:tongue_smile: سويت كوبي حق موضوعي وبحطه اهني حدي ناسيه ان في موضوع التجربه :teeth_smile: ولادتي كانت تاريخ 27 -7 - 2010 بمستشفى السلام عند الدكتور عمرو عصام واهو خوش دكتور قبل موعدي ب اربع اسابيع طبعا لان ولادتي كانت مبكره وقيصريه اول مادشيت الثامن الدكتور قالي البيبي مالف وماراح يلف الوضع باين عنده ان ماراح يلف لان انا مسويه عملية معده ومأثره على وضع البيبي ومانعه دورانه وطبعا قمت احاتي وقلت لا اكيد يألف حجي فاضي هذا الي قاله الدكتور من وصلت نهاية الشهر الثامن رحت موعدي السبت والبيبي كانت قاله حركته سوالي الدكتور سونار يادوب قدر يشوفه الماي طلع وايد ناقص عليه من قالي الدكتور ولاده لازم انا ودي الارض تنشق وتبلعني من الخرعه وعطاني ابرة الرئة وحده الظهر ووحده بليل ويوم الاحد دخولي بليل رديت البيت وانا وحده ثانيه من خوفي بس كنت الهي روحي مابي اكلم احد عشان لاتخنقني العبره وابجي جدامهم بس الوحيد الي شافني ابجي ريلي مسكين اهو مات خرعه من قمت ابجي وياتني اختي وحماتي ماقصرو الله يعطيهم العافيه عدلو شقتي وانا جهزت جنطتي ورحت الساعه 11 بليل المستشفى وسولي دخول وعلى مايخلصون الاوراق شفت الغرف المستشفى حده زحمه الادوار فل والله اللهم حصلت يمكن 4 غرف وكل وحده غير عن الثانيه اخترت غرفة VIP1 وليلتها ب140 دينار دشيت الاحد 12 بليل وطلعت الجمعه 2 الظهر طبعا من دشيت الغرفة بدلت الممرضه فر اشي حطت لي الكفر مال استقبالي وركبت على ابرة المغذي وحطت لي جهاز نبض البيبي وسوتلي تست مال الحساسيه من الادويه وركبت المغذي وقالت الصبح الساعه 8نجهزج وانا حدي خايفه بس مابينت حق ريلي واهو منصدم وخايف ليش انا مابينت له خوفي ماقدرت انام وقاعده افكر واحاتي لين دخلت الممرضه وحطتلي الحقنه الشرجيه وغسلت وبدلتني ويات اختي اول وحده وحطوني على السرير مال العمليات ودشيت العمليات 9 ونص وظليت بالغرفة الانتظار وياني دكتور التخدير يسألني لين وصل دكتوري ودخلوني غرفة العمليات وركبو المغذي طبعا طلبت تخدير عام وشفت بيد الدكتور ابره كبيره والي فيها الدوه ابيض قتله شنو هذا ولا يحقنها قتله دكتور رقبتي نملت ومابطلت عيوني الا لمن سحبو لتيوب من بلعومي وماحسيت بشي بعدها الا عل 11 وشي واول كلمه قلتها ثثتر :/ يعني سستر واهي تضحك على والدنيا ادور بعيوني وانا اقولها ثثتر البيبي مالي حلو :$ قمت احن على راسها موراضيه اطلعني يوم زهقت جيكت على كل شي فيني وطلبت ممرضة الجناح عشان تاخذني غرفتي وتبطل باب العمليات وانا خانقتني العبره ابي اشوف ولدي وريلي ولا اشوف لوول اخوي ومرته واهي مسويه مناحه تبجي ودوني غرفتي ارفع روحي عند الباب ولا كل اهلي موجودين وحمولتي بعد طبعا شفت ريلي جان اقعد ابجي بجي جني ياهل واهو مسكين يقولي صار عندنا بيبي ويسكتني والباجي يبجون معاي :$ بعد ساعه يابولي نور عيوني وشفته وانا مومصدقه والله لي يومي هذا وانا مومصدقه اني ام الله لايحرمني منه يارب ويرزق كل محرومه وسويت استقبال بالمستشفى لان حزتها مابقى شي على رمضان وعندي عرس بنت اخوي فالكل راح يكون لاهي اذا بسويه بالبيت وحمدالله الكل ياني وبارك لي وثاني يوم ياتني