بسم الله الرحمن الرحيم السلام عليكم ورحمه الله وبركاته قبل ان ابداء بكلامي ابداء بالصلاه على الرسول صلى الله عليه وسلم الحياء خُلُق، ذو شقين: فطري ومكتسب. فالحياء الفطري هو الطبيعي، أما الحياء المكتسب فهو من الإيمان، والإنسان مُكَلَّّفُ به، ومَنْ كان فيه غريزة من الحياء فإنها تؤدي به إلى الحياء المكتسب. وعرَّف علماء الشريعة الحياء بأنه خُلُُقٌ يبعث على ترك القبيح، والامتناع عن فعل ما يُعاب جبلت المرأة على الحياء فهو غريزة من اجمل الغرائز التي حباها بها الله وكلما زاد حيائها .... كانت قريبة من ربها محبوبة في مجتمعها.... وايضا الرجل لاتكتمل رجولته الا بوجود الغيرة لديه الغيرة وليس التعصب فالرجل بلا غيرةلا فرق بينه وبين البهائم ...... من الملاحظ في زماننا قلة الحياء عند نسائنا الا من رحم الله وانعدام الغيرة لدى رجالنا الا من رحم الله ايضا وكل ذلك بأسم (( الحضــــــــــــــــارة)) ليتنا بقينا نسكن بيت الطين ونعجن العجين ونشعل التنور متمسكين بحيائنا وبديننا... بدأ اهمتمانا بالشكل الخارجي والمظاهر اكثر من اهتمامنا بالعادات والتقاليد والدين الاسلامي نلاحظ المرأه لابسه عبايه مخصره والرجال معاها وفاتحه عيونها وهو عادي عنده ماكنه شيء يصير اين الغيره لديه صراحه شيء غريب أنا لست ضد لبس معين او ضد العبايه المخصره ولكن ليس في الاماكن العامه والاسواق واماكن العمل في المناسبات والحفلات والاعراس يحق لنا كل شي وللاسف الاحظ انتشار عدم الغيره واللا مبالاه عند بعض الرجال فهل عند هؤلاء من النساء حياء ....... وهل عند هؤلاء من الرجال غيرة ....... انا اتكلم عن شي واقعي تخيلوا وحده من رفيجاتي بالدوام تقول مره كنت كاشخه وامي زفتني لان لبسي ضيج وتقول انصدمت ان اخوي يقول لا عادي اكشخي واستانسي واصلا العبايه المخصره تهبل عليج !!! ومن انواع انعدام الغيره 1. أن يجتمع الأب مع بنيه وبناته على مسلسل او فلم عربي هابط يرون تفاصيله التي لاتخفاكم دون حياء أو خجل.. 2. أن يدع الرجل أهله يحادثن الرجال باعة كانوا أو غير ذلك وهو منزو في بيته أو في سيارته ينتظر فراغهن 3.أن يأذن لزوجته وبناته أن يسافرن بلا محرم، سواء كان لأجل العمل أو النزهة، 4.أن يأذن الرجل لوليته أن تعمل مع الرجال، مهما كان العمل ساميا.. وعندي ملاحظه على هذي النقطه قبل كانوا اهلنا ما يرضون البنت تشتغل الا في مكان للنساء فقط ومع الوقت رضوا بمكان مختلط بشرط ان يكون قسم نسائي وبالوقت الحالي صار شي طبيعي يكون البنت تداوم في مكان وتتعامل مع مراجعين وموظفين انا اتفق معكم ان الثقه موجوده ولكن الشي اذا زاد عن حده ينعكس سلبا بالوقت الحالي كل شخص منشغل بنفسه وما يهمه شي عن اهله دام انهم بخير خلاص ادعوكم للنقاش في هذا الموضوع ضمن المحاور التالية : **** بعض مظاهر قلة الحياء وقلة الغيرة من مجتمعاتنا ..... **** اسباب انعدام الحياء عند كثير من النساء ...... **** اسباب انعدام الغيرة لدى بعض الرجال ........ ****ماهي الحلول ....................... هذه دعوة للفتيات للتمسك بحيائهن ودعوة للرجال للعودة لغيرتهن (( ولئن يهدي الله بك رجلا خير لك من حمر النعم )) *ولا ننسى الإختلاف بالرأي لا يفسد للود قضيه * لكم مني جزيييييييل الود والإحترام...
