربها ان يسترها
والله فرحتيني ومافيها شي خلج يمها عشان تستمر وتوصل لحياة طبيعيه وتستقر ربي يوفقها اهم شي تستمر على الاستغفار وربي اني فرحت لها
الله يهدينا ويهديها عزيزتي انا اقترح انها تنقل من مكان عملها بعييييييد وتترك الماضي بمكانه وتتقي ربها بزوجها اللي امنها على بيته وعرضه وخليها تفكر ان الانسان معرض للموت بكل دقيقة ،، شنو مصيرها اذا ماتت واهي مع رفيجها الله لا يبلانا انا ما اتكلم من ناحية دينية لكن احنا المسلمين حياتنا الاجتماعية كرتبطة بالدين احنا مو علمانيين الدين بصوب وحياتنا بصوب
الله يهديها ويثبتها على الصراط المستقيم وتكثر من الاستغفار وانشاءالله ينفرج همها عاجلا غير اجلا يارب العالمين....
الحمدلله يااارب الله يثبتها له يااارب فرحتيني والله خليييج يمهاااا لاتخلينهااا اهي محتاجه اللي يسمعها
هلا اختي . . . من ناحية الدين حرام ،ومن الناحية الاجتماعية فضيحة لها ولعيالها ولزوجها . . . خل تمسك موبايلها وتتصل برفيجها لاحظي كلمة رفيجها وتقوله انا تطلقت من زوجي من فترة والحين انا حرة يعني خل يكون لقاءنا ومعرفتنا بالحلال لاني فعلا احبك وعلشانك تطلقت وخل تمشي عليه الفلم مدة من الوقت وبتعرف انه مستحيل يتقدم لها او يفكر يتزوجها ذيج الساعة هل بترد تشوفه انه حبيب ومخلص لها من عذاباتها الزوجية !!
لا تعليق ؟؟؟؟؟؟؟؟ خليها ترجع لربها ارحم من الجميع هذا هو الحل وعسي ربي يفرج همها وويستر عليها وويهديها
اختي عليها ان تستغفر الله ولا تكلم هذا الشخص لان الانسان يحن للكلام الحلو والي اهي فاقدته في زوجها وهذا يخليها عرضه لكل شخص يقول لها كلمه حلوه وهذا مثل ما هي قالت درس تتعلم منه وعسى الله يهديها ويسترها مع الجميع
والله مشكله صعب اني اقدر ارد عليها هذا شرف ولازم مانطبطب عليها تدرين الي كاسر خاطري موهي زوجها هالمسكين والغلط اولة واخرته بينفضح الله يستر علينا لازم يمسكها احد ويوقفها عندحدهاولوغصبن عليها
أصعب شي خيانه المتزوج أو المتزوجه لأنه في نفس الوقت اللي و هو يخون في وحده بالبيت إيدها على خدها و ناطرته يرجع و لأنه في واحد أعطى زوجته كل الثقه و نام مرتاح البال لأنه يدري إنها أشرف من الشرف لكن هي نايمه في أحضان واحد ثاني لا صعبه الخيانه حاله مرضيه تحتاج علاج ليش نجامل بعض و نقول عادي و كله واحد يا سيدات الخيانه غلط و اكبر غلط يعني بنت عندها علاقه بريالين حتى لو موعلاقه جنسيه بعض البنات صارت السالفه هذي عندهم موضه متزوجه و تكلم منو تكلمين و الله أكلم واحد تعرفت عليه بالدوام بالشات عند الخباز بالجمعيه و ريال عنده علاقه ببنتين قطيــــــــــــــــــــــــــــــــــــــعه (أحلى كلمه إخترعوها حريم لكويت اللأوائل) إذا ريال صج تزوج بتزعل زوجتك هذي مشكلتها لكن الخيانه مشكلتك إنت عزيزتي المتزوجه مو عاجبج ريلج تبين تخربطين تبين تفترين بالشوارع تبين تمشين على حل شعرج ما كو مشكله تطلقي و سوي اللي تسوينه حياتج كيفج لكن ونتي متزوجه لا و ألف لا حياتج هي حياته و حياته هي حياتج اختي العزيزه كل غلطه و لها ثمن و صديقتج قاعده تدفع ثمن غلطتها هذي سنه الحياه و بعد فتره راح تصير قصتها نسيا منسيا طبعا إذا وخرت عن طريج الخراب
استغــــفراللـــــه العظيــــم في مثل مصري معروووووف إمشي عِــدل يحتـــار عــدوّك فيــك!! اللــــه يهديـــها ماتسوى عليـــها تخلّي اللي يسوا واللي مايسوا يتكلم فيها الهادي اللــه..الحـــل لازم تتوب وتتقي اللــه في نفسها وفي زوجها ولا تفتح مجـال لأي أي أحد.. والقافله تسير واللـــه يكرمكم الكلاب تنبح!
شوفي بالاول لااااازم تغيير دوامها ولو تغير الوزارة نفسها يكون أفضل بعد لأن الظاهر من المكان اللي هي فيه وتأثير البيئة السيئة اللي هي فيها أنا أدري تبين تقولين إن أنتي بعد نفس الدوام بس الناس مو واحد يعني خل تنقل دوام فيه حريم بس وياليت يكون مجال الدين عشان الصحبة لها تأثير !! أو تطلع من دوامها يعني تقعد بالبيت أفضل من هالحال !! وخل تتقرب من الله سبحانه لان لااااازم يكون في خوف من الله اللهم إنا نستغفرك ونتوب إليك ولا حول ولاقوة إلا بالله الله يهديها .
بنات والله مصيبه هالحين الخيانه مره او مرتين مو خمس سنين هذا تمادي بالغلط يعني مو خايفه لا من الله ولامن زوجها على فكره الله يمهل ولا يهمل
حبيبتي ليش ما تتطلق من ريلها وتاخذ رفيجها ولا هالحاله انا عندي جذي اهون من الفظايح و الحرام والناس يتحجون على المسكينه اللي ماعندها سوالف هالدور وحدة شايفينها اكيد يتكلمون عنها الله يكون بعونها مافي وحدة تخون ريلها الا من الزود مسكينه انصحيها انها تعدل وظعها و الله يستر عليها