مالت التصوير وقالت لي عندهم عروض تصوير وصورة ولدي التصوير كان ب 60 دينار طبعا دشيت المستشفى ووقع زوجي على اوراق ولادتي وتكلفتها 1050 دينار بس مع التأمين 100 وكلفت ولادتي 1,284 صار زياده مال تصوير البيبي 60 وتحاليل حق البيبي 15 والباجي ادويتي والمسكن لان كنت اطلبه وايد وخدمتهم واييد حلوه بس عيبهم الوحيد ان عليهم ضغط بس ولكلينر دايما ينظفون الغرفه والحلو بغرفتي ان معاي مرافق فري واكله بعد فري ويبت انا فلبينيتين تقديم حق العصير والحلو والجاي وقاعده اسوي البوم صور ولادتي بملفي الشخصي بس ماخلص لان الصور بالكاميره بعدهم وادري طولتها عليكم ههههههههه بس بقول بالتفصيل عشان الكل يستفيد واي سؤال انا حاضر والي تدخل تقره وماتبي تكتب شي لووول خل تدعي الله يخلي لي ولدي بقلبها
ياحياتي فديتج والله وربي يخلي بناتج يارب وربي يرزقج بالولد الصالح الي يطلع لج قرون هههههههه بحنته :74_74: وربي يسمع منج يارب واشوفه معرس والعفو حبيبتي ولوو :teeth_smile:
الله يخليلج ولدج يا رب اخت اهات انا سويت موضوع وسالت عن مشفى لندن ولكل نصحني اني اسالج بليز احجيلي عن ولادتج بهل مشفى بلتفصيل وكم دفعتي لهم الله يخليلج بناتج
حبيبة قلبي والله الله يتمم عليج يارب حبيبتي اقري الصفحات كلها بتلقين اني كاتبه قصة ولادتي بالتفصيل ومع اسعار المستشفى وسعر ولادتي عالعموم طلع علي ب313 دينار ومشكوره على دعوتج لي ياقلبي الله يسمع منج يارب
ايه سعر الولاده 180 يشكل جم شغله بس اما في شغلات ثانيه نفس حضانة ودكتور البيبي والاكل وووالخ مايشمل ال180 عرفتي شلون يعني تروحين عالاقل بجيبج 4دينار اذا كنتي متاكده تولدين طبيعي بس قريت انج بتولدين بسوريا موهني؟؟
السلام عليكم خواتي انا ودي اولد بمستشفى العرف اهيه قريبه علي او السلام او المواساة او دار الشفى ابي دكتوره شاطره في الخياط التجميلي الاني الحين ابي اولد في الرابع يعني راح اطول في الحمل الخامس انشالله ابي يكون الخياط حلو معاه تضيق انا احاتي الخياط الانه الولاده ايه ايه ابي تجارب البنات في الخياط بعد انا ولاداتي في الاولى والثانيه في مستشفى الصباح الاولى كانت ولادتها حلو ماحسيت فيها الانه حطولي ابره بظهر بس الخياط لوعه جني يايبه عشر يهال فحملت بسرعه علشان اعدل خياطي زوجي مارضى اروح خاص ولدت في الصباح بعد بس حسيت بولاده كلها كامله يعني مريت بطلق كله طلعت راس الياهل مارضو يعطوني لابنج ولا شي يعني تعذبت بس لخياط كان احسن من بنتي الاول اهنيه طولت لما حملت في بنتي الثالثه ظليت سنتين واقنعت زوجي اني يخليني اولد بخاص طبعا رضى بعد معاناة ولدت في العرف صج راحه والله خاص احسن من الحكومه حطوني بغرفه بروحي مع بنج كامل يعني ماحسيت في الولاده والخياط حلو من بره شكلج انا ودي اولد في العرف مره ثانيه بس احس انه بعيد عن اهلي وايد انا الا ولدتني دكتوره هنديه اسمه جنه كنغه اما حماتي دكتوره بلغاريه تقول خياطها حلو ماكلفتني وايد خذيت غرفه خاصه 470 دينار كل ولادتي الحين ادور مكان اولد في علشان عندي اهم الخياط ابي دكتوره شاطر
