غيابك صعب ,,, والأصعب وجودك

إذا لك شف في شوفي .. تراني
على شوفتك .. صحيت الأماني

زرعت الشوق كله بأنتظارك
و أخذت الأنتظار .. و جيت عاني

نسيت الناس لكن .. ما نسيتك
عجزت أنساك حتى لو ثواني

مليت الكون .. و أشغلت الجوارح
نظر عيني .. سماع أذني .. لساني

عطيتك شيء ما هو عند غيرك
و لا قصرت .. لكنك أناني

انا أحبك .. و اذا ودك تأكد
شف الله كيف بيدينك هداني

غيابك صعب و الأصعب وجودك
و انا فالحالتين أتعب و أعاني

حبيبي لا تواخذني .. و لكن
أبيك تحط نفسك في مكاني

اذا جيتك و انا مشتاق تقفي
تجاهلني و كنّك ما تراني

و اذا صديت عنك و قلت أبرحل
وقف قلبك على الباب و دعاني

و لو سويت نفسي ما اشوفك
يميل القلب صوبك و يحداني

أنا يا ابن الحلال أصعب حكايه
كتبني الوقت .. لكن ما قراني

مضى عمري و تقدر تعتبرني
غريب .. و في زمن ماهو زماني

زماني راح مع نصفي .. و نصفي
نسى نفسه مع الوقت و نساني

أسافر حزن .. و الصحبه ثلاثه
أنا .. و الصبر .. و سهيل اليماني

و اذا مريت في بلاد الطفوله
فتحت الصدر للحزن و طواني

هنا .. دمعه جرت من عين جاهل
هنا .. لاقيت همي و التقاني

هنا .. باعتني الديره و أهلها
هنا .. ضحيت لفلان و جفاني

هنا .. حاولت أصيح و ما سمعني
سوى بعض الشوارع و المباني

انا يا سيدي .. دقه قديمه
بغيت أخذ من الوقت .. و خذاني

على الأنقاض واقف دون حيله
أشوفك وجهتي بين المواني

تعاال .. و طفّ بيدينك حنيني
تملكني .. و أنا أشعل لك حناني

تعال .. و ضمني يا تاج قلبي
دخيلك لا تخليني .. عشاني

انا شاعر عيونك يا حبيبي
مع التحريف في بعض المعاني

و ما نيل المطالب بالتمني
و لكن شوفتك كل الأماني

محبة صادق النيه .. قصايد
و محبة ساقط النيه .. أغاني

قسم بالله لو موتي بيدك
و أموت الفين مره .. ما كفاني

و أذا باقي من الطلقات .. طلقه
دخيلك .. حطها بين المحاني

أعجبتني فـ .. نقلتها لكم

ابدعتي حبيبة قلبي

لاهنتي غناااااتي

الابداع مشاركتج بمواضيعي يالغاليه

ربي يحفظج ويسعدج

أبيات جميله تسلمين ع النقل

يسلمج ربي على المشاركه بنت زايد فديتج

هالله هالله

لاهنتي ياقلبي عالانتقاء والنقل رائعه

بانتظار جديدج غاليتي جرح الزمان

تسلمين يالغاليه ربي يسلمج ومشاركتج تسعدني

انا أحبك .. و اذا ودك تأكد
شف الله كيف بيدينك هداني

غيابك صعب و الأصعب وجودك
و انا فالحالتين أتعب و أعاني


تسلم الايادي ..

صـــــــــــــح لسانــــــــــج ابداع وربــــــــــــــي

سلطانة زماني ++++ قمةالهمه

الله لايحرمني منكم ولا من مشاركاتكم لي
ربي يحفظكم

يسلموووووووووووووو

تعاال .. و طفّ بيدينك حنيني
تملكني .. و أنا أشعل لك حناني

روووعه قلبي ..
صح لسانج ..

كل الشكر لكم خواتي على مشاركتي فديتكم