السلام عليكم بنات شلونكم؟؟ ابي ااعرف منو احسن دكاترة الولادة بالمواساة وامانه ابي رايكم عن تجربه شخصيه مابي يقولون ويقولون!!! لاني مفكرة اولد هناك بس متخوفة من الدكاترة بعرف منو احسنهم واللي يصبر عالوحدة <<<مابي عمليه ولاتبخلون علي بتجاربكم يا ستااات:sad_smile:
شدعوة بنات معقوله ولا وحدة فيكم عندها فكرة عن الدكاترة اللي بالمواساة يا جماااعة ترى هذى ولااااادة ومحتاجة تجاربكم تكفووووووووووووووووووووووووووووون
ريااان والجووورة مشكورين على مروركم ودانه ماقصرتي يا وخيتي انا سامعة عنها هي وفرجينيا ومحتارة بينهم الله يسهل
حبيبتي نصيحة دوريلج مكان ثاني شوفي بالأمانة ولادتي كان حلوة و سهلة فرجينيا كانت دكتوترتي من اول حمالي و صبرت عليي وقت الولادة و خذيت ابرة الظهر والله الدكتور كان عجييييب مشاءالله عليه بسسسس ااخخخ شقولج ولدت طبيعي و ولدي صرخ اول ما طلع و كل شي كان عادي ليمن ودوني غرفتي خذو ولدي مني على اساس يسبحونه و اييبونه لي نطرت 3 ساعات و بعدها دقو على غرفتي يقولولي ولدج بالعناية المركزة و طلعو فيه عيوب الدنيا كلها ظل هناك سبوعين باقو مني 4000 دينار و بالأخير طلع الولد ماكان فيه إلي اهما قالولي عنه بس بعدها قام يتشنج و تعب زيادة بسبتهم غير 3 او 4 حريم انعرفهم ولدو هناك و سوو معاهم نفس الشي إذا تبين تفاصيل اكثر انا حاضر الله يسهل عليج و تولدين بالسلامة ان شاء الله
حبيبتي أنا أنصحج بالدكتورة شادية العثمان و عن تجربة ولادتي الأولى كانت بالمواساة و الله المستشفى ممتاز و كل اللي أعرفهم يولدون هناك حماتي و صديقاتي و بنات جيرانه و حتى والدتي ، بس الدكتورة شادية ألحين طلعت من المواساة و فتحت لها عيادة بمجمع فرجينيا أنا ألحين أراجع عندها علشان ولادتي الثانية ماشاء الله عليها ممتازة دائما اسم الله على لسانها و هادية و بشوشة و لمن اتسويلج السونار تسمي و تقرا قرآن و على فكرة اهي تولد ألحين بثلاث مستشفيات ( المواساة + السلام + الهادي ) و الله أنا حماتي لمن كانت حامل بولدها قالتها دكتورتها ان الجنين خارج الرحم و خرعتها حيييل و لمن حماتي سألت و راحت حق الدكتورة شادية قالتلها الجنين سليم و الوضع طبيعي و ولدتها و الحمد لله ألحين ولدها عمره 6 سنين الله يخليه لها
أنا على بنتي كان فيني سكر بآخر أشهر الحمل و الدكتورة شادية كانت صريحة معاي و قالتلي من البداية راح تعتبين شوي بالولادة ما راح أقولج ولادتج سهلة و تقولين الدكتورة شادية قصت علي أكون معاج صريحة من البداية أحسن و لمن قتلها دكتورة أنا أخاف ولديني عملية نصحتني بالولادة الطبيعية لأن القيصرية من أول حمال راح أتعب بعدين و الله صبرت علي و كانت هااادية حيييل و الحمد لله ولدتني طبيعي و كل شي تمام أنا و الجنين بخير الله يسهل عليج و على كل حامل يا رب و يوفقكم و يرزقكم بالذرية الصالحة يا رب
مشكووووورة يالذوووووق ماقصرتي الله يطمن قلبج وبصراحة انا عندى اهم شى الدكتووورة مو المستشفى والله يسهل علينا وكلللللج ذوووووووووووووووووووق
العفووو حبيبتي و مشكورة على ردج الحلووو و انشاء الله أكون أفدتج و يعطيج ألف عااافية و الله انتي اللي كلج ذوووق :smile:
حبيبتي ماكو على دكتور عادل مرسي عجيب انا ولدت عنده ولدي والحمدالله نطر علي ومعاملته ممتازه ويرفع من معنوياتج حزة الولادة والحين انا حامل بالثاني وانشاله راح اولد عنده صرااحة ارتحتله حيل وما راح اغيره وانصحج وانصح كل وحدة تراجع المواساة اتروح عند د . عادل مرسي ممتازا جدا
انصحج بالدكتوره روبينا بمستشفى السيف عن تجربه كانت بالمواساة ونفسها حلوه وتصبر عليج وشغلها ولا اروع والحين انا حامل ورحت لها بالسيف وان شاء الله بولد عندها بالسيف
مشكوره على موضوع الحلوه يا دلوعه ريلي كنت ابي اكتب نفس الموضوع اخت شاديه ابي اعرف دكتوره شاديه جم تاخذ حق الولاده والخياط حلو ولا هذي ولادتي الرابعه ابي خياط حلو علشان راح اطول اذا بغيت اجمل
انا ولدت بالمواساة عند دكتورة فرجينيا خووووش وحده وتحسين عندها خبره في ناس ماتمدحها بس بالنسبة لي كانت حييييل خوووش وحده وانا الحين حامل واراجع عندها والله يسهل
حبيبتي الله يتمم عليج ويقومج بالسلامة.. انا على حمالي بعيالي الاثنين كله بالمواساة.. اول حمال عند الافغاني اراجع اخرتها كشت وما ولدني.. يالي دكتور اسمه زولتان ولدني كان خياطه حده عجيب بس الحين طلع من المستشفى.. على حمالي الاخير في بنتي كنت اراجع عند الدكتور ناهض ايييييييينن ومحترم :thumbs_up:ومن قبل مااحمل كنت اراجع عنده ليش كان فيني تكيس.. هم ولادته خوش دكتور بنتي كانت مرتفعة ومااستعيل علي ولا شفطها حمدالله وحتى بالخياط ماشالله كنت اتحرك عادي لا عوار ولا شي.. وعلى فكرة اهوا استشاري العقم وطفل الانابيب بالمستشفى وعيادته مو مع باجي الدكاترة.. وبالنسبة للمستشفى حدددددددها رعايتهم روعة ويهتمون بالوحدة..:regular_smile: الله يسهل عليج :wink_smile:
أنا أنصحج بالدكتورة شادية ممتازة و خياطها يهبببل و نفسيتها وااايد حلوة و بشوشة و حبوبة و ترتاحيلها من أول ما تشوفينها و على طول ذكر الله على لسانها و بالها طويل و تصبر على الوحدة و أنا مجربتها ما كو عليها
6yoof بغيت اسالج عن الدكتور ناهض انا سمعت عنة بس يدحونة بمعالجة العقم ومحتاااااارة اولد عندة او عند د0عادل مرسي وياليت تفيدينا وما تقصرين حبيبتي وناطرين ردودكم وعسى ربي يرزق كل محرومه بالضنى الغالي اللي يفرحها ياربي