اي اخت اهات انا عندي ولدين واحد ولدته بلكويت بمشفى العدان والثاني بسوريا والولادة بسوريا احسن بالف مرة من هني يعني ما في هنديات وفلبنيات كلهم دكتورات سوريات متخصصين ولادة وما في دكتور بلمشفى كلش والخدمة روعة وقسم الولادة تدخله الوحدة هي وامها ولتبيه يدخل معها وحين يتاكدون انو لوحدة صار فيها وللدة ولازم ينزل الولد ياخذونها عغرفة التوليد ويولدونها وبلكثير تقعد بلغرفة نص ساعة عحسب الحالة -وبعدين يلبسون ولدج جمبك يعني ما ياخدوه ويروحو ودغري يرجعونك عغرفة الكنتي قاعدة فيها انتي واهلك ويشيكون عليج وبس يطمئنو انو ما فيج شي اذا حابة تتخرجيب مباشرة يخرجونك ماشالله عليهم وكل هاد مجانا فانتي بعد هلحجي وين تنصحيني اولد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وخصوصا ما يعطون الابرة الشرجية مثل هني
انا استغرب من اي وحدة تمدح مستشفى الراشد لانه بصراحه الفروانيه بس تدفعين فلوس انا عن نفسي مسميته الفروانيه الخاصه وما عجبني وانا اولد بدار الشفا واطلع ناهد العلي تولدني كلمت روعه ما تكفي فيها صج صج روعه واسلوب تحسين كان امج معاج في الولادة الله يجزاها خير
هلا حبيبتي الله يخليهم لج ان شالله سبحن الله كل واحد ابدولته يرتاح سواء بمستشفى او غيره وصح كلامج انا عن نفسي اول ولاده لي بمستشفى السلام طلعت علي الولاده ب450تقريبا وولاده حلوه وخياط مضبووووط رعايه واهتمام بس الكمام موشي بالنسبه لي مادري عن غيري ثاني ولاده بمستشفى لندن رعايه اهتمام كمام رووووووووووووووووووووووووووعه وخياط حلووو وطلعت علي الولاده ب313وايد زين السعر ماشالله اعتقد مستشفى السلام اسعارهم الحين غير انا اقول توكلي على الله واستخيري ربج واولدي بسوريا دام ماشالله هذي رعايتهم واهتمامهم معاج ومجانا
هلا حبيبتي نورتي الموضوع ولاده عن ولاده تفرق ومستنشفى عن مستشفى يفرق كل مستشفى فيه اللي يذمها وفي اللي يمدحها وماشالله ناهده العلي كلمن يمدحها ودار الشفا بعد يمدحونها بس قرين كذا مره انه اكثر اليهال اللي ينولدون فيه يصيرلهم نقص اكسجين من المستشفى نفسها يعني كل مستشفى فيها الزين والشين
هلا حبيبتي انا اقول اولدي بخاص افضل الحومه خياطهم لووووووووعه واذا بتولددين بحكومه عقب جم شهر من ولادتج روحي سوي تجميلي بمستشفى خاص بدال ماتحملين مره 2 واذا مقرره تولدين بخاص اولدي بالعرف والله كلمن يمدحه يهبل من رعايه اهتمام وخياط عالاقل يضيجونج عدل بس هالمره قولي للدكتوره ابي تجميلي مضبووط لان مافكر احمل مره 2 بس قوليلها جذي عشان تضيجج عدل ضيج اصبعين عرفتي ياقلبي ومع النفاس المضبوط بتطلعين احلى عروس ان شالله واي استفسار 2 من عيوني هني او عالخاص
ويخليلج عيالج ياااااااااارب تسلمين ماقصرتي ادعيلي بالولد الصالح عندي 3بنوتات ربي يحفظهم هلا حبيبتي طريقة كلامج فديتج ياهلا فيج انتي واهل سوريا كلهم وهم قريت لج مشاركه انج بتولدين بسوريا وعرفت هلا حبيبتي الله يرزقج بالذريه الصالحه يارب انصحج بمستشفى العرف معروفه وعندج مستشفى لندن يمدحونهم وايد راحولهم وحملوا بفضل الله
مستشفى دار الشفا رفيجت بنت اخوي سوت عندهم 3 بيبيات ويابت الله يخليهم 3 اصبيان الله يحفظهم لها لان عندها بنتين وجنه دكتورها اسمه حسام او حاسم مااذكر والله بالضبط
