ابي حل مع امي احس انها مو امي من يوم ما تزوجت وامي حاطه علي حطه عبالها زوجي ياخذ فلوسي ومعاشي عندي منه زوجي 4 بنات اخر بناتي يبتهم توم وقعدت بالبيت سنه ما داومت واهو ايلي يصرف علي وعلي بيت وخدامه وعلي عياله شسوي معاها كل الطرق سويتها ماكو فايده عندها الفلوس الاهم اذا عطيتها اصير حبييبتها واذا ما اعطيها اصير عدوتها تكره زوجي كره العما لانه اخر هوشه دخلت اهلي ووصلت سالفتنا لطلاق لانه مد ايده علي ومن يومها امي موراضيه تنسي سالفته مع انه تاسف وباس حتي ايدها ويحاول يراضيها علي كثر ما يقدر بس ماكو فايده واذا رحت الدوام او طلعت اشوي وخليت عيالي عند خدامه اتسوي لي سوالف واصرخ وادق علي كل شوي تعالي اخذي عيالج ياربي والله اشوف الحريم يقطون عيالهم ويسافرون انا حتي جمعيه حسره علي استعملت كل الطرق بس ماكو فايده متسلطه بالبيت حتي ابوي ما يقدر يبطل حلجه واخواني يا ويلهم اذا سوو ا شي وماقالو لها كلشي متسلطه وتحكمه ابي الحل تكفوووون والله نفستس زفت مرات اشوف ارفيجاتي اشلون يعاملونهم اهلهم والله العظيم انقهر ليش
جربتي مع امك الدعاء والاستغفار بنية ان ربك يحنن قلبها عليك والله اعرف وحده تهاوشت مع زوجها ولما راحت بيت ابوها جاء زوجها وتعذر من ابوها ومنها بس ابوها معند ما ترجع له وجلست 5شهور كل ما كلمت ابوها رفض وبعدها مسكت الاستغفار والدعاء وسبحان الله ابوها تغير وهو الي وداها لبيت زوجها فعسى ربي يلين قلب امك عليك امين
وامي صايره مزاجيه متي ما تبي تضحك تضحك متي ما تبي اتنكد علي الاوادم اتنكد والله مرات احسها مرت ابوي مو امي كلشي سويته معاها ماكو فايده
ميخالف يالغالية مهما يكون هذي امج يمكن نفسيتها ومزاجها صعبين لكن تاكدي انها تحبج حيل وسالفة كرهها لزوجج ..ترا عادي قلبي في وايد امهات مايحبون رياييل بناتهم حتى لو كانوا زينين ... اذا تقدرين عطيها فلوس اذا يرضيها عليج هالشي والله حطي في بالج انج ترضينها باذن الله راح ترضى يارب يهديها لج ويهديكم لها ويريح قلبج
ليش حرام عليج الحين موقلتي انها زعلانة علي زوجج لانة مد ايده عليج يعني موراضيئ عليه لانة طقج يمكن اخذت موقف منة لانة مد ايدا علي بنتها هذا دليل انها تحبج وماتحب تشوف عيالج يمكن يذكرونها في ابوهم وهي ماتحبة
تكره زوجي كره العما لانه اخر هوشه دخلت اهلي ووصلت سالفتنا لطلاق لانه مد ايده علي ومن يومها امي موراضيه تنسي سالفته مع انه تاسف/// غاليتي امك ثم امك ثم امك حتى لو تهينك وتزفك تاكدي ان لها الحق ورغم انك مستاءة من والدتك الان هاذي الام صاحبت المزاج الي خلت من جسمك لحم وعظم اطعمته وربيته لين صرتي انتي ما رضت على زوجك لانك فلذة كبدها وملكها قبل هو يملكك وقبل يصير زوجك وابو عيالك وتاكدي تذمر فقط عقووووق طولي بالك مثل ما طولت بالها عليك وربتك وتحملت شقاك كلها طبع في امك سايرية وتحمليه يجي يوم وتقولين وينها يارب تغثني وينها يارب تطقني تزفني اي شي بس تبقى بحياتي !!! الام حياة تحمليها
اغلب الأمهات جذي لازم تتعودين امج .. انا ساعات إيني إحساس لم كنت فترة الاربعين ان أمي ماتبيني ودائما اسمع نغزات بس لم احط اكلي وأغراض تصير أوكي معنها زينة ودائما تقول مافي جذي وجذي ايب لها عشان أرضية أمي تحملي.. وانا بنتي لم تبجي تقول أخذوها فوق ازعاج حق الهدامة او صعدي فوق تحملي امج سنة نسوي
هلا اختي . . . حطي نفسج مكانها بما انج جربتي الحمل والولادة والامومة . . . بنتج تهاوشت مع زوجها شنو شعورج ؟ بنتج اللي ربيتيها وكبرتيها وزوجها مضيق خلقها هل ياترى بتحبين زوج بنتج بعد اللي سواه في بنيتج؟ النفوس بتتغير صدقيني . . . وسالفة المعاش مو حرام او عيب انج تعطينها كل شهر 100وإلا50وإلا40دينار انتي وقدرتج . . . واذا مزاجية قعدي وياها لما تكون نفسيتها اوكي وصارحيها وطولي بالج وناقشيها باللي تحسين فيه وربج كريم . . .
اموت وافهم شكو تسولفون لاهلكم كل تفاصيل حياتكم؟ وبعدين اي مشكله تدرين انها ماراح توصل للفراق او الطلاق خلاص خليها بينكم وتنحل بروحها كره امج لريلج ما صار من عبط هذا من حبها لج ولعلمج انتي بتنسين اي مشكله لج مع ريلج بس اهلج او امج عمرهم ماينسون ربي يحفظج ويسعدج.....لاتسولفين لامج عن اللي يصير في بيتج