وااااااااااااااااااااااااي موضوع عجيب يا تهاني صج جيتي عالوتر الحساس احنا الحين بزمن قلة الحيا باسم حرية المرأه الله يستر من اللي جاي اذا شبابنا الحين يتحدون بناتنا بالقصات والتسريحات والملابس الضيجه شنو تترجين منهم الغيره راحت وماتت الا من رحم ربي وشكرااااااااااااااااااااااااااااا
ام التوائم انا اترجا من الأسره زيادة الرقابه وشرح الخطأ والاقناع بتصحيح المسار اسلوب القمع فاااااااااشل فاااااااااشل فاااااااااااشل أترجا من المدرسه التعليم والارشاد الديني الصحيح وتصليح البنيه التحتيه للمخ اللي انغسل بالمره أسعدني مرورج الأكثر من رائع ذبحهم غروري تسلمين فديتج مع اني تمنيت اشوف وجهة نظرج في الموضوع ..
موضوع قيم . . . لو رجعنا شوي وشوي للعصور المظلمة والنهضة واللي قبلها . . .للغرب . . . كان عندهم حرام وعيب ومصيبة ان المرأة تتعرى او ان يكون لها عشيق . . . لدرجة انها تنبذ من المجتمع بأسره . . . لكن مع مرور الزمن شوي شوي التفسخ والانحلال ظهر عندهم . . . ومع أكلهم للحوم الخنزير هالشي ساعد في انعدام الغارية عندهم . . . عندنا مشكلة اننا في عصر السرعة حتى في قلة الحياء والتفسخ والانحلال . . . الغرب اخذوا سنوااااااااااااااااااااات طويلة على ما وصلوا للانحراف والانحلال والعري . . . أما مجتمعاتنا مستعيلين على هالامور وبسرعة تلاقينهم يتأثرون ويقلدون . . . الغيرة شبه معدومة . . . والتربية لها دخل قوي فيها . . . والاهم ان بعد الحياء انتهي من غالبية الموظفات اللي يشتغلون في مكان مختلط مع رجال . . . حتى صوتهم عالي وسوالفهم اللي بينهم المراجعين يسمعونها !! زوجي أخر مرة استخف يقولي لا حيا ولا مستحى موظفة في دائرة حكومية كانت تلمح له بردها عن شغلة جنسية بحتة !! لو اقولها والله ما تصدقون ولولا ان الله امر بالستر كنت كتبت بأي وزارة وبأي مكان خل تنفضح جليلة الحيا لكن ربي امر بالستر شنو تتوقعين من الاختلاط !!
أم عبدالله انا بصراحه ما عندي معلومات عن مجتمع الغرب في السابق ولا الحاضر ,, عشان جذي مابي أتطرق لمجتمعهم الفاسد واتفسلف في شي انا مو فاهمه عنه شي,, أما بالنسبه لمجتمعنا كلامج كان بالصميم فعلا عندنا استعجال وتقليد اعمى،،،، الاختلاط مسؤولية الاهل ....... بس صار شي عادي عندهم واهم شي ان البنت تستلم راتبها كامل وماعندها مشاكل علنيه....... يعني صار شر لا بد منه ........ وللاسف الغيره صارت شي مو اساسي ومو ضروري ويتهربون من هالشي ويشغلون أنفسهم في مشاكلهم الخاصه نسأل الله العفو والعافيه .......... تواجد قيم ويستحق الشكر ....
والله يا تهاني ماقصرتي بالشرح الوافي والكافي للموضوع بس المشكله ان دورتي الاسباب ماتخلصين وانتي تعدين وتخلص اوراقج وان بغيتي الحلول بتعبين اكثر وانتي تدروين الف حل وحل انا اقول دعي الخلق للخالق وهذا زمن ربي يحفظنا من بلاويه ربي يحفظج ونبي بعد المزيد من المواضيع الطيبه
الله يحفظنا ويحفظكم من كل شر (((لا يغير الله ما يقوم حتى يغيروا ما بأنفسهم )) عشان جذي لازم نعرف الاسباب عشان نقدر نغيرها للافضل ونبحث عن الحلول لان هالمشكله منتشره بشكل كبير بمجتمعنا الا من رحم ربي وفي ظل التطورات راح تكثر وتكثر عشان جذي حبيت ابحث عن الحلول
