تربيه البنت مسائكم فل انا لي صديقه وعندها بنت ماشاء الله تبارك الله عمري ماشفت زي ادبها وعمرها تقريبا سبع سنوات وعندها غيرها اولاد بس البنت متربيه صح ادب مو طبيعي ولما سألتها كيف تتعاملين معها ما شاء الله حتى صارت كذا تسمع كلامك ومؤدبه قالت انا سامعه نصيحه امي وجدتي ما اصارخ عليها ولا اهينها ولا احرجها قدام الناس بس اذا غلطت اقرصها مع فخذها حتى تصير لونها بنفسجي وهاذا دوا البنت تصير لما تغلط تتذكر القرصه ولا يمكن تنساها والقرصه ع قوله جدتي تزرع الحياء في الينت واذا صرنا عند الناس وسوت شي ما ارضاه ما اصرخ قدام الناس او اضربها ع وجهها اخلي لين نروح البيت وهاذي طريقه عقابي لها وهاذي هي زي ماتشوفين تسمع كلامي وتحسب لي الف حساب ونادت بنتها لي قالت وري خاله مكان القرص ياحرام بقع زرقاء فيها والله حبيت انقل لكم المعلومه اللي عندها بنت عاله قلبها سووا زي صديقتي هههههه راح يدعوا علي بناتكم
لا يا عمري مو لي هالدرجه اتزورق واتقولج ما تهينها واهي ترويج مكان قرصتها ( عاد هذي الاهانة بحد ذاتها وكسرة العين بعد) اسمحيلي ما اوافق رفيجتج بهالراي ابدا ومشكورة يا عمري ع الطرح
واي ياحلو البنات عندي 3اميرات ربي يحفظهم بس لو شنو ماقرصهم ليما يزورقون فديتهم ربي يحفظهم حتى لو اطقهم بس موحيل لا بس تهويشه على قولتهم اخرعهم
والقرصه ع قوله جدتي تزرع الحياء في الينت اي وربي وتجعلها ثقيله وراكده ..........اسألي مجرب هذا دواء بنتي بعد ..
انا صراحه مو معاها بطريقتها ,, مفروض انها تتقرب من بنتها وتكون معاها دايماً وهي صغيره ولما تكبر تصير رفيجتـها ,, الله يصلـح بناتنا
انتوا من صجكم؟؟؟؟؟؟؟؟؟؟؟ حرام عليكم ياللي تأيدونها...........وين قاعدين تقرصون البنت حرااااااااااااااااااااام والله قلبي عورني على بنتها وبعدين اشلون ماتحرجها وهي تقول لها وري خالتج القرصه؟ آآآآآآآآآآآخ لو يمي اعلمها شنو القرصه ههههههه
